探熱針
開天殺價 謝安琪激嬲 Paco
2012年09月27日自從今年中與環球唱片不歡而散解約後，謝安琪至今仍未泊到新碼頭，先後跟金牌大風及黃栢高接觸過的阿 Kay，由於開出演唱會 100萬一場的條件，最終令合作泡湯。
無著落，阿 Kay近日便翻兜餘詠珊老公何哲圖的星煥國際，更願意減價獻身，唯一條件是要爭取在無綫做高層的餘詠珊撐腰，無限量於無綫節目曝光，攞番個彩。
高層幫手解封
曾經寸爆無綫的謝安琪，近期經常有機會亮相無綫節目。上週六（九月二十二日），拍住視帝黎耀祥在籌款節目《星光熠熠耀保良》中唱《帝女花》，唱到甩嘴。
「之前為四大唱片嘅問題，阿 Kay高調上有線，又喺大學講座寸無綫嘅《勁歌》，本來無綫已經擺咗佢入封殺名單，但餘詠珊上場管曬綜藝科，係咁撐自己老公間唱片公司，而阿 Kay又一路都同星煥嗰邊傾緊，老婆梗做嘢啦！阿 Kay即刻解封。」知情者說。
今年七月與環球解約後，阿 Kay先後跟 Neway、金牌大風、星煥國際及 Paco的太陽城娛樂傾合作，但當中無一間是國際公司。
「阿 Kay同環球搞到咁，幾間國際公司都收曬風，大公司做嘢有制度有規矩，但阿 Kay嗰邊嘅經理人又有自己一套，佢哋唔配合，有合約都冇用，咁麻煩，又唔係冇佢唔得，國際公司唔考慮佢啦！」一名資深樂壇人說。
泊唔到大碼頭，謝安琪只好向本地唱片公司埋手，一面拖住星煥，又同 Neway、 Paco及金牌保持接觸。
唔阻阿 Kay發達
「同時傾幾間公司好正常，對佢最有興趣嘅係金牌，亦有人搭路同 Paco傾過，點知佢經理人夏森美當阿 Kay係天後級，提出一百萬做一場演唱會，呢個價，本地除咗學友、 Sammi、 Eason；又或者神級嘅阿 Sam同徐小鳳先會有。阿 Kay上次開演唱會已經好麻麻，仲咁大想頭！金牌嗰邊已經 turn down咗， Paco就㷫到叫佢另謀高就，唔阻佢發達。」
唔想坐以待斃，阿 Kay唯有主動翻兜星煥，又自動減價唔再企硬一百萬一場騷。
「夏森美以前喺華納做外語唱片部嘅宣傳，跟過 Herman Ho（何哲圖），大家好熟， Herman仲攞埋老婆出嚟做籌碼，講明無綫會無限量 support佢！」知情者說。
謝安琪有無綫平台助穀人氣，其實已經賺曬！
轉嗒土炮
肯落疊同謝安琪傾合作的 Neway、金牌大風、星煥國際及太陽城娛樂，均是土炮公司，實力、財力、名氣，始終同娘家環球有一段距離。
金牌大風 收緊開支
03年由黃栢高及鄭東漢創辦的金牌大風，全盛時期有楊千嬅、古巨基、鄧麗欣、方力申等知名藝人坐鎮， 09年金牌打大風， Paco被明升暗降繼而離職，公司歌手亦相繼離巢，風光不再要緊縮開支，公司目前只剩下張繼聰、梁漢文、 Rubberband等歌手。
星煥國際 老婆撐腰
由何哲圖做 CEO的星煥國際， 10年成立，旗下歌手有鄭欣宜、許廷鏗、鍾嘉欣、江若琳等，未有一個擔到大旗，且公司規模一般，唱片亦慳住做，更未有舉辦過大型演唱會。
太陽城娛樂 澳門資金
去年初，黃栢高加盟澳門的「太陽城娛樂文化」，投資開過郭富城、蔡依林澳門演唱會，今年將陣地轉移香港，由於公司水源足，電影、演唱會、唱片瓣瓣沾手，早前更以 600萬簽薛凱琪加盟，稍後葉蒨文的海外巡迴個唱，亦由該公司負責主辦。
Neway 諸葛話事
由薛嘉麟做 CEO的 Neway本身主打做卡拉 OK生意， 08年成立唱片公司，替歌手發行唱片，但成績麻麻，旗下主要歌手包括張智霖及 Hotcha，自從今年初諸葛紫岐下嫁薛嘉麟後，有指她已入主 Neway做話事人。
.[壹週刊]開天殺價 謝安琪激嬲 Paco
http://hk8news-d.blogspot.com/2012/09/paco_27.html
