2012年9月25日星期二

[FACE]冇命賠　吊高 20呎　冇威吔冇墊　 TVB收買港姐命

港姐冠軍張名雅被吊到 3層樓高又要快速做出轉圈動作，全程只靠一條絲帶支撐身體，仲要靠手臂扯實絲帶，冇威吔又冇安全措施，手一滑後果不堪設想。

真面目

冇命賠　吊高 20呎　冇威吔冇墊　 TVB收買港姐命

2012年09月26日

一年悶過一年的《星光熠熠耀保良》上週六（ 22日）舉行，埋單平均只收 16點，比起前週播《造王者》大結局時段，急挫 13點；今年更由紅館轉移至將軍澳電視城，場租慳番一筆。

無綫出名慳皮，用人則使到盡，今年《保良》騷忽然安排三位出爐港姐表演淩空「絲帶舞」，被迫在冇威吔又冇墊的情況下，靠條絲帶吊高 20呎又轉又跳，最慘係班港姐得 3日時間練習，上速成班又冇安全措施，難怪連冠軍張名雅亦呻：「綵排時真係有唔舒服。」

應屆港姐三甲張名雅、黃心穎及朱千雪當選後，首次出席大型慈善活動，今年港姐先搞單 hang機事件，結果張名雅 0票當選爆，據知無綫綜藝科總監餘詠珊為重振港姐聲威，實行力推 3女作高危演出，雖然最初提議的「踩鋼線」行唔成，卻換來另一驚險的空中絲帶舞環節。

放大圖片

轉足 10圈 <br><br>轉咗大約 10個圈，張名雅終於鬆綁，慢慢放番落台。

轉足 10圈

轉咗大約 10個圈，張名雅終於鬆綁，慢慢放番落台。

放大圖片

落地見頭暈 <br><br>一到地，張名雅都要幾秒先企得穩，雖然仲暈暈哋，但佢依然保持笑容。

落地見頭暈

一到地，張名雅都要幾秒先企得穩，雖然仲暈暈哋，但佢依然保持笑容。

放大圖片

淩空拗腰 <br><br>季軍朱千雪要空中拗曬腰，都係靠條絲帶借力。《蘋果日報》圖片

淩空拗腰

季軍朱千雪要空中拗曬腰，都係靠條絲帶借力。《蘋果日報》圖片

放大圖片

懸垂倒掛 <br><br>學咗 12年中國舞的亞軍黃心穎先後表演一字馬及倒吊，瞓身演出後仲話完全冇難度。《蘋果日報》圖片

懸垂倒掛

學咗 12年中國舞的亞軍黃心穎先後表演一字馬及倒吊，瞓身演出後仲話完全冇難度。《蘋果日報》圖片

半空做體操

放大圖片

今年 24歲的張名雅身材一般，除了是非多，表現一直平平無奇，忽然爆冷奪後，令網友質疑賽果。

當晚（ 22日），三名港姐在名為「絲情畫意舞翩翩」的環節出場， 3人分別於半空中表演旋轉、一字馬及淩空倒掛等動作，全場睇到拍爛手掌，但實情係港姐們被吊到離地 20呎的半空中又扭又轉，但全程只靠兩條絲帶「吊」命，無綫又安排「是但」，三日前才讓全冇雜技經驗的港姐們開始練習，簡直搏命過特技人，不過無綫連「吊港姐」籌到幾錢都冇公布，真係搏得唔抵。

得三日練習

放大圖片

無綫綜藝科總監餘詠珊喺 TVB舉足輕重，是次港姐表演項目亦有份參與畀意見。《蘋果日報》圖片

表演完畢後，氣都未唞順的張名雅說：「公司有幫我哋買保險，但係綵排嗰時真係有唔舒服，仲轉到想嘔，之後食咗止暈嘔藥再轉就好啲。」對於班港姐要搵命博，無綫外事部總監曾醒明說：「我哋一定會同佢哋額外買全保，有咩意外都會保到。今次呢個項目我哋搵咗專業人士楊盼盼小姐做指導，跟佢專業意見去做，絕對安全。」但楊盼盼週一（ 24日）則在電話中說：「唔係我訓練㗎，只係之前喺另一個會議度提出過不如試嚇呢啲動作。可能 TVB搵咗另一啲專業人士訓練佢哋啦， TVB一向都係得幾日練習，咁個表演冇想像中咁危險啫！」人命攸關，冇得是但喎！