[FACE]聖教育 唔改惡習唔肯嫁 Sammi迫安仔上婚前班學性愛

真面目

聖教育　唔改惡習唔肯嫁　 Sammi迫安仔上婚前班學性愛

2012年10月17日

許志安和鄭秀文自去年 3月世紀復合後多次傳出婚訊，拖拖拉拉足年幾，原來兩人早已為世紀大婚做足準備。

已年屆 40的「熟女」 Sammi出嫁大件事，為咗結婚， Sammi早已安排安仔信主外，據知 Sammi更參加了婚前輔導班，找來早前為好友歐陽德勛夫婦做結婚儀式的劉家華牧師，上門為 Sammi和安仔輔導。而這些婚前輔導班，其中學習的章節，就有「婚姻中的性愛」一堂，睇嚟 Sammi與安仔都想好好進修喎！

放大圖片

前後到賀

6月 25日，歐陽德勛與蔡立結婚當日，德勛搵咗老死許志安做兄弟，不過因 Sammi最後先到，並冇同場影大合照。

安仔和 Sammi呢段愛情長跑拖足 21年，為了世紀大婚， Sammi做曬事前工夫，睇勻中西醫醫好耳水不平衡及濕診後，便著手向未來老公安仔埋手。

本性難移

一直有傳安仔已求婚成功，二人更火速於半山新愛巢松園同居試婚，甚至有傳兩人本月會在東京輕井澤舉行婚禮，但據知原來 Sammi要求安仔先戒掉所有惡習先肯披嫁衣。知情者透露：「 Sammi係虔誠基督徒，佢就係唔鍾意安仔仲未徹底戒得到煙，有時出去夜蒲又飲埋酒！嗰時 Sammi叫安仔去信教佢都肯，就係有時呢啲小習慣，安仔會對住 Sammi陽奉陰違囉！」

信主多年嘅 Sammi，宗教信仰令佢成個人唔同曬，脾氣亦好咗好多， Sammi做咩都要跟足聖經指引。據知最近 Sammi決定結婚前要同安仔一齊上教會的婚前輔導班。

放大圖片

國際城市教會位於商業大廈內，門面裝修簡潔，內部空間亦非常寬敞。

放大圖片

劉家華牧師是新蒲崗國際城市教會的主任牧師，除傳教外，亦會為教友提供婚前輔導，她亦幫過早前結婚的歐陽德勛夫婦作婚前輔導，更為他們主持結婚儀式。德勛與 Sammi份屬好友，搵佢上堂實冇錯啦！

放大圖片

$3,300六堂

放大圖片

其實香港很多教會如循道衞理聯合教會等，都有提供類似課程，以該課程為例， 6節共收費$3,300，新人要於婚前 6-18個月內進行。除了一些有兩人相處了解的輔導外，還包括第六節的「婚姻中的性愛」。此環節會講解雙方在初夜時要留意的地方，如雙方的性愛步伐如何協調及聖經內如何講述性等。

上門開班

Sammi身邊人透露：「之前歐陽德勛兩公婆婚前都上過呢類輔導班，其中有一部分係講到婚前同婚後對性嘅態度， Sammi覺得呢方面好重要，可以增加大家對性事嘅溝通，於是咪搵番嗰個牧師上門開班囉。開頭安仔都唔多願上，但佢為咗遷就 Sammi，冇計啦！」

本刊亦曾致電歐陽德勛兩夫婦所屬、新蒲崗國際城市教會的劉家華牧師查詢，她說：「我哋係有婚前輔導班，不過詳細情況要再個別約見。」信教已經唔易，婚前要學性愛輔導，可能仲尷尬呀！

放大圖片

Sammi的教會在金鐘港福堂，有傳佢每月會奉獻多於 10分 1的收入，屬於教會豪爽教友。《忽然 1周》圖片

放大圖片

15/10四萬開工

本週一（ 15日）， Sammi到尖沙咀中心拍戲，被問到迫安仔上婚前輔導班一事， Sammi邊笑邊例牌否認話：「冇啲咁嘅事！」

放大圖片

拍戲銀

近日忙於拍杜琪峯電影《盲探》的 Sammi，又再與華仔演對手戲。雖然少咗時間陪安仔，但佢 keep住四萬面口，待嫁新娘係唔同啲。

放大圖片

坐車自拍

本月 3日， Sammi出發拍攝《盲探》，一向係博友的她，悶悶哋在車玩自拍，仲即時上傳，公諸同好。

結婚地點任你估

放大圖片

Big Four再合體

Big Four為明年 2月再開騷， 4人都忙於準備，安仔要結婚應該要再等嚇啦！

鄭秀文和許志安結婚，但婚禮的時間地點一直非常神秘，由上年先傳去外國小島結婚，其後傳過法國、倫敦，最後到日本輕井澤，眾說紛紜。

陽光布吉

•去年 3月傳去泰國布吉陽光與海灘秘婚

浪漫法國

•同月傳鄭秀文想在法國南部普羅旺斯舉辦浪漫婚禮。

優雅倫敦

• 2012年 9月傳鄭秀文選擇赴歐洲秘婚，更獨自歐遊時到倫敦找小教堂，考慮婚禮地點在英國定法國舉行。

童話東京

•至 10月時再傳出二人會到日本輕井澤的「風之教堂」結婚，教堂可容納 80人觀禮，以風為主題寓意戀人的承諾像自然的風聲一般永恒不息。

.[FACE]聖教育　唔改惡習唔肯嫁　 Sammi迫安仔上婚前班學性愛
http://hk8news-e.blogspot.com/2012/10/face-sammi.html