高鈞賢演奸角求翻生
高鈞賢加入無綫初期被力捧，但之後機會並不多，但公司似乎想為他一改形象，最近屢接奸角的他坦言不怕影響形象，只望有更多發揮，他亦不諱言曾想過若持續沒成績，便退出娛樂圈返加拿大。
高鈞賢（Matthew）獲選香港先生後一直給人的感覺都是斯斯文文，不過近期獲不少監製派演一些有發揮的奸角，Matthew不諱言都想改變形象，他謂︰「之前原本《法網狙擊》中有場戲要我強姦高海寧，不過後來我腳傷做手術，所以拍唔到，之後《仁心解碼II》監製羅永賢問我做今次呢個邪教教主角色得唔得，因為都有啲動作場面，雖然嗰陣啱啱好番，但係我唔想錯失機會。」劇中，他與藝員梁麗瑩有場約兩分鐘的激咀戲份，Matthew笑言第一次激咀，幸而大家都熟落，故沒有NG。
高鈞賢坦言曾想過若持續沒成績，便退出娛圈。
怕影響小朋友
問到拍奸角怕否影響形象時，現時為兒童藝術學校總監及校長的他表示不怕觀眾不接受，只怕學校小朋友不接受，他謂︰「我叫啲家長剩係畀小朋友睇八點半時段嘅《女警愛作戰》，裏面我係一個好陽光味重嘅警員。」
高鈞賢表示自己性格好勝，會努力嘗試不同角色。
高鈞賢表示很喜歡《女警愛作戰》中的陽光男孩角色，亦滿意劇中表現
唔掂返加拿大
提起《女警》，Matthew坦言此劇對他來說很大感觸，他不諱言自當選香港先生後，不夠一年便擔任《幕後大老爺》第二男主角，不過那次的失敗，令自己一度受挫，他謂︰「嗰陣拍完《幕後大老爺》始終係第一次，而且得廿二歲，好多嘢未成熟，出嚟畀人話我演技差，之後啲監製都好少搵我，做嘅都係閒角，不過《女警》自己視為最後機會，我諗過如果呢套啲反應都唔好，就唔做呢行返加拿大。」
.高鈞賢演奸角求翻生
http://veryy8.blogspot.com/2013/03/blog-post_4419.html.高鈞賢演奸角求翻生
http://veryy8.blogspot.com/2013/03/blog-post_4419.html
