http://hk8news-d.blogspot.com/2012/08/face_6769.html.
大笑話
全城恥笑 港姐冧機普選 曾志偉︰我提出過質疑
2012年08月29日今屆港姐 40周年，無 綫大搞，遠赴倫敦、蘇梅拍外景，決賽更動員全台小生花旦撐場，亦邀請到劉華及劉嘉玲做評判。有巨星、有派頭，仲搞埋高科技，玩全民普選用 app投票選港姐。點知去到緊張時刻才宣布冧機，全港觀眾隨即在社交網站洗版式鬧爆。
據知賽前已有唔少圈中人質疑， 10分鐘全城投票是否可行，可惜無 綫非戲劇總監餘詠珊一意孤行，結果搞出大頭佛。原來出事前司儀阿叻和曾志偉都提出過疑問，志偉更向本刊透露：「我提出過質疑，但佢哋話得㗎，百幾萬人（投票）都冇問題！咁咪……」 TVB貫徹是是但但。
港姐收視平均 27點，比去年高出了 3點，最高更收 32點，不過焦點並唔係邊個做冠軍或有冇造馬，而係無 綫竟然於公布三甲名單時宣布「冧機」、「 server冧咗」。說好的全民投票冇兌現，觀眾即傳來一陣噓聲，賽後網民更於 facebook、高登洗版，狂插無綫冇公信力，講過唔算數等等。
餘詠珊低估
今年港姐最特別之處係玩全民投票，觀眾可於公布最後三強之後的 10分鐘內，透過 app或 tvb.com投票選出自己心水的冠亞季軍，但最後伺服器因不勝負荷而癱瘓。
知情者說：「 Sandy（餘詠珊）諗住平時《東張西望》都有投票玩，好多節目都試過冇問題。以為無 綫 I.T.好勁，咪試嚇 10分鐘內投票囉。」而事前的確有唔少測試，但只在無 綫內部，無搵過專業公司試過 10分鐘內有大批市民點擊，去到比賽當晚才知出事。
主持補鑊
廣告之後鏡頭影住志偉揸住張貓紙口噏噏：「由於投票太踴躍……」呢個時候叻哥即插嘴：『冧機』， server冧咗……惟有用大會評判指定基準，冇辦法我 哋都諗唔到。」現場即傳來一陣噓聲。
志偉阿叻睇死
事後無 綫非戲劇總監餘詠珊成為箭靶，更在總經理鄭善強，及外事部總監曾醒明陪同下見記者。她說：「係低估 咗投票人數，會繼續向全民投票呢個方向諗，希望第時有機會做到每一 part都有投票！」
而司儀阿叻表示：「我都有問過得唔得 㗎？馬會入閘前 10分鐘都未必買到啦！（網民話無 綫欺騙觀眾喎！） TVB唔係網絡供應商，佢控制唔到 啫！」
曾志偉就話：「我提出過質疑，但佢哋話得㗎！百幾萬人同時入都冇問題！ 10分鐘內收集所有資料，計埋答案，咁快都得？咁咪……唉……大家都唔想嘅！」睇嚟心水最清嗰個係阿叻同志偉，唔怪得老闆陳國強同佢兩個咁 friend啦。
補鑊 Vs鬧爆
TVB於當晚已發聲明解釋投唔到票係因為系統故障。
話有黑客喎
週一（ 27日）無綫業務總經理鄭善強同微軟公司代表一齊出席記者會解釋冧機，鄭善強話：「有黑客入侵，佢哋入侵嘅量多過 700萬人，我哋會喺 24小時內請間獨立公司調查。」同前一晚嘅聲明有出入。
博士話唔易搞
呢個系統唔係咩新事，銀行、馬會都有類似差唔多啦，不過要做到穩定就要投放唔少資源，第一估計流量要準確， server要抵受到幾百萬甚至千萬用戶同時登入，仲未計有黑客入侵，第二網絡供應商配合，無 綫要同所有供應商配合，配合程度又有幾多呢？其實唔容易。
TVB冧 server，網民即時好大反應，喺各留言板鬧爆無綫，更對無綫話會送嘅 48萬名車下落最感興趣，外事部副總監曾醒明表示：「會喺兩個禮拜內透過關於港姐嘅遊戲節目送出。」
黃婉曼藐
我哋 now《撳錢》都諗過透過 app或者上網玩，但最後都冇試過，不過遲 啲免費牌照開，聽講都會有呢種即時投票節目推出，公司絕對應付到，因為我地背後有個好勁 嘅網絡供應商 support！
袁彌明寸嘥氣
我冇睇呀！但落區聽到啲街坊講囉！大家唔使咁認真喎！就算 server唔冧，有得投票，你哋都唔會影響到賽果㗎！一早內定曬㗎啦！嘥氣！
（立法會選舉新界東候選人名單包括梁國雄、葉偉明、劉慧卿、梁安琪、龐愛蘭、葛珮帆、陳志全、邱榮光、陳克勤、張超雄、蔡耀昌、範國威、田北俊、黃成智、湯家驊、何民傑、龐一鳴、方國珊、陳國強）
張名雅唔益陳潔玲
今次張名雅獲冠軍及國際親善小姐成為雙料港姐，打低其餘 9位佳麗，原來背後有猛人撐腰。據知張名雅的舅公張堅庭， 30年前，張堅庭執導由鍾鎮濤（當時為樂易玲男友）和葉童主演的《表錯七日情》，與在德寶影業做製片的樂易玲相熟，雖然樂小姐一直對外聲稱投選臨場黑馬變大熱的朱千雪一票，據知背後原來暗中投老友張堅庭外甥孫張名雅一票。
有高層背後發功，張名雅自己一樣識出招。一向跟張名雅同屬大熱門的陳潔玲經常糖黐豆，表面老友，實質背後一直出陰招，好似早前港姐飛去泰國蘇梅島拍外景期間，張名雅因贏咗「學習泰國傳統禮儀獎」，可以邀請最 friend的佳麗一齊住總統套房一晚之餘，還可以一齊獲一分鐘拉票時間，當個個以為張名雅會拉埋好姊妹「妍希」陳潔玲一齊歎世界兼拉票，點知她竟然揀了同佢唔多熟的張鈞美，擺明唔想益熱門好姊妹。
比賽後，唔少網民都戥大熱、現只得季軍的朱千雪唔抵，仲撐她話如果電腦無出現問題一定贏硬，不過最後都係由張名雅勝出，事後出爐冠軍張名雅得戚話：「做港姐一定要有信心，我相信就算係一人一票我都贏。」
朱千雪大方
雖然勁多網友認為如一人一票，朱千雪肯定冠軍，但賽後家住小西灣藍灣半島嘅朱千雪，返到屋企大堂時就同記者講：「其實張名雅都實至名歸，表現都好好，我都相信評判眼光，既然電腦都救唔番，我唔諗咁多嘢啦！」表現咁大方，風度已經贏咗張名雅囉！
30年前，樂小姐同張堅庭（右一）曾一齊共事德寶影業，非常老友。 5年前張堅庭執導嘅電影《合約情人》搞首映，樂小姐仲帶埋愛將徐子珊去撐場。張名雅係張堅庭外甥孫，樂小姐點會唔畀面？湯洛雯後台就差得遠啦。
咪精姣精鬥 V煞
港姐選舉當晚， 08年得「旅遊大使獎」的高海寧，亦有到場捧班師妹場，當晚高 Ling著住老友鄭兆良所設計的前 V大露背晚裝，單係喺錄影廠外面行過，已引到成班記者 𥄫到實，連經過的蔡一智都忍唔住讚佢正；而最新 TVB「姣精」苟芸慧亦以低 V晚裝狂曬事業線。
超欣狂隊零食
當晚何家四房細女超欣與及哥哥猷君帶埋西班牙籍女友 Francesca齊到場觀戰，仲拎埋一大袋零食入場。當晚猷君同女友喺場內兜咗四個圈都搵唔到位，結果黑面問工作人員：「究竟有冇位㗎？」入座後，細妹超欣即嚟料，狂食零食，之後更索性將背心膠袋成個放上大髀慢慢揀，連電視畫面都清楚見到。
崔建邦唔爭氣
今屆港姐，由翻生崔建邦拍住曾志偉同陳百祥做司儀，曾退居幕後做 P.A.，成年有多嘅邦邦，唔只發福唔少，仲經常蝦碌。多謝城城排舞老師 Sunny Wong時亦噏錯變咗 Sunny Chan，生疏曬。
