鄭嘉穎留醫右眼縫10針

鄭嘉穎被打爆右眼，工作人員急忙幫渠止血。微博圖片

現年43歲慨鄭嘉穎前日喺昆山拍攝電視劇《葉問》，同年輕新手龍虎武師對打時，因反應慢咗半秒，俾對方手踭批中右眼，劇組方面都好緊張，即刻安排嘉穎返港醫治。

鄭嘉穎喺昆山拍《葉問》嗰陣俾對手打傷右眼，痛到掩眼瞓地。

有疤仲型

前晚嘉穎回港即撲到港安醫院睇傷勢，高層樂易玲同好友黃智賢仲陪渠入院，因為傷口幾大，嘉穎要留院一日，噚日下晝點幾先出院返屋企休息。樂小姐話嘉穎個傷口縫咗成10針，渠會留喺香港休養一星期，拍劇方面因為眼未消腫而暫停，原本噚日喺沈陽有活動都被迫取消，家要等下星期拆咗線先決定工作安排。噚日淩晨三點，嘉穎喺微博報平安：「已回港診治，安好，不用擔心。但真的很抱歉，明天不能到沈陽跟大家見面了！」

前晚11時15分戴咗黑超慨嘉穎單拖回港，右眼貼咗塊大膠布慨佢話：「系自己問題，冇乜嘢，縫兩針得啦，多謝大家關心。」佢仲話男人有疤仲型，至於可擔心破相時，渠即驚一驚話：「應該唔會啩，好小事。」

此外，同嘉穎傳過緋聞慨苟芸慧噚日喺尖沙嘴出席活動，佢 話睇報紙都知嘉穎受傷，會傳短訊畀佢。

.鄭嘉穎留醫右眼縫10針
http://hk8news-e.blogspot.com/2012/10/10_3995.html