2012年10月12日星期五

郭富城「偷食」斷正

2012年10月12日

跑馬地蓮園係明星飯堂，喺嗰度見到明星本來一啲都唔奇，奇就奇在媽咪姐見到郭富城半夜去蓮園食消夜。係人都知城城著重副 body，食消夜會穀腩㗎嘛，不過店舖嘅撈麵同炸兩咁吸引，好難忍到口嘅！當晚城城一身街坊 look，著鞋雖然唔著襪，但都 carry得鬼咁型。

衰就衰在慌張咗少少囉。媽咪姐見佢一出舖頭就不停左𥄫右𥄫，神神秘秘咁，唔通驚俾人發現佢偷食。放心喎。此「偷食」不同彼「偷食」，熊黛林應該唔會詐型嘅。

好衰㗎！偷食唔預埋人！（設計對白）

雖然慌張咗少少，但城城仍然魅力十足，上車前就有兩名女士俾佢「吸睛」。