探熱針
《法網》暴食處女 王君馨：我控制唔到！
2013年01月17日近日被譽為無 綫四處女之一的王君馨，在《法網狙擊》中常以低胸貼身裙出鏡，曬 33D、 24、 32索爆身材成網民女神。
人不可貌相，表面大癲大廢的她同森美一樣，曾是抑鬱患者，更演變成暴食症，晚晚失控食到肚痛，索爆外殼一度因此暴脹近廿磅。斷斷續續折磨大半年，幾經辛苦才搣甩暴食症。
好姊妹
抑壓變狂食
○七年當選港姐亞軍後，王君馨主力做飲食節目。直至○九年，與韜韜主持的《日日有食神》出街後，被網民狠批表現浮誇，聲線刺耳，即遭公司雪藏；加上當時與父親關係惡劣，公私皆不如意，王君馨陷入抑鬱，選擇狂食減壓，一晚食足五六人分量，後來更晚晚食唔停，勁食直至胃痛，無法吞嚥才停口。
「選完港姐後，外界封咗佢哋做『豬扒港姐』，當時大家都好大壓力，為 咗 keep fit，佢試過成日只飲兩杯奶，地獄式減肥，到《日日有食神》出街，情緒病爆發，長期抑壓食慾變成另一個極端狂食，好得人驚。之後再同熾哥 喺澳洲拍《為食總司令》，又傳佢俾宋熙年排擠，當時佢個暴食症都未好番，但佢信 咗主，靠信仰捱過。」知情者透露。
患抑鬱後信了耶穌的王君馨，上週六（十二日）黃昏返位於尖沙咀教會崇拜，之後與教友到附近餐廳等位，笑容滿面，回復開朗。
守處禁濕吻
26歲仍能保住處子之身，王君馨要多得現任男友，亦即她的初戀男友。王君馨 17歲在美國認識對方，男友本身是虔誠基督徒，堅拒婚前性行為，深受影響的她來港發展後，卻為保住處身，與第二任男友分手。
成為教徒後，王君馨與初戀男友愛火重燃。但兩人奉守戒律，每次男友從紐約來港相會，也入住酒店，避免兩人獨處一室，更禁絕濕吻，即使情到濃時，接吻亦以手遮唇，以免過度興奮破戒。
晚晚食到肚痛
上週六（一月十二日）黃昏，王君馨返完教會崇拜，再跟一班教友到附近餐廳開飯。幾經辛苦擺脫暴食症，當晚她只點了一份三文治，食量回復正常。
記者向她求證曾患抑鬱一事，她承認暴食症期間，縱然不斷食，但完全食之無味。
「當時好唔開心，屈 咗好耐變抑鬱，入面好似成日有把聲同自己講：睇嚇你幾肉酸，冇人鍾意見到你。愈咁諗愈大壓力，有壓力就食。同朋友一齊仲可控制住，但返到屋企孤伶伶就開始暴食。
「我有三個月時間係每晚睇住電視不停食，食一盒蛋卷，然後兩個木瓜、半盒粟米片、香蕉、橙、蘋果，兩排朱古力……乜都塞落口！其實一啲都唔享受，內心充滿罪惡感，但又控制唔到，直至食到肚痛。嗰段時間由一一二磅暴脹到一三○磅，又唔敢話俾人知有呢個病，連屋企人都唔知！」王君馨說。
多得 MC Jin
暴食為期三個月，病情日趨嚴重。有一日，高皓正打電話叫她返查經班，王君馨說當時自己一口答應，亦因此，她目睹了 MC Jin的見證，並覺有救。
「 MC Jin公開分享佢以往濫交所帶來嘅惡果，好震撼！我知道信仰可改變人心，之後鍾舒漫同李亞男又成日陪我祈禱，陪我做運動。我嘅負面思想開始少 咗，唔睇醫生病情都有改善。但遇到心情低落我都會好想食番 嘢，每次我都會祈禱，用信仰趕走不良意識。」王君馨說。
處女組合
同是基督徒的苟芸慧、李亞男、鍾嘉欣與王君馨被稱 TVB四大處女，同樣守戒堅拒婚前性行為。其實除四人外，岑麗香、李綺雯等一班 TVB基督徒，關係一樣密切。早前涉及藏毒的張慧雯，亦出現她們的聚會，一起祈禱。外界叫這個小組做「處女組」，但其實這小組名叫「 Amazing Esther」。
.[壹週刊]《法網》暴食處女 王君馨：我控制唔到！
http://veryy8.blogspot.com/2013/01/blog-post_2664.html.[壹週刊]《法網》暴食處女 王君馨：我控制唔到！
http://veryy8.blogspot.com/2013/01/blog-post_2664.html
