《雷霆掃毒》毒後徐子珊搶戲
FACE週刊 第279期
林峯飾演嘅韋世樂屬毒品調查科總督察，利用沾上毒癮嘅徐子珊做線人，搜集毒犯販毒資料，之後因日久生情而愛上子珊。
《雷霆掃毒》係林峯第一次擔正演差佬嘅電視劇，劇中由頭到尾都鬼咁正義嘅峯哥，演技難發揮，反而俾飾演率領班兄弟掃毒，原來自己暗中販毒嘅黑警苗僑偉搶曬鏡。
女角方面就徐子珊最搶，劇中飾演毒品調查科總督察嘅林峯線人，唔只自己吸毒變成毒後，經常high爆、更慘被林峯同僚黃智賢強姦，大把發揮。
變毒後
劇中子珊老豆係毒犯，自己亦被人打毒針染上毒癮，睇佢毒癮發作，個樣幾鬼 high。
被迷姦
而一次毒品調查科行動組總督察黃智賢，進行緝毒行動時，發現子珊吸毒後失去知覺，於是色心起將佢強姦。
死細佬
子珊慘遭強姦，最慘係連最錫嘅細佬（麥子樂飾）都被虐打致死，條命坎坷到絕頂，真係好考演技。
唔過電
官恩娜屬林峯嘅毒品調查科下屬，之後由鬥氣變成傾慕，但最後卻殺出徐子珊同佢爭仔。劇中官恩娜同林峯有唔少感情戲，但 Ella話同林峯唔過電， chok峯真係失威。
三哥變黑警
《雷霆掃毒》中苗僑偉屬毒品調查科高級督察，因與老婆吳綺莉性格不合離婚。一次與兄弟偷走贓款，從此被神秘組織揸住痛腳，一直被操控犯罪，變成黑警。
.《雷霆掃毒》毒后徐子珊搶戲
http://hk8news-d.blogspot.com/2012/09/blog-post_3718.html
