2012年10月5日星期五

城電首拍綜藝節目石修陳曼娜主持《食的秘密》

「魔童」王維基旗下的城巿電訊（CTI）電視台，有信心明年將取得電視牌照，近期正為開台作準備，除了繼續製作電視劇外，最近亦開始拍攝綜藝節目，首個以食為主的《食的秘密》，更搵來如石修和陳曼娜（Monnor）等一班資深演員出任主持，兩人對於能夠除拍劇，參與飲食節目感到相當興奮。

撰文：杜淑霞　攝影：畢紹基（石修）

石修和陳曼娜（Monnor）兩位資深演員，能夠參與主持今次《食的秘密》節目，兩人都覺得相當好玩，因為能夠看到美食的製作過程外，還有機會嘗試製作，令他們嘗到美食外，亦大開眼界。

拍劇之外新嘗試

修哥主持的一集主題是點心，他笑言點心就食得多，但做點心還是首次，「今次有機會了解點心嘅歷史，又可以試到點樣整，真係好難得機會，所以我本身喺北京拍緊內地劇，專登飛返嚟拍都無所謂，我簽新公司都係希望將來可以試多啲唔同工作，估唔到咁快可以實踐到。」

至於Monnor姐主持的一集，則以鹽焗雞和扣肉等餸菜做主題，她大讚獲益良多，「我入行咁多年，都係第一次做主持，自己都有啲緊張，但係學到好多嘢，原來鹽焗雞真正煮法，同我食開好唔同，自己嘗試去整先至原來係咁困難，好開心公司畀呢個機會我，等我唔係淨係拍劇，可以參與多啲唔同工作。」

剛由北京抵港的修哥，雖然很倦，但仍表現專業，拍攝時完全沒有食螺絲。

Monnor姐很愛吃鹽焗雞，但主持了節目後，才驚覺以往所吃都不是正宗煮法。

煮鹽焗雞首先要將鹽炒熱，Monnor姐試炒即大歎太重炒不動。

修哥在師傅指導下，首次嘗試包糯米雞，似模似樣。

修哥拿著熱辣辣的叉燒包講解，邊主持邊歎美食。