探熱針
僭建慣匪 街坊大投訴 馬德鐘新居挖地牢
2012年09月27日富豪高官特首愛僭建！曾因在天台勁搞僭建，一度被屋宇署勒令清拆的馬德鐘，最近又重施故技，在屯門獨立屋新居，鬧出僭建風波。不同的是，新屋向下發展，僭建地下皇宮；愈掘愈深，結果辣 㷫附近鄰居惹來投訴。未入夥，已經鄰里不和。
大咬掘多幾層
繼與胞兄在黃金地段尖沙咀區開家具店，馬德鐘更一口氣買下相連鋪位，學人炒鋪投資。近日，他將一家三口住了八年的西貢寶珊苑一樓連天台二千呎物業，以一○二○萬賣出，賬面勁賺六百萬，並準備搬入去年已購入，位於屯門小欖的兩層連花園、合共二千多呎獨立屋。
新居仍在大事裝修，據悉，馬德鐘計劃效法唐英年，在新屋僭建「地下皇宮」做酒窖、卡拉 OK房及健身室。卻因貪心，被鄰居投訴阻攔。
「佢想掘幾層深 嘅地牢，但屋苑係屋貼屋，咁掘法，左鄰右里一定受影響，二來工程咁大，其他住戶驚俾屋宇署發現，連累其他住戶 啲天台屋被發現；所以紛紛投訴阻止，要求馬德鐘唔好咁狼。」知情者爆。
接清拆令照拖
被鄰居投訴後，原本進行得如火如荼、牆身亦拆走的新居裝修突然剎停。據資料顯示，新屋是馬德鐘老婆張筱蘭去年與一名親友用「海洋集團發展有限公司」持有，購入價千四萬，一年已升值至千六萬。
馬德鐘是僭建慣匪！○四年，他以四一○萬購入西貢寶珊苑後，花八十萬豪裝天台，將屋頂密封的玻璃屋改做健身室，更惹來屋宇署多次頒清拆令，但他卻冒釘契之險，企硬置之不理。
拖了半年，當時馬德鐘因 孭飛劇《鳳凰四重奏》成為無 綫台慶「最佳男主角」大熱人選，加上政府有權派人清拆並向他追收清拆費，為保形象爭視帝，唔想雙失的馬德鐘最終屈服，將八十萬裝修的僭建天台拆除，玻璃屋改成綠色「軟篷」，放滿高樹及木欄當做圍牆。
重施故技，但卻因大貪太重手惹來鄰居幹預，令僭建大計曝光。馬德鐘「狼」性難移！
舊居放售勁賺
馬德鐘住在西貢寶珊苑時，也曾因豪裝天台，僭建玻璃屋健身室而被屋宇署勒令清拆，之後被迫改用木板加樹作圍牆。近日舊屋以 1,020萬賣出，一家三口已遷離上址。
新居一樓平面圖
榮華花園只有六座獨立屋，環境清幽。屋苑有泳池設施，而每間獨立屋均有三層花園露台。
一開二
香港寸金尺土，就算有能力買獨立屋，都嫌地方唔夠用，唔想俾人發覺，於是向下擴展挖深 啲，地方隨時大一倍，變一開二！
今年二月，唐英年在選特首期間被揭發在九龍塘大宅僭建，地庫面積達 2,400呎，比大宅面積還要大，擁有酒窖、品酒室、多用途影院以及日式浴堂等設施，事後他推老婆郭妤淺出來「頂罪」，表示是取得入夥紙後動工，並會承擔一切責任。
娛樂代表有陳小春，一直住大埔康樂園獨立屋的他， 06年被鄰居投訴深宵時分發出噪音，滋擾居民，因而被踢爆僭建地庫作為開派對之用。
.[壹週刊]僭建慣匪 街坊大投訴 馬德鐘新居挖地牢
http://hk8news-d.blogspot.com/2012/09/blog-post_4955.html
