都是那些年：朱咪咪玉女放笑彈

現年58歲的朱咪咪搞笑形象深入民心，但原來當年她在新加坡出道時，是玉女一名，她自言擁有陳寶珠的外形，純過玉女掌門人周慧敏，但來港發展後，誤打誤撞成為搞笑能手，玉女不再，她也樂此不疲，繼續娛人娛己。

撰文：胡比

■朱咪咪回憶小時候成績不好，可是天生我才必有用，故現在她見到有小朋友因學業成績差而自殺，她感到很心噏。攝影：林德雄

■初出道時的咪咪姐曾留陳寶珠式直髮，玉女味濃。

■咪咪姐後生時樣子甜美，還有個酒粒。

由電影《審死官》中的奶媽，到無綫劇《陀槍師姐》的二妹姐，再到為牙科診所拍攝的廣告，到最近熱播的無綫新劇《老表，你好嘢！》演王祖藍母親的朱咪咪，每個角色總能令人留下深刻印象，她那招牌笑容，還有好像與生俱來的搞笑細胞，都令她很有觀眾緣。

■在《老表，你好嘢！》中咪咪姐飾演王祖藍媽咪，跟祖藍和黃光亮（右）拍埋甚有喜劇效果。劇照

初來港不慣步伐快

咪咪姐自小在馬來西亞怡保長大，在港生活了35年，由當年不諳廣東話，到現在說廣東話多過說馬拉話，唱歌入行的她還形容自己當年是玉女歌手，擁有陳寶珠般的直髮，純過周慧敏，她日前笑言：「以前喺新加坡唱國語歌，上綜藝節目，香港都未有人識我，唔知點解嚟到香港變咗搞笑能手，可能嗰時係一張白紙，講嘢低B，啲人就覺得搞笑。」她表示當年未夠14歲就開始跟做大戲的家姐到新加坡唱歌，邊做邊學唱，她說：「父母自細跑碼頭做大戲，阿爸食鴉片，住嘅環境唔係咁好，四圍嘅店唔係賣魚蛋，就係有野味食，可能係童年陰影，知道自己唔係讀書材料，四年級先識曬26個英文字母，六年級升中試連one都唔識，所以跟咗家姐唱歌。」咪咪姐提起自己的經歷就苦口婆心說：「??家見到好多細路仔讀唔到書就自殺，真係好心噏，讀書唔係唔重要，係必須，但唔係人生嘅全部。」

■咪咪姐懂得搞氣氛，加上儲落大班熟客，難怪演唱會銷情不俗。資料圖片

開朗的咪咪姐當年因情傷而心情壞透，剛巧有朋友認識香港劇院的老闆，便隻身來港唱歌，被安排住在砵蘭街，儍更更的她不是被砵蘭街複雜的環境嚇倒，反而是香港的生活節奏令她難以適應，她說：「連阿婆行路都快過我，仲俾阿婆撞親，真係嚇鬼死。」之後開始在酒廊和夜總會表演，更認識到徐小鳳，在同一場地表演，難怪她扮小鳳姐如此維肖維妙。

咪咪姐下月23和24日在紅館舉行兩場演唱會，票房頗佳，跑贏同期的甄妮和關淑怡，她解釋全靠當年在酒廊和夜總會的捧場客，令她每次開演唱會都順利爆場，那是她最懷念的日子，她說：「以前一晚走五場，好多fans都喺嗰陣儲落，有啲客真係跟住我走咁多場，你唔會知佢哋叫乜嘢名，但就一定係熟口熟面。」想起當初唱酒廊，因為自己廣東話不好，那些夾band樂隊又喜歡愚弄她，當年香港叫色情場所做魚蛋檔，試過當場問她是否喜歡打魚蛋？不知就裏的她儍笑回答：「係呀！係呀！我好鍾意打魚蛋?。」自此便被人認定她搞笑。

■朱咪咪早年與丈夫到新加坡出席兒子的軍校畢業典禮。圖片

「扮我寸人易出事」

咪咪姐續說：「嗰時我唔知係乜，咁以前馬拉屋企附近真係有人打魚蛋去賣?，點知啲人覺得咁好笑，就開始多咗人嚟睇我，其後越做越順，成日都會同台下交流，好似朋友咁，有時仲同啲客鬥嚇嘴，啲客又鍾意俾我鬧嚇，咁就做出名嚟。」不過她表示鬧人都要有技巧，可能她樣子可愛，被鬧者只覺過癮，她說：「後來有啲酒廊歌手學我鬧客，但就出事，試過有人俾人打?呀，所以話呢要鬧得嚟又要識收先得。」咪咪姐指多年來都有研究舞台上的表演，但也要配合天時地利人和，她笑說：「人哋扮我寸人，但個樣又冇我咁肥嘟嘟，好易出事?。」

至於在紅館開騷，咪咪姐表示跟唱酒廊有很大分別，一定要靠唱功，歌放第一位，說話放第二，如此一個大騷一兩個搞笑高潮位就夠，不用全晚說話，上次演唱會前試過失聲，所以今次她要好好養聲。

.都是那些年：朱咪咪玉女放笑彈
http://veryy8.blogspot.com/2013/01/blog-post_9350.html.都是那些年：朱咪咪玉女放笑彈
http://veryy8.blogspot.com/2013/01/blog-post_9350.html