2012年10月11日星期四

[壹週刊]家無寧日　仔女鬼打鬼　撬屋擸嘢走　劉家輝絕食痛哭

早前中秋節，劉家輝一見老友陳觀泰、樊亦敏及周強師傅等來探望陪過節，即破涕為笑，暫且放下愁爆的家事。

探熱針

家無寧日　仔女鬼打鬼　撬屋擸嘢走　劉家輝絕食痛哭

2012年10月11日

去年八月中風導致半身不遂的劉家輝，經歷一年多的治療，情況略有改善，不過上月又爆出第二任泰籍妻子及兩名子女施壓圖向他搾財，令已轉往護老院靜養的他，不勝其擾。

在胞姐及友人協助逃離妻兒魔掌的劉家輝為免再被任意擺布，提出要有律師陪同的情況下，才會與子女見面。而向外聲稱掛住老豆的一對子女，不單未有探望問候，更為錢鬼打鬼，跟首任妻子的兩個女兒互相指責；有人甚至上老豆住所，拆櫃撬地板擸得就擸，剛過去的中秋節，妻離子棄的劉家輝，極度傷心下更一度絕食。

拆房擸嘢

劉家輝出事要在醫院療養，有人入屋將他的睡房拆爛曬，連牆紙都搣走，露出牆釘。

放大圖片

鬧家姐豬狗不如

放大圖片

鬧家姐唔理老豆，但原來一直話無生活費的細女，在三月同阿哥媽咪去泰國旅行，一樣冇理老豆。

喊得淒涼

在護老院重新積極接受康復治療的劉家輝，已經可以站起來扶住慢行。但早前他得悉子女偷上家門，翻箱倒篋連地板都撬爛，企圖摷出他收在家中的財物後，本來心情漸平復的他，又開始變差，加上中秋期間，看到不少院友有家人前往探望，想到自己的遭遇，心情跌至新低，中秋節當日，更加拒絕進食。

「啲仔女只要同律師講聲就可以去護老院探老豆，不過佢哋冇咁做，電話問候連寫張卡都冇。中秋節嗰日，家輝哥發曬脾氣，覺得仔女攞唔到錢，就呢啲動作都懶做，一直唔肯食嘢，之後又喊得好淒涼，我哋冇辦法。後來樊亦敏同家輝哥經理人 Eva買咗好多嘢食俾佢，陳觀泰亦嚟咗探佢，佢先有番少少笑容。」護老院工作人員透露。

老豆閉翳仔女 Happy

放大圖片

細女 Sonia（後排右）同二女 Bonnie（前左一）一直有來往，二人去年一齊替老豆慶祝生日。

放大圖片

芭堤雅「胃食之旅」

放大圖片

劉家輝泰籍老婆話自己經濟有問題，但今年就帶住一對仔女去咗三次泰國旅行。

禍不單行

去年八月，劉家輝因中風經歷人生巨變，同時還是要面對妻兒涼薄謀財的真面目，雪上加霜！

泰妻要離婚

中風後被送往伊利沙白醫院搶救，之後轉到九龍醫院療養兩個多月，其間除四子女偶爾到醫院探望外，想辦離婚的第二任泰籍妻子甚少現身。家人冷漠，令半身不遂的劉家輝一度意志消沉，拒絕就醫。

要錢唔要人

今年二月，因劉家輝原本住開的堅道寓所無電梯，友人墊支安排不良於行的他搬往太子一單位養病，其間泰籍妻子終現身，連同二十歲兒子及十七歲幼女，三人夾攻迫無力反抗的劉家輝，交出市值千萬的堅道寓所業權及百萬積蓄，再月索五千元家用，連劉家輝的傷殘津貼都要奉獻出來。

向胞姊求救

妻兒圖謀不軌，加上無人照顧，劉家輝身體情況急轉直下，為保命及留住棺材本，劉家輝向前來探望他的友人求助，求對方幫忙通知在美國居住的家姐回港拯救。今年六月，其姐將劉家輝送入護老院，避開奪產妻兒，並尋求法律保護其身家及安全。

衝擊護老院

今年八月，劉家輝兒子帶埋胞妹到護老院，以索家用為由要求見父不遂，兩兄妹於是帶埋報館記者硬闖護老院，因此驚動警方。二人經勸諭及得悉劉家輝以法律文件列明拒見名單，唯有離開，之後，康復情況有改善的劉家輝，亦終站起來，親證妻兒謀產。

豬狗不如

放大圖片

因為兒女唔生性，更觸發劉家輝積極治療，盡快康復站起來，親自處理家事。

據了解，今年三月，劉家輝的親姐由美國返港已安排好一切，並委託經理人 Eva做正式委託人，自此一直吼住老豆身家的子女，知道冇機會埋身擸錢，於是開始鬼打鬼互相指責。

幼女（第二任妻子所生）冼詠珊（ Sin Son Sonia）三月於 Facebook首先開火，大鬧兩個同父異母的家姐豬狗不如，出事後逼劉家輝立遺囑分身家，將老豆接走幾日「當公仔咁玩」後，「搞唔掂又掉俾外人照顧」。今年九月，她又突然表示無法聯絡兩個家姐，令她不知老豆所終，之後再扮孝順女稱無經濟能力，所以唔可以照顧老豆。

大吃大喝

放大圖片

上週六，經理人 Eva跟樊亦敏在電視城開電視劇《仁心解碼 2》，對有關劉家輝家人鬼打鬼的回應，愈說愈激動。

其實冼詠珊也是大話精一名，口口聲聲擔心冇錢交學費，並為老豆健康搞到情緒低落的她，在劉家輝出事後，先後跟兄長冼峻龍及媽咪於今年三月、七月以及八月三度去泰國度假，在 FB內放了大堆旅行相，將芭堤雅之行稱作「胃食之旅」，兩兄妹日日大吃大喝，跟他們所謂好窮，完全是兩回事。

對於劉家輝淒涼絕食，記者上週六（十月六日）求證他經理人兼委託人 Eva。「嗰日家輝哥心情好差唔肯食嘢，又係咁喊，我哋氹咗佢好耐，之後（陳觀泰）泰哥探佢，樊亦敏又買嘢俾佢食。（屋企人冇探過佢？）我冇收過院方通知話屋企人搵佢。（細女 Sonia話係家姐（ Bonnie）掉老豆出嚟唔肯照顧？）人哋家事唔方便講，係佢叫我照顧家輝哥。

「（ Sonia話唔知家輝哥行縱？）我唔明佢同佢阿哥點解要扮唔知，我一直都有通知 Bonnie（二女）家輝哥嘅事，幾時去做治療，幾時去護老院，就算唔同阿媽生，但兩姊妹一直有來往，唔明點解佢要話唔知。（今年劉家輝屋企俾人爆竊？）我去屋企幫家輝哥搵手托，發現佢間房爛曬，我以為俾人打劫，所以報警，後來佢屋企人話係幫家輝哥裝修間屋，係唔係你哋自己諗啦！」正身在電視台開工的 Eva說。