朱咪咪貪享剎那光輝
【老表你好熱】朱咪咪近日熱爆電視圈，兩套新劇《老表，你好嘢！》及《初五啟市錄》同在黃金時段播出，再加上傍晚重播劇集《王老虎搶親》，升呢為三線劇同播的大紅人，連她亦坦言享受這一剎那光輝，加上紅館兩場演唱會大賣，令她今年豬籠入水返老家過肥年。
撰文：王崇穎
■朱咪咪有份演出的劇集最近於無綫黃金時段播出，又準備開演唱會，令她人氣急升。攝影：林德雄
■在《老表，你好嘢！》中，朱咪咪與王祖藍、黃光亮帶給觀眾很多歡笑。
新年伊始，朱咪咪絕對紅爆娛樂圈，打開電視就見到她的演出，憑「夢露老師」、「事頭婆」等稱號已令現年58歲的咪咪姐紅爆，除無綫黃金時段兩套劇集《老表，你好嘢！》及《初五啟市錄》外，傍晚6點正更重播劇集《王老虎搶親》，令朱咪咪升呢為三線劇同播的大紅人。
除熱爆電視圈外，今個月咪咪姐再戰紅館開兩場「朱咪咪大吉利是演唱會2013」演唱會，銷情跑贏同期開演唱會的甄妮、關淑怡及葉德嫻等女歌手，認真威盡。早前咪咪姐更獲崩牙駒邀請到澳門為其母親壽宴上擔當司儀，即時令她成為港聞頭條人物。
「夢露老師最啱我」
三套搞笑劇齊播的咪咪姐，就連她自己亦有種飄飄然的感覺，她笑言：「我個樣係咁冇得講，而且我本身係一個開心嘅人，其實我呢幾年喺無綫就只得呢幾套劇，一下子出曬街，播完之後我相信觀眾都會有段時間見唔到我。」不過咪咪姐的笑彈只發送給觀眾：「我對住我老公唔會咁樣，就連同枱食飯嘅朋友都覺得我台上台下兩個人，講真我台上係搵食，??家同枱食飯係冇錢畀我?。」
目前升呢紅爆的咪咪姐直言只屬一剎那的光輝，但令她十分享受，她說：「耐不耐一下都幾好，都不失為好事，而且又可以配合到我嘅演唱會。」她表示雖然晚上黃金時段兩劇播出，但出街不少人叫她夢露老師，甚少以事頭婆稱呼她，就連朱咪咪亦消失得無影無蹤，她說：「夢露老師啱我多少少，都係唱歌出身，而且呢個角色係比較出位，我自己演呢個角色嘅自由度好大，喺對白方面都可以加自己嘅笑料，令到成段對白可以更加好笑。」
■傍晚六時播映朱咪咪有份演出的《王老虎搶親》，出鏡率甚高。
■朱咪咪在《初五啟巿錄》中飾演黃浩然母親，於冬天拍攝射濕身一幕叫苦連天。
「車站清唱好尷尬」
對於劇中岑麗香飾演其年輕時代，咪咪姐表示香香絕對有其當年少女時的影子，她說：「之前話G.E.M.似我，我都唔覺，佢比較面圓啲，反而香香有某啲角度有我當年嘅影子，我後生嗰時好純情?，好似張枱布咁白，入咗娛樂圈之後就灰咗少少，但我性格仍好白色。」
咪咪姐表示拍《老表》令她最感難度乃於紅磡火車站清唱一曲，她說：「我喺火車站想食煙，祖藍吹熄我火機，之後我就發火唱歌，當時係好尷尬，因為要清唱同好多人圍觀，仲要拍唔同角度所以要唱好多次。」
雖然《老表》大收，但《初五》中的咪咪姐同樣搞笑出色，飾演黃浩然娘親的她表示劇中有幕被水炮射的戲份，拍攝時十分艱苦，她說：「拍嗰陣係11月都幾凍，講我哋真係俾水炮射，原來真係好痛?，當時大家都有泳衣打底。」咪咪姐坦言兩劇演繹未有好大分別，她說：「夢露老師就因為成日要登台，扮到鬼火咁靚，事頭婆就要打番幾下功夫，性格方面比較強。」
場地提供：聘珍樓
.朱咪咪貪享剎那光輝
http://veryy8.blogspot.com/2013/02/blog-post_6200.html.朱咪咪貪享剎那光輝
http://veryy8.blogspot.com/2013/02/blog-post_6200.html
