http://hk8news-d.blogspot.com/2012/08/face-dada_29.html.
封面
撇奀星攀富二代 DaDa炸錯空心闊少
2012年08月29日《低俗喜劇》勁收過 2千萬，除了導演彭浩翔同主角杜汶澤威盡，連女一「爆炸糖」 DaDa（陳靜）亦令觀眾改觀，片約輪住送上門，有機會轉型離開脫模行列。升呢在望，據知與三打七奀星男友王宗堯分手後一直藕斷絲連的 23歲 DaDa，早前改向 38歲印尼餐廳太子爺蔣翹帆埋手，更已秘密拍拖 2個月。上週二晚（ 21日），本刊發現兩人拍拖睇戲，蔣更親自送 DaDa返回荔枝角寓所。以為釣到金龜，但蔣翹帆原來表面富貴，實則冇樓冇鋪揸手，仲犯過官非守行為。
爆炸糖炸著個空心闊少， DaDa都係留番包糖炸過第二個罷啦！
由百果園廣告彈起的 DaDa，兩年前由純轉型靠剝搵食，無論出寫真定出活動，必定低胸狂騷事業線，成功儲到一班宅男粉絲。賣肉賣唔長，好在 DaDa憑《低俗喜劇》中演天真善良的「爆炸糖」一角洗底成功，年尾更有兩套戲開拍，分分鐘可以步 Chrissie後塵做電影界搶手新人。
管接管送
事業得意， DaDa的愛情亦同樣得意。曾與《喜愛夜蒲》奀星王宗堯拍拖的 DaDa，雖在去年分手，其後又與上市公司主席傳過緋聞，但據知她與王宗堯仍有繼續來往，期間亦和前無綫超奀星李雨陽「 flirt來 flirt去」，疑似踏幾船，直至約 2個月前，才劃清界線不再和王、李玩曖昧。上週二， DaDa與邵音音在旺角街頭派糖宣傳《低俗喜劇》，活動後， DaDa即乘坐保母車到附近的 GH旺角戲院，落車後一支箭衝向電梯，然後會合一名四眼男入場睇戲，當時只有《低》片預備開場，估計 DaDa應該是捧自己場。
晚上 11點幾散場後，四眼男與 DaDa到停車場攞車離開，直接駛往 DaDa荔枝角泓景臺寓所，不過四眼男相當規矩冇陪上樓，只在樓下等女神安全到埗先開車回北角寶馬山道寓所。
執剩一鋪
原本喺銅鑼灣、旺角、尖沙咀同沙田都有分店，但去年因租金狂加 3倍而被迫結業，轉在中環 L Place開新店。蔣的父母早於 68年開設印尼餐廳，但多年來都冇任何自置鋪位，最後更因租金問題被迫結業。
冇樓揸手
蔣現時與兩名孖生細佬以 5萬 2租住北角寶馬山道豐林閣，（湯盈盈、黃浩然曾居同一大廈）手頭上並無物業。
曾涉偷車
蔣翹帆與吳天瑜（左）去年曾涉嫌偷車，事後雖獲控方撤銷控罪，但仍須守行為 1年。
花弗三兄弟
蔣氏三兄弟都有幫手打理餐廳，間中在無綫收費為食台教煮餸。大哥蔣翹帆（左）同有線前主播吳天瑜傳緋聞；細孖蔣翹丞（中） 04年與關心妍拍拖， 06年分手；而大孖蔣翹光（右）則甚少緋聞，極之低調。
主動炸仔
原來該名四眼男是著名米芝蓮推介食肆，老字號「印尼餐廳 1968」大少蔣翹帆，比其前奀星男友有來頭。蔣現年 38歲，在澳洲讀完多媒體設計學士課程後回流返港，曾與有線娛樂台前主播吳天瑜傳緋聞。當日用來接載 DaDa的 Benz屬蔣翹帆名下， 02年落地，新車價約值 60萬。
據知蔣與 DaDa撻著 2個月，而且是 DaDa做主動。「幾個月前， DaDa突然周圍問人關於 Hudson（蔣） 嘅嘢，又問佢好唔好仔、鍾唔鍾意蒲、有冇女朋友之類，我哋成班 friend都知佢對人有意思，點知早排發現原來佢兩個已經一齊咗！ DaDa話佢今次好認真，唔想好似以前咁拍散拖，所以一有時間就陪 Hudson睇戲食飯，盡快培養感情。」知情人士透露。
DaDa讚好好
一心釣金龜做闊太，態度清晰的 DaDa終於的起心肝，撇甩糾纏多時的奀星王宗堯。可惜蔣翹帆只是表面風光，實則並非身家過億的富二代，現時手上並冇任何物業，家族經營的餐廳亦執剩一間分店，去年又與緋聞女友、有線前主播吳天瑜牽涉一單偷車官非，事緣蔣的一名洪姓女友人於 09年將一架 Benz交給蔣保管，但蔣與吳擅自駕駛該車，洪得知後報警，兩人最後被判守行為 1年，絕對是空心闊少。
炸錯目標，爆 DaDa上週一（ 27日）在電話中死撐冇拖拍。「你哋影到咩呀？我單身㗎！嗰晚其實仲有一男一女，係個女仔同 Hudson熟，叫埋我去，佢送我返屋企係因為 gentleman啫！（你哋點識？） 1年前去過佢間餐廳做訪問識嘅，之後都有同朋友落去食飯。（覺得佢點？）好好，好好，好有風度！同埋好叻，佢自己設計網頁㗎！不過佢 𠵱家唔喺香港喎！」
連人哋人在澳洲都咁清楚，你話唔熟搵鬼信咩！
黐仔脫貧
拍百果園廣告彈出的 DaDa，初出道時外貌清純，早期的緋聞男友只是王宗堯等奀星，但上位後 DaDa即向有米男埋手，更由租住屯門 500呎豆腐 膶，到現時手揸約 400萬泓景臺，極速脫貧。
