探熱針
曾志偉除夕曬冷 Party 獨冇梁漢文
2013年01月03日大除夕夜，因「開飯事件」插手衰多事，涉嫌掌摑黃浩被警方拘捕的曾志偉，繼續開 party，曬冷慶祝！志偉吹雞，必定陪玩的鐵腳苗僑偉、梁烈唯、大肚婆湯盈盈同周家蔚在陣護駕外，連無現身多時的唐文龍、吳婉芳都到場撐住助威。唯獨被傳做二五仔，同志偉反面的梁漢文，繼早前聖誕 party無份，除夕夜照樣被志偉一腳伸走！
大肚媽咪
兩個大肚媽咪嘅另一半開工冇出現，二人亦玩到淩晨 3點多才離去。
包場倒數
二○一二年大除夕，曾志偉並未因涉嫌掌摑黃浩事件影響，一如往年，開 P慶祝，圈中老友曬冷撐硬，陪曾志偉倒數迎新年。據知，曾志偉本來透過微博通知老友派對地點，但因懷疑戶口被黑客入侵，搞到臨開 party前才公布
地點。
當晚十時許，曾志偉在位於灣仔杜老誌道，佔地兩層的意大利餐廳 Billidart Restaurant& Bar包場玩。天氣寒冷，一身便服的他只穿上羽絨背心，上樓後約十分鐘，內地演員胡軍坐 著曾志偉的坐駕抵達，主人家更專誠落樓迎接，並將放在車廂後座的一件棗紅色西裝穿上。
其後，各路老友陸續抵達現場，包括陪玩鐵腳苗僑偉夫婦和女兒，洪天明和錢嘉樂因為不在港，由兩位大肚阿嫂，周家蔚和湯盈盈結伴到；商天娥、樂易玲攜眷出席外，久未露面的吳婉芳更全家到齊，還有北上發展多年的唐文龍，則拖 著兩位操普通話的女子和一名男性朋友到場。
本來著住羽絨背心的志偉落樓接胡軍，之後在車尾箱攞衫換，著住迎節棗紅色褸玩足成晚，醉住走的他，更因褸太窄，露出大肥肉。
預告冇份
被黃浩告誹謗的梁烈唯，亦升呢成為曾志偉老友，獲發入場券。至於有傳做二五仔頂證曾志偉的梁漢文，雖然公開發聲明澄清與對方友情不變，但繼聖誕派對冇影後，除夕派對亦不例外，獨冇！
自己知自己事！梁漢文為免𤓓爆，預先向記者打定底。「梁炳（梁漢文）早排 喺新城勁爆頒獎禮已經講，話好多年前開始，除 咗朋友生日派對會去之外，其他都唔會再出席，所以志偉開派對，佢冇去都變得好正常。」
爛醉離場
據當晚有份出席派對的賓客透露，曾志偉完全未受「掌摑事件」而影響心情，在場內滿場飛，又搵金至尊贊助設抽獎遊戲，玩得極之開心；捲入誹謗官司的梁烈唯，亦因為升格做到曾志偉老友，心情異常亢奮！
派對玩到淩晨兩點，賓客陸續離開。玩得好盡興的主人家曾志偉，堅持貫徹「打直入打橫出」爛醉風格，淩晨三時，由兒子曾國祥及多名友人抬住離開。
場內氣氛
.[壹週刊]曾志偉除夕曬冷 Party 獨冇梁漢文
http://veryy8.blogspot.com/2013/01/party.html.[壹週刊]曾志偉除夕曬冷 Party 獨冇梁漢文
http://veryy8.blogspot.com/2013/01/party.html
