2013年1月4日星期五

朱慧敏係友誼小姐？

2013年01月04日

之前咪話朱慧敏扮阿姐，拍劇擺款又教人做戲，成個「非洲和尚」咁！

買咖啡冧監製

朱慧敏跟戚其義（左）合作過《天與地》，可能阿戚要離開無綫，朱慧敏臨走前都送杯咖啡佢飲。

哈，可能末日唔成，有所啟悟啩！早前媽咪姐喺電視城撞到朱慧敏，佢一人手執三杯咖啡，仲好識做俾咗杯戚其義。冧完監製，佢轉頭走番入 canteen，再買多三包外賣。試問一個女人仔，點食到咁多吖？睇個勢，應該係有人改變形象，想藉「萬歲」籠絡人心就真。

本身拎住兩杯外賣飲品嘅朱慧敏，突然行番入 canteen買咗三大盒外賣，睇怕都係買嚟慰勞同事。