郭政鴻寸監製 私藏煒哥激情戲
謝天華和楊怡在《法網狙擊》表現無突破，前晚一眾台前幕後相約到尖沙嘴睇大結局，兩位主角竟然失場。在劇中博盡露肉的陳煒自爆有好多激情場面被監製刪剪，觀眾雖然無緣欣賞，拍檔郭政鴻更寸爆說：「咁激都係留番畀監製珍藏啦！」
■陳煒和郭政鴻自爆部份床戲被刪減，可謂沒有最激，只有更激。
無綫劇《法網狙擊》前晚在一片爭議聲中播映大結局，前晚森美、陳敏之、郭政鴻和陳煒等相約在尖沙嘴一間酒家收看大結局，但男女主角謝天華和楊怡均沒有現身。
【今日我至姣】嘩嘩嘩！索腿天後陳敏之因乜咁熱情，睇大結局都要四圍攬仔，搞到露桃紅底贈興，唔擔心男友呷醋咩？
超激場面被刪剪
劇中甚搶戲的煒哥與郭政鴻情慾戲連場，前晚兩人互相吹捧，煒哥說：「好多人讚你身材好。」鴻仔笑說：「拍埋你度，我身材遜色好多。」煒哥自爆有好多超激場面被人刪剪，鴻仔則說：「唔知有冇人搵我哋拍三級片呢？被cut戲都唔失望，拍咗當然希望見街，但咁激都係留番畀監製珍藏啦。」煒哥被問未來會否作更大膽演出？她說：「睇劇本，今次老公未睇，但佢係專業觀眾，唔怕佢呷醋。」
森美透露劇集出街後多了三個廣告，還有一電器用品代言洽談中，他笑說：「我搶走好多無綫小生飯碗呀！」森美和敏之均表示不擔心《法》風頭被《老表．你好嘢！》搶走，森美說：「贏亞視咪得囉，乜唔係咩？」他力撐許紹雄單車追巴士劇情合理不浮誇，他說：「可能期間坐過小巴或的士返屋企呢？」
【遠近突變】
■《法網》又穿崩，被發現坐在陳煒身邊的懲教員近鏡（右圖）和遠鏡忽男忽女。
懲教人員男變女
兩小時的大結局仍有不少穿崩位，眼利網友發現陳煒身旁兩位懲教人員，近鏡是白衫女人，遠鏡則是綠衫男人。另有人質疑高海寧身為檢控官，何解有僭建的天台書房？謝天華能在陳煒的記者會上自出自入，完全沒有保安員制止。還有森美與悍匪槍戰時，雖然身穿避彈衣，但被火力強大的AK-47掃射中槍，都安然無恙，劇情頗為牽強。
採訪：卓寶花
攝影：黃文偉
上一則:何傲兒夜蒲 左右逢源
下一則:8號曬蜂腰巨躉 亞姐泳裝鬥騎呢
.郭政鴻寸監製 私藏煒哥激情戲
http://veryy8.blogspot.com/2013/01/blog-post_922.html.郭政鴻寸監製 私藏煒哥激情戲
http://veryy8.blogspot.com/2013/01/blog-post_922.html
