高海寧洗底 搣甩風情

高海寧在新劇中洗底，自言等了很久才有一個夢寐以求的好角色，可是戲中卻有受辱被強姦的情節，早前徐子珊的「一秒輪姦」成為熱話，高海寧談到強姦戲笑說：「我諗唔止一秒啩。」

「咪神」高海寧過往拍劇演過的角色多屬風情萬種，今次在《法網狙擊》可謂洗底新嘗試之作，角色度身訂造討好，扮演在深水埗舊區成長，媽媽又在街頭擺檔，憑自己的努力改變命運，努力讀書成為見習檢察官，她說：「好多謝監製文偉鴻塑造咗呢個背景好似我嘅角色，以前多數做壞女人，今次由頭到尾都好正面，呢個角色我等咗好耐，可以話係夢寐以求。」

高海寧自創一套記對白方法，讓拍攝時更易於投入。

高海寧指新劇是她洗底之作，角色相當討好。

匿埋屋企喊

劇中高海寧被白健恩強姦，拍攝時難免有身體接觸，更被白健恩暴力對待掌摑，問她有沒有恐懼？她說：「拍掌摑戲時係借位，但都中咗幾巴成塊面紅腫，白健恩都好唔好意思。但都唔會太難受，鏡頭只係交代案情，所以都唔會有負擔同埋陰影。」早前徐子珊的「一秒輪姦」戲變成熱話，高海寧笑說：「未睇我嗰場戲剪成點，我諗唔止一秒啩，其實場戲嘅目的係想鼓勵年輕人，帶啲正面信息，遇到挫折要企番起身，最後我都親手檢控咗個衰人。」高海寧印象最深的反而不是被姦戲，而是一場受辱後匿在屋企喊的「獨腳戲」，她說：「嗰場戲其實好難，多得監製嘅引導，好自然咁完成。」

咀唯唯冇feel

高海寧與梁烈唯在劇中有感情線，梁烈唯由最初不喜歡她到後來暗戀不敢追求，令高海寧想起讀書時的豆芽夢，後來兩人修成正果，兩人也有咀戲，她說：「拍咀戲嗰陣都將唯唯當咗係以前啲男朋友，初時都尷尬，有記者嚟探班要求咀咗好多次，可能咀得太多，到正式拍時反而冇曬feel。」雖然做檢察官的對話相當冗長，但高海寧自有一套方法，她說：「自己記性都ok嘅，同埋會將啲對白變成一個古仔，咁樣會易記同自然啲。」

採訪：影視組

場地：Habitu（銅鑼灣）

服裝：A｜X　化妝：Christy Lam

髮型：Match Tong@HAiR

.高海寧洗底 搣甩風情
http://veryy8.blogspot.com/2013/01/blog-post_818.html.高海寧洗底 搣甩風情
http://veryy8.blogspot.com/2013/01/blog-post_818.html