http://hk8news-d.blogspot.com/2012/08/face-jj_28.html.
亂到七彩
樊少皇北京帶國產女上房 崩潰 JJ：我就嚟頂唔順
2012年08月29日29歲宅男女神賈曉晨（ JJ），與大她 10年的武打演員樊少皇被揭撻著，本刊率先揭發樊有仔有老婆，連日來不斷被爆臭史。據知樊少皇 4年前到國內拍劇認識的杭州女助手，至今仍未分手，臭史陸續有 嚟，本刊得知，樊少皇 10年到北京宣傳《美麗密令》時，更有傳帶國產妹上房。即係話， JJ傻嚇傻嚇做咗小四、小五……
事發之後，除了經理人公司 Snazz，譚詠麟和阿叻老婆黃杏秀都力勸 JJ斬纜。但一心以為可以上岸的 JJ，連日來失眠，情緒面臨崩潰，接受本刊訪問時說︰「我都好失望，鍾意 咗一個唔應該鍾意 嘅人，我就 嚟頂唔順。」
據知，今年 3月 JJ認識樊少皇不久，男方便展開追求， JJ第一時間向公司報告，直到正式拍拖一星期， JJ公司 Snazz才得知，原來樊已有一對仔女，公司即要求 JJ馬上跟對方分手，但 JJ反為男友解釋，說他們已分手。知情人士說︰「爆 咗佢有老婆、仔女之後，叻哥、志偉同秀姑都勸 JJ分手，但 JJ一味話同樊少皇拍拖前，佢已經單身！咁都信？個個都話佢太純， 𠵱家仲爆多個杭州妹，公司好嬲呀，叫 JJ唔好再幫口，覺得樊少皇應該企出 嚟一次過講清楚。」
經理人鬧到喊
02年入行， JJ近年事業才有起色，而且身為 Snazz老闆的殼王（陳國強）成為無 綫新老闆， JJ得益好多，劇集輪住出，「小三」事件後，上星期 JJ被召返公司照肺，其經理人文迪說︰「我鬧到佢喊，公司唔係阻止佢拍拖，但要搞清楚啲關係先！」
酒店藏國產妹
樊少皇接二連三被爆情史，全因樊是第一代北上搵人仔的藝人，尤其是《葉問》之後，除了獲得「金像獎」男配角提名外，身價更加暴漲，自然多女埋身。
10年樊少皇到北京宣傳《美麗密令》時，就發生了一件傳聞。據劇組人員透露︰「當日 check out曬，臨離開去機場時，有位演員漏 咗證件 喺酒店，工作人員打返酒店叫人逐間房搵，點知隔 咗一陣，酒店打返 嚟，話搵到證件，但其中一間房入面有位女士， 嗰間房係邊個唔使問啦。呢件事全個劇組都知，但大家都好似見怪不怪。」雖然不能肯定房中是否樊的杭州籍女助手，但今年初，樊到橫店拍攝電影《大武當》時，已向人介紹這位女助手是其女朋友。據知，這位女助手 4年前開始幫樊工作，每次到國內拍劇拍電影，樊都會請她幫手，而 4年間，女助手亦升呢為女友，而這位女助手性格豪爽，更煙不離手。
對於男友再爆情史， JJ由小三慘變小四，她已由維護變到心淡，她說︰「其實佢（樊）都有同我講呢個助手，我知 嘅係，佢哋拍 咗拖幾個月，總之我係唔會做小三、小四。」問到跟樊少皇之後的發展， JJ說︰「我都好失望，鍾意 咗一個唔應該鍾意 嘅人，我就 嚟頂唔順，希望大家唔好再畀壓力我。」先因沈震軒有小三， JJ發現怒飛， 𠵱家再 嚟個樊少皇， JJ真係要帶眼識人，咪再懵盛盛啦！
樊少皇少探病父
被爆有老婆後，樊少皇馬上澄清 4年前已跟未婚女友分手，但一直有撫養一家三口，本刊打聽其父親、前邵氏演員樊梅生的行蹤，但一直未能聯絡。於 09年，港台為樊少皇拍攝特輯《各路英雄》，當時希望樊跟父親一起出鏡，但樊梅生當時身體已出現問題，更有傳需要入住老人院，現在可能還未知兒子發生「大件事」。
週日（ 26日），記者到樊梅生位於紅磡的住所，屋內沒有人應門，但看更就確認上址為樊父母的住處，而且很少見樊少皇出入探訪，更有指樊梅生可能已搬到國內。
