近6萬網友撐攞最佳男配角 基出位古明華
無綫劇《巴不得媽媽…》令女主角之一的岑麗香迅速上位，劇中飾演蘇基的綠葉古明華也備受追捧，網友愛他基味濃而不核突，網友遂發起「一人一like撐蘇基攞獎」行動，支持他挑戰今年台慶最佳男配角或飛躍進步男藝員獎，截至昨日已獲近6萬名網友like。
其實古明華早在網友心中已是響噹噹的人物，他94年在周星馳電影《國產淩淩漆》中演的公安阿頭，亂槍掃射喊得極度樣衰的梁思浩、鄧兆尊，大快人心而被網友勁讚。古明華在無綫劇《巴不得媽媽…》飾演乸型蘇基，基味濃得來夠搞笑又不核突。
前晚一集古明華與養母蘇恩磁的母子情亦甚感動，網友遂發起「一人一like撐蘇基攞獎」行動，支持古明華爭今年飛躍進步男藝員獎或最佳男配角，截至昨日已獲近6萬網友like。
【今日我至乸】古明華捱咗20幾年，今次喺《巴不得媽媽…》演蘇基乸到被網民熱捧佢攞最佳男配角，睇佢可唔可以成為第二個柴九！
古明華演的乸型蘇基十分搶鏡，更發現闊太朱咪咪是他親生媽咪。
前晚一集《巴》劇中，古明華與養母的喊戲（小圖）感動不少觀眾。
古佬在《國產淩淩漆》飾演公安阿頭，收錢放生周星馳（右）笑爆全場。
「第一次咁多人撐」
古明華昨接受電話訪問，被問到網友支持他角逐獎項時謙虛地說：「好開心，估唔到反應咁大，但開心之餘其實睇番仲有好多不足嘅地方，希望觀眾睇清楚啲有好多做得唔好，但點都多謝佢哋，第一次咁多人撐我，有少少迷惘，多謝佢哋支持我，未來會更加努力答謝佢哋。」
問到是否想攞獎？古明華說：「呢個好被動，公司政策，啲獎畀邊個，大家會明白，咁多人支持當然希望攞，但除努力做好工作外，冇乜嘢做到，好被動。」
學院派曾逐金像獎
人稱古佬的古明華不但是實力派，更是學院派，90年在香港演藝學院畢業，曾是香港話劇團成員，93年以電影《旺角馬場》角逐第十二屆香港電影金像獎最佳新人，對手有袁詠儀、朱茵和鄭秀文等，但最終敗給袁詠儀。古明華亦是配音員，曾為賣座動畫《反鬥奇兵》系列聲演士兵隊長。
採訪：汪芷寧
上一則:陳冠希帶女食冰
下一則:周家蔚低炒曬巨肚
.近6萬網友撐攞最佳男配角 基出位古明華
http://hk8news-d.blogspot.com/2012/09/6_14.html
