林子善誓死效忠TVB 感激黃子華提攜

不是無綫包薪藝員，卻獲「親生仔」待遇，08年正式簽約無綫成為合約藝人後，短短4年間，林子善連續拍了12部劇集，為他帶來多桶金，包括屯門物業首期，最近更和導演好友鄧東明合資7位數字在大坑開設了「龍鳳冰室」，難怪他誓死效忠三色台，大賣口乖說：「勁人一定留喺無綫！」當然，子善也希望躋身勁人系列。採訪：方騫平

最近林子善曝光高，雖然在《飛虎》、《怒火街頭2》中並非擔正做男主角，但卻能產生化學作用，搶咗唔少戲。

子華教導終身受用

他坦承恨拎今年的「飛躍進步男藝人」獎：「有固然係好啦，只要演技得到觀眾認同，攞唔到都冇乜所謂嘅，正如07年金像獎頒獎禮當晚，啱啱我同師傅黃子華食緊飯，佢好開心見到老友劉青雲首次勇奪影帝，其實青雲哥早已係我心目中嘅影帝啦。」

林子善由無名小卒，變身入屋演員，除多謝無綫畀機會外，恩師黃子華是關鍵所在：「我本身唔識子華哥，直至有次去《一蚊雞保鑣》片場探老友陳國坤班同子華打招呼，佢就介紹我拍《奸人堅》，就係咁簽咗無綫。子華哥提拔我同時，仲教我做戲，最深刻教我拍喊戲唔使刻意穀眼淚，就算開水喉，唔投入都會好假，只要投入劇本，就算冇眼淚，用眼神演繹都足夠，呢個秘訣，教我終身受用。」

認識林子善始於13年前的《喜劇之王》，那位愛扮大佬的洪爺如今是已餐廳老闆。

《怒火街頭》令子善正式入屋。

子善4年拍12套劇，平均1年3套，勁！

05年，子善跟拍檔開設公司「STAR-06」，專門承辦夜場打碟。

拍完《奸人堅》後，子善正式簽TVB。

.林子善誓死效忠TVB 感激黃子華提攜
http://hk8news-d.blogspot.com/2012/09/tvb.html