2012年10月17日星期三

[FACE]蝕少當賺　撲水買貝沙灣　古天樂 67折賣身黃百鳴

畀個靚折我啦！設計對白 <br><br>早在簽約賣身前，古仔已幫黃百鳴拍了幾年賀歲片，做生不如做熟， 10年索性簽足 9部片約，長揸古天樂！《蘋果日報》圖片

真面目

蝕少當賺　撲水買貝沙灣　古天樂 67折賣身黃百鳴

2012年10月17日

41歲古天樂長拍長有，短短 2年內接了 13齣電影，密密拍戲狂吸金。

雖然未做過影帝，但古仔近年泊到好碼頭，除獲杜琪峯賞識、又被黃百鳴睇中，連續 4年搵古仔拍賀歲片。最近有傳黃百鳴旗下、準備於創業板上市的天馬娛樂， 2年前一炮過以 4,800萬拍 9部戲的價錢，將古仔包起，平均每套戲片酬約 533萬，以當時古仔 800萬片酬計，古仔足足打了個 67折給黃百鳴。據知古仔之所以肯賣大包，全因當時等錢買貝沙灣，急需一筆巨額現金到手。

一家便宜兩家著，呢單 big deal確係高招！

有價有市的古天樂，唔理大製作定小本爛片，總之今時今日身價企硬 1,200萬港幣，一蚊都唔減。現正在泰國拍攝彭順新動作片《逃出生天》的古仔，單計 2012已拍了《八星抱喜》、《高海拔之戀 II》和《毒戰》等 4部戲，連埋廣告及其他賺錢騷，保守估計已袋了 5千萬。

放大圖片

古天樂在 10年 6月尾以 1.26億買入貝沙灣獨立屋自住，現已升近 1倍，市值約 2.5億，可見佢以 4,800萬賣身 9部戲，蝕少少片酬，贏層樓喎！《蘋果日報》圖片

放大圖片

天馬的招股文件中，清楚表示已一筆過畀咗 4,800萬給「演員」，以買 1千萬元以上豪宅需付 5成首期計算，算幫補咗貝沙灣豪宅首期大半。

一炮過袋 4,800萬

上週二（ 9日），黃百鳴的天馬娛樂公布創業板招股文件，在「風險因素」一項中，寫明「已與一名演員訂立協議，自 2010年 6月 1日起計 6年間內參與我們的九部製作，該名演員已完成兩部電影」；而且有別於一般分 3期付片酬的行規，文件顯示黃百鳴當年一炮過支付 4,800萬予這位「演員」，平均每套戲片酬約 533萬。

據知該演員就是兩年內幫天馬拍了《開心魔法》及《八星抱喜》的古天樂，當年古仔身價達 800萬，即是打了個 67折，明益黃百鳴。

放大圖片

2012《八星抱喜》 <br><br>古仔要喺 6年內幫天馬拍 9部戲，至今已完成 2套，包括今年初嘅賀歲片《八星抱喜》。

2012《八星抱喜》

古仔要喺 6年內幫天馬拍 9部戲，至今已完成 2套，包括今年初嘅賀歲片《八星抱喜》。

放大圖片

10年因十字韌帶撕裂而要做手術嘅古仔，休息期間要撐拐杖出騷，仲推咗黃百鳴套《忠烈楊家將》，要由鄭伊健頂上。《忽然 1周》圖片

放大圖片

2011《開心魔法》 <br><br>另一套係港版《哈利波特》——《開心魔法》，可惜票房只得幾百萬，僅僅夠畀古仔片酬！

2011《開心魔法》

另一套係港版《哈利波特》——《開心魔法》，可惜票房只得幾百萬，僅僅夠畀古仔片酬！

放大圖片

古仔現時在泰國拍彭順（左）執導的《逃出生天》，呢套戲係中國首部 3D大型災難片，投資額高達 1.5億港元。

即買 1.26億獨立屋

放大圖片

除咗黃百鳴，古仔亦係杜琪峯愛將，月前先拍完杜 sir套《毒戰》。《忽然 1周》圖片

肯賣大包以超抵價賣身，全因古仔當時等錢使，急需要一筆現金做首期。知情人士透露：「嗰時古仔啱啱用好多錢買物業，但又好想買貝沙灣，佢覺得樓市有升冇跌，係入市時機，所以想趁個價冇咁癲嘅時候入市。不過佢 09年用咗億幾買香島道獨立屋，手頭上冇咁多現金做首期，咁啱黃百鳴想搵佢合作，古仔嗰排又整親隻腳驚影響收入，咪決定搵咗呢筆快錢先囉！」

據了解，古仔雖打了個大折扣給黃百鳴，但同時亦開出條件，要求接拍這 9套電影期間，亦可接其他電影，所以簽約後，他亦接拍了寰亞的《高海拔之戀Ⅱ》等電影。

撲水成功，古仔簽約後 1個月、即 2010年 6月出手入市，以 1.26億購入貝沙灣獨立屋，而該物業現已升至約 2.5億，賬面賺過億，證明古仔當年蝕賣自己絕對冇計錯數！

本刊亦致電黃百鳴求證，他只說：「呢啲嘢唔好喺電話講。」後匆匆掛線。