2013年1月3日星期四

陳嘉容異於常人

2013年01月03日

已經同髮型師 Ricky Kowk離婚五年嘅陳嘉容，早排俾人發現佢同一名外籍男子又拖又攬又錫夜蒲 Dragon-I，之後仲情不自禁當街激嘴。不過陳嘉容死口話同對方只係好好嘅朋友，處於互相了解中，將來真係拍拖，一定會公開。

原來要了解一個人，係要嘴攬拖嘅！陳嘉容了解朋友嘅方法果然異於常人。不過八珍相信佢同新歡應該了解得相當唔錯，早排又見佢哋拖住手戙咗喺中環鏞記出面，等埋朋友出發夜蒲。

上次陳嘉容話自己飲醉酒，男方拖手送返屋企出於紳士風度，今次陳嘉容未飲就十指緊扣，可見佢同對方嘅了解，愈來愈深層次。

陳嘉容與新款十指緊扣夜遊中環，有傳男方住豪宅家境唔錯， dry咗好耐嘅陳嘉容當然唔放過。

同前夫 Ricky郭子輝離婚多年，嚟緊就三十八嘅陳嘉容搵新碼頭要趁手。