真面目
禁獄生活 激瘦 45磅保釋 劉公子：冇契仔嚟探我
2012年10月17日轟動一時 嘅男藝人艷照案主角， 62歲劉公子（劉定成）， 6月時被裁定非禮及刑事恐嚇罪成判監 17個月，上週四（ 11日）申請上訴期間保釋外出並獲批准，劉公子得以暫時「放監」。
入獄前風騷的劉公子，經過 4個多月牢獄生涯，週日接受本刊獨家訪問，劉公子除披露體重急降 45磅，更大嘆人情冷暖，不願再提眾契仔及男星。「冇契仔 嚟探我……我之前真係玩得大 咗！」
出身富裕家庭，家住跑馬地，人稱劉公子的劉定成，早前因非禮及刑事恐嚇罪成判監 17個月。身為廣東銀行行長霍芝庭後人，含金鎖匙出世，習慣全身名牌，一直食好住好的劉公子忽變階下囚，自然難以抵受牢獄煎熬。上週四（ 11日）申請上訴期間保釋外出時現身法庭，經過 4個月的牢獄生涯，身形由以往飽飽滿滿變成火柴人，面部更凹陷，行路亦左搖右擺，似要被風吹起。
行誠品食$98拉麵
入獄前劉公子相當風騷，對男記者有問必答，但踎了 4個多月監後性情大變，變得沉默寡言，對傳媒追訪亦封口，只以微笑回應。本刊自劉公子於週四「放監」後連日追訪，週日（ 14日）劉公子趁天氣好離開跑馬地住所往銅鑼灣希慎廣場行街才願意受訪，他更首度披露獄中生活：「 喺入面（監獄）都係睇嚇報紙，知道有個新商場開咗，咪去睇嚇。」之後更到誠品書店買咗一大堆感謝咭，不過劉公子話未諗到送畀邊個。記者再陪他到 foodcourt，他點了 98元的炸蝦拉麵，邊食邊感慨：「當你試過乜都無得食，就會好珍惜㗎喇！」
獨立囚禁冇鏡照
當日銅鑼灣人頭湧湧，唔少途人認出劉公子都大叫。記者與他逛完商場食埋飯，劉公子亦心情輕鬆，開始有問必答，但當提及契仔（ 4anda成員盧昕傑）及其他男藝人名字，如羅仲謙及袁偉豪等，他即時封口，「邊個契仔呀？我邊有呀？我想搵契爺添呀，哈哈……。」
對於體重急降原因，他表示：「我 喺入面唔知自己係點樣，我獨立囚禁。入面無鏡照，只得塊好矇 嘅鐵皮，隱約見到少少樣，佢哋叫『哈哈鏡』，我返到屋企先知自己變成咁，我都嚇 咗一跳，原來我瘦 咗 45磅。（由於獨立囚禁） 4個多月 嚟冇人同我傾過偈，係食飯先可以睇報紙。真係好難捱，好悶，我每日做 300幾下掌上壓呀。我唔會再亂講 嘢，上次……真係玩大 咗……我家會好珍惜每一日。（契仔有無 嚟探過你呀？）冇呀，冇人 嚟探過我。」
據知，劉公子的上訴聆訊最快可望於明年 4月底進行，現以 5萬元現金保釋外出，並交出旅遊證件等候聆訊。
出獄遊老銅
劉公子一直嬌生慣養，要踎監真係苦不堪言。上週四保釋後，劉公子叉足 3日電，週日出動去銅鑼灣行街街，行 咗 4個鐘。食拉麵、行書店又揀名牌恤衫。
劉公子到銅鑼灣 I.T試衫，試 咗件 4,000幾蚊 嘅 Ann Demeulemeester黑色恤衫及 6,000幾蚊外套，最後冇買，期間更問記者：「有冇辦法幫我買到 1月嘅東方神起演唱會呀？我要最貴㗎！」
黃國桐律師：刑期可加可減
劉公子只坐了 4個多月監就獲保釋回家， 黃國桐律師話上訴如果失敗，劉公子分分鐘要加監：「 𠵱家保釋好似好著數咁，其實唔係，因為上訴判決刑期可加可減，法官可以將刑期加長，亦可以維持原判，但如果佢唔講明可扣除 4個月（刑期）的話，咁就由監房監頭決定，當然亦可以縮減啦，所以 𠵱家未可以樂觀住。」
4個月牢獄生涯
劉公子親爆獄中生涯，雖然唔使剪草、摺信封、印咭片，不過懲教署安排他獨立囚禁，相當苦悶，連同其他囚犯傾偈 嘅機會都冇，簡直係度日如年。
.[FACE]禁獄生活 激瘦 45磅保釋 劉公子：冇契仔嚟探我
http://hk8news-e.blogspot.com/2012/10/face-45.html
