同你吟一吟
大肚 5個月 安雅佗孔子後人
2012年10月11日曾經同已故台灣富豪黃任中同遊香港，又跟梁朝偉傳過緋聞 嘅安雅，身材好又肯露，原本發展唔錯，但○二年因為 響台北夜店涉嫌吸毒被捕，判入台北看守所勒戒，安雅從此絕跡香港娛樂圈返國內發展。
事業要從頭 嚟過，好在安雅當時 嘅男友、孔子第七十八代直系後裔孔眾（原名：孔維眾）不離不棄，二人戀情到○八年先俾人踢爆，好低調，至今大埋肚，都冇公開。
上個禮拜六（十月六日），安雅同孔眾十指緊扣行跑馬地買紅酒，冇化妝，大肚安雅面色唔錯，無論去到邊，比佢大十五年、現任美國藥物公司亞太區執行總監 嘅孔眾都拖到實，好體貼。
《壹》仔問安雅有咗幾多個月？佢笑笑口話有 咗五個月，至於仔定女就唔肯講，今次 嚟香港只係探朋友，臨上的士前，安雅仲叮囑《壹》仔揀張靚相先好出。
由性感蒲精變成大肚媽咪，三十五歲安雅，比起同佢同期出道，家陣仲 響荷李活搏殺 嘅 Maggie Q，幸福得多！
兩個拍拖去淺水灣探完朋友，再坐的士落中環 shopping，笑曬口 嘅安雅，睇衫睇到走光都唔知。
.[壹週刊]大肚 5個月 安雅佗孔子後人
http://hk8news-e.blogspot.com/2012/10/5.html
