2012年9月25日星期二

[FACE]有名分　車震覺羞家　楊怡兩度迫婚　羅仲謙死拖

為保形象，楊怡和羅仲謙上週四（ 20日）急開記招澄清，樂大媽全程繑實楊怡，實情樂大媽亦唔贊成呢頭婚事，希望楊怡睇定啲先。

真面目

有名分　車震覺羞家　楊怡兩度迫婚　羅仲謙死拖

2012年09月26日

之前打死唔認拍拖，點知惹來「車震」疑雲後， 33歲楊怡與細自己 5年的羅仲謙，終於在記者會承認已見家長。

二人拍拖年幾，男方先爆對傅穎鬱手、再爆出跟同志富商劉定成關係密切，但楊怡次次力撐男友，但原來楊怡暗地裏對呢段姊弟戀甚冇安全感。早於去年底，楊怡已向羅仲謙迫婚；今年 3月，本刊亦拍到羅仲謙買花睇鑽戒，不過男方卻一味拖字訣，直至上週疑似「車震」後，楊怡借勢再度迫婚，大隻謙今次未必走得甩。

跟楊怡拍拖之後，羅仲謙一直行運，而且女方跟無綫幾位監製關係良好，講到明要「幫手」。

放大圖片

上星期爆出二人疑似「車震」，楊怡除咗伏在謙謙兩腿之間，嘴角更有白色液體。

放大圖片

3月睇戒指

今年 3月，羅仲謙靜雞雞去睇鑽戒，不過齋睇冇買。

放大圖片

記者會上，楊怡同羅仲謙有曬默契，笑住口澄清，楊怡仲話嘴角嘅嘢係嘔吐物。

Sell謙謙畀監製

去年 6月拍攝《 On Call 36小時》之後，羅仲謙 1年內已拍下《缺宅男女》、《飛虎》、《巴不得媽媽》和單元劇《戀愛季節》。除了《衝上雲霄 2》，還有 2套新劇傾緊，比一線小生更多產。知情人士透露︰「楊怡出名人緣好，做戲又 ok，同好多監製 friend，佢講到出口要幫男友，大家都識做。」

楊怡咁識做，原來都是希望男友拍多些劇，拉近大家距離。據知，去年 11月，楊怡已向謙仔提出結婚，當時男方話自己事業剛起步，提議過多 2年先算，點知上星期飲醉酒，楊被拍下與男友同車兼伏在大髀，楊怡再度迫婚。「其實大家都相信楊怡唔會咁做（車震），佢都因為呢單嘢爆喊，覺得好羞家，仲即刻同謙仔講要結婚，身邊朋友同家姐都叫佢唔好衝動，拍多陣拖先。」雖然楊怡一向看淡名利，但咁快已經想箍實 28歲羅仲謙，睇嚟仲難過拎視後。