2013年2月27日 星期三

[FACE]陳年恩怨 志雲開經典台 封殺叛將 白韻琹:有俞琤冇好日子

陳志雲上週四( 21日)出庭時神情輕鬆,案件 3月 7日再審,陳總仍未可以放低心頭大石。


真面目

陳年恩怨 志雲開經典台 封殺叛將 白韻 琹:有俞琤冇好日子

2013年02月27日

潮流興懷舊,亞視去年除夕開了新台《歲月留聲》( 13台), 24小時不停將舊節目狂 loop,零成本博高收視,雖然點都唔夠無綫撼,但起碼好睇過自家製的《亞視百人》悶死人。

舊資源可以循環再用,商台 CEO陳志雲亦有樣學樣, 4月在商台網和手機 app內出新招,重播商台經典節目,包括軟硬的《老人院時間》、眾巨星如黎明、彭羚和郭富城參演的廣播劇,甚至連副主席俞琤當年開咪的《六啤半》都出土,夠曬經典。不過唔係所有經典都有幸重播,據知俞琤對曾經離開過商台的叛將下封殺令,白韻、鄭經翰與陳海琪的王牌節目,全部冇得翻生!

放大圖片

商台副主席俞琤(左)非常信任陳志雲,開經典台亦係由陳總提出。

懷舊節目有市場,一向有諗頭的陳志雲當然唔放過。據知陳總與俞琤商量後,決定 4月開始,在商台的 HK Toolbar和手機 app內開設一個名為「經典台」的選項,將經典節目翻 hit,全日不停重播歷年來的高收聽率節目,包括 7、 80後最愛的軟硬、一系列廣播劇及拉闊演唱會,而俞琤與蘇施黃等人當年神級的《六啤半》,亦會斬件重見天日。

除了白韻 琹被商台列為黑名單外,鄭經翰都榜上有名。大班反應卻較白姐姐冷靜,他說:「唔可惜(列黑名單)!佢有權選擇,我控制唔到!我只可以講我做節目嗰陣,係商台 黃金時期!」

放大圖片

我控制唔到㗎!(真實對白)

放大圖片

專用自己友!(真實對白)

黑殺令

被俞琤封殺的商台舊將粒粒皆星,當年開咪時極受聽眾歡迎,偏偏唔可以在「經典台」翻生,認真可惜。

《風波裡的茶杯》

放大圖片

圖片

94年開始播了 10年的《風》,一直是商台王牌。大班非常敢言,曾鬧房屋署副署長劉啟雄係「狗官」,又在沙士期間發起「一人一口罩」活動,支持前線醫護人員。

陳志雲上週四( 21日)出庭時神情輕鬆,案件 3月 7日再審,陳總仍未可以放低心頭大石。

《盡訴心中情》

放大圖片

《蘋果日報》圖片

86年在商台開咪的白韻 琹,在節目中聽聽眾 phone-in訴苦,又為聽眾解答感情問題,但成日教人離婚。

《海琪的天空》

放大圖片

《蘋果日報》圖片

當年屬星級 DJ的陳海琪,人脈極廣,常邀請到成龍等巨星做嘉賓,加上其節目非常有個人風格,試過 cut聽眾電話,唔似一般節目淨係識播歌同傻笑。

網上任聽

放大圖片

俞琤與陳總月中( 18日)一齊出席團拜,期間兩人有講有笑,似乎對經典台信心十足。

不過經典還經典,與俞琤有牙齒印或者曾經過檔的叛將,一律禁播。被列入黑名單的節目,據知就有白韻 琹的《盡訴心中情》、鄭經翰《風波裡的茶杯》和陳海琪的《海琪的天空》。

據知白姐姐 80年代曾被俞琤炒魷,後來堅拒返商台開咪,雙方至今仍未和解;鄭大班則在 04年休假期間,無故被俞琤解僱,兩人曾開記招公開對質,大班激動表示「感到被人出賣,被人逼害!」另外,由於陳海琪 94年突然離開商台,轉到新城做勁歌台台長,因而被俞琤視為叛將,講明永不錄用。

鬧俞琤小器

放大圖片

大班現正搞 D100義播雲天 90日,下月義播結束後,將正式遷入數碼港的新寫字樓繼續廣播。

不忿被封殺的白韻 琹,上週在電話寸爆俞琤小器,「有俞琤一日,商台都冇好日子!佢專用自己友,佢唔搵我、我都冇辦法!當年佢炒我,搵鄧碧雲、馮美基頂我,結果都冇用吖,冇人取代到我,我 嘅節目係永恆經典!之後佢有搵過我返商台做《盡訴心中情》,仲出到 5倍人工,但當時我喺英國,我 啲朋友叫我唔好俾佢呼之則來揮之則去,結果我冇返囉!我都唔知點解佢到𠵱家都嬲我,咁小器!」

對於將開經典台一事,商台公關部發言人杜小姐回應:「現階段無論節目名、開台日期同節目內容都未定,只可以話個台係一定會開!(係咪鄭經翰、白韻 琹同陳海琪係黑名單唔播得?)總之個名單(播放)未定!」

當年成日教人離婚咁經典都冇得重播,又難怪白姐姐 㷫爆喎!

陳志雲上週四( 21日)出庭時神情輕鬆,案件 3月 7日再審,陳總仍未可以放低心頭大石。

經典台冷飯 《老人院時間》

放大圖片

由軟硬創作,其中一個環節「整蠱電話」極受歡迎,幾乎冇人未聽過!

拉闊音樂會

放大圖片

《蘋果日報》圖片

98年開始由商台舉辦,每年邀請唔同公司嘅歌手合作,張國榮、王菲、林憶蓮等巨星亦曾參與。

廣播劇

放大圖片

《蘋果日報》圖片

商台推出過唔少經典廣播劇,例如郭富城、彭羚嘅《戀愛 1/2》、黎明《我沒有愛錯》等。

《六啤半》

放大圖片

由俞琤、蘇施黃、曾路得、梁安琪等 13名 DJ組成,更推出過同名大碟,當年 hit爆學界。

陳志雲上週四( 21日)出庭時神情輕鬆,案件 3月 7日再審,陳總仍未可以放低心頭大石。

亞視新不如舊

亞視上年 12月 31日開新台「歲月留聲」(13台),重播多年來高收視的綜藝節目和劇集,包括黃霑的《今夜不設防》(左圖)、《萬家燈火》(右圖)、《我和春天有個約會》等。唔少網友都讚節目夠經典,但就插爆亞視亂剪片,將劇集 cut到肢離破碎,又無厘頭加入《亞洲星光大道》、《亞視百人》等垃圾節目,破壞經典台的原意。

放大圖片
放大圖片
放大圖片
放大圖片


.[FACE]陳年恩怨 志雲開經典台 封殺叛將 白韻琹:有俞琤冇好日子
http://veryy8.blogspot.com/2013/02/face-face_27.html
.[FACE]陳年恩怨 志雲開經典台 封殺叛將 白韻琹:有俞琤冇好日子
http://veryy8.blogspot.com/2013/02/face-face_27.html