我得寵：咕(口巨)貓生擒高海寧
宅男女神高海寧（高Ling）近年工作忙不停，雖然工作辛勞，但回家見到貓咪Yoda Baby圓咕碌似咕(口巨)的臉蛋，都不期然地儍笑起來，更形容Yoda是隻像狗的貓，最耍家是加菲貓眼神，令高Ling急不及待要抱牠入懷。撰文：卓寶花
鏡頭前或工作時候見到的高海寧最矚目莫過於她的惹火身材，但原來這位宅男女神內心充滿愛心和憐憫，約一年前，她遇上現時飼養的愛貓Yoda Baby，當時Yoda被前主人嫌棄醜樣而被棄掉，但高Ling卻沒有這個想法，反而對Yoda一見鍾情，情急之際還未來得及詢問家人意見，便將牠帶返家。
■高海寧抱著Yoda Baby時，牠即露出一副嬌嗲的模樣。
為食肥嘟嘟
提起Yoda的身世，高Ling帶點氣憤說：「前主人買咗Yoda返去，嫌棄佢面頰下垂，鼻又扁，望落個樣唔精靈，覺得醜樣，所以唔要佢，真係好可憐，買嘅時候都知佢個樣，咁唔負責任。但係我唔知點解一見到Yoda覺得佢好可愛，就決定帶佢返屋企。」
■愛貓懂得向高海寧撒嬌，
■高海寧滿載愛心，愛狗又愛貓。
帶Yoda返家時的確有點手忙腳亂，因為高Ling兒時除了在南京長大的時候飼養過街貓外，只養過烏龜、金魚等易打理的小動物，今次都花了一段時間去學習，她說：「初時買齊曬啲寵物用品後，都有問養貓嘅朋友，自己又會睇書研究，後來慢慢同Yoda相處，發現佢一啲都唔難湊，而且又乾淨，又識得自己去廁所，??家我屋企人都好錫佢，就算我離開香港工作，都有屋企人幫我睇住佢。」
■異國短毛貓Yoda Baby，臉圓圓和加菲貓眼神，十分迷人。
陪睇電視冧
Yoda除了外形似加菲貓外，更被高Ling形容為為食貓，擁有圓潤的身形。高Ling說：「我本來鍾意狗多過貓，但佢真係好得意，肥肥哋圓咕碌，好似個咕??，平時我坐喺梳化睇電視，Yoda好自然就纏住我。」高Ling與Yoda建立了深厚感情，曾想過為Yoda找個伴，但又未遇到合眼緣的對象，而且不想將愛心分散，還是將愛心百分百投入給Yoda。
眼神最迷人
■Yoda Baby甜睡時輕搭高海寧玉手，相當黐身。
每當高海寧返家，Yoda會第一時間到門口迎接，還發出嬌嗲喵喵聲撒嬌凝望主人，高Ling說：「Yoda性格完全唔似貓，又唔cool，反而好鍾意人抱，佢根本係一隻好似狗嘅貓，仲會用兩隻手搭住我肚腩，伏低同我一齊睇電視，有時又會引我注意，攤長個身瞓喺電視機前。」
愛玩羽毛
Yoda的眼神有時又令人難以抗拒，高Ling說：「最耍家係佢加菲貓嘅眼神，成日好似睥住我咁，但呢種眼神亦令人最冧，佢一用呢種眼神望我，我就一定會抱起佢。」除了與主人睇電視外，Yoda最喜歡玩羽毛和頭髮，每當影相時要吸引牠望鏡頭就要出動羽毛，拍照效果會更佳。
.我得寵：咕(口巨)貓生擒高海寧
http://veryy8.blogspot.com/2013/02/blog-post.html.我得寵：咕(口巨)貓生擒高海寧
http://veryy8.blogspot.com/2013/02/blog-post.html
