2013年1月21日星期一

甄妮教好陳奕迅再轟G.E.M.

【甄妮爆G.E.M.】再轟G.E.M.

甄妮﹕「咩道歉，佢有道歉咩？」

甄妮噚晚喺《第三十五屆十大中文金曲頒獎音樂會》後台接受訪問，佢表示自己好遲來，所以冇見到G.E.M.。對於G.E.M.表示會邀請佢欣賞其個唱，甄妮即冷淡謂：「哦，時間啱，WHY NOT？」

而G.E.M.早前喺微博向甄妮道歉，甄妮即反問：「咩道歉，佢有道歉咩？」並再次強調當日G.E.M.有好多時間同佢打招呼，之後又繼續暗寸說：「我喺呢行40年，亂講乜嘢唔在乎，係唔係真，心照。我知道彼此要大家尊重，唔好傷到人。要宣傳我唔使，我好少講嘢、好靜，記者會都唔想去。」甄妮即係話到明，佢唔係為咗宣傳演唱會而講呢啲嘢喎。

兩個甄妮一齊夾擊G.E.M.，好大壓力﹗

G.E.M.對住前輩謝安琪有講有笑，幾識尊重人。

G.E.M. tag埋名向甄妮道歉，就係驚佢少上微博睇唔到。但甄妮話﹕「咩道歉，佢有道歉咩？」

望手下留情甄妮﹕「我一句大話都冇講」

甄妮噚晚喺「中文金曲」受訪時，講完一輪話唔接G.E.M.道歉，又直指當日對方喺大球場唔打招呼單嘢係真。

因為甄妮先扯火、以前輩身份批評後輩G.E.M.冇家教，噚晚頒獎禮上，又大讚曾經俾佢鬧「目中無人」嘅Eason因為佢——甄妮教得好先有今日。此話一出，更令不少觀眾同網民嘩然。

甄妮噚日受訪時再澄清﹕「我成日講真話，點知邊句就會引起人哋有反應。事情係真，我一句大話都冇講，我唔係偏激，我連佢中文名三個字都叫唔出，我唔係針對任何人，不過我咁啱開個唱，唔好俾人覺得博乜，麻煩手下留情，幫下我幫下人哋，多謝大家。」

其實甄妮噚晚喺台上，已講咗句﹕「使唔使搞到咁大呀﹗」如果唔想沒完沒了，應該點好呢？

要學到Eason咁高道行，起碼12年。而G.E.M.出道，只有5年。

幻想同甄妮見面 G.E.M.﹕Hi？　定擁抱？

鄧紫棋（G.E.M.）噚晚喺《第三十五屆十大中文金曲頒獎音樂會》，同擔任頒獎嘉賓嘅前輩甄妮姐姐同場，但兩個人冇撞到正，最終緣慳一面。

G.E.M.坦言話到場後，先知甄妮會上台，又話自己有啲緊張，不過喺後台見唔到對方，強調自己唔係避見佢，佢之後仲有問工作人員甄妮喺邊，但得知對方已經離開。

G.E.M.透露有幻想同練習過與甄妮見面時畫面，佢話：「揮手『Hi』定來個擁抱？我喺腦內綵排過，總之隨緣，唔好俾我太大壓力，今次事件係叫我唔好再怕醜，今日見到學友都有打招呼，仲同佢傾咗兩分鐘同合照，係我最大收穫。」

後輩鄧紫棋同前輩甄妮噚晚同場，但不相見。(蘋果日報)

G.E.M.坦言有幻想過同甄妮相遇的畫面，但最終都係得個想字﹗

若後輩冇打招呼學友：「唔會出聲，但會記喺心。」

甄妮鬧G.E.M.目中無人冇打招呼呢單嘢，近排都炒得好熱，甄前輩吋噚晚喺台上，仲嬲嬲地話﹕「有時我好面懵，我好想同佢哋打招呼，但佢哋見到我，唔知識定唔識，我又唔知點稱呼，所以有好多誤會。使唔使搞到咁大呀﹗」

就連歌神張學友都有留意到呢單嘢，佢噚晚喺《第三十五屆十大中文金曲頒獎音樂會》拎咗個「金曲35周年榮譽大獎」，之後喺後台接受訪問，自爆鄧紫棋（G.E.M.）有同佢打招呼，又笑指甄妮姐姐教得好，而現場後輩都好有禮貌。問學友有冇遇過甄妮嘅情況（即後輩冇同佢打招呼），學友話：「冇遇過，就算遇到都唔會出聲，但會記喺心。」

咪就係囉，有啲嘢唔使下下都拎出嚟講嘅，成日提住會俾人覺得你唔夠大方囉﹗

兩代歌神碰頭，陳奕迅（左）有冇同學友哥打招呼先？

G.E.M.在今年頒獎禮收穫甚豐，但同樣是非亦不絕。