2013年2月27日 星期三

[FACE]攞正牌  Kary睇唔實 餘文樂澳門攬吧女

NG 3次


真面目

攞正牌  Kary睇唔實 餘文樂澳門攬吧女

2013年02月27日

Kary吳雨霏和餘文樂早前孖住到赤柱君如家拜年兼睇樓被踢爆戀情,隨後兩人更直飛倫敦度假。

「樂雨戀」剛萌芽 4個月,自然打得火熱,但餘文樂早前跟新片《飛虎出征》大隊過大海開工,其中一場攬女戲明明一 take過搞掂,不過樂仔卻要求 NG再 NG。餘文樂奉旨攬女, Kary睇實啲好喎!

掃女背脊 又拖又攬

放大圖片

跟餘文樂做對手戲嘅吧女上圍突出,戲中樂仔有得拖仲掃埋背。雖然話主動要求 NG 3次,樂仔都好似唔係咁敢正面𥄫吧女,算有規矩喇!

放大圖片

本月 14日情人節,餘文樂帶 Kary到好友吳君如家拜年公開「樂嫂」身份,戀情正式曝光。有傳兩人本週二( 26日)將由倫敦返港。

自餘文樂和 Kary撻著後,雙方為保護愛苗免受破壞,餘文樂更冒住得罪 fans危機,刪除 fans在他微博內攻擊 Kary的留言。

拒同 fans合照

餘文樂被踢爆戀情後,隨即跟女友飛倫敦度假,但早在本月 5日,彭浩翔導演的新片《飛虎出征》,一眾演員如杜汶澤和餘文樂等攞正牌過大海,約傍晚 6時,拍攝餘文樂和性感吧女的戲分。

現場所見,當晚餘文樂在開拍前後狂咪劇本,於空檔期間更主動與導演及其他演員商量及對戲。雖然只是拍攝一個簡單拖吧女出酒吧鏡頭,餘文樂一 take搞掂,而導演亦滿意收貨,但餘文樂卻主動要求再拍多兩三個 take,樂仔更不時畀意見給導演彭浩翔,連有途人要求合照都遭他拒絕。樂仔咁專業,主動拍多幾 take先夠喉,不如搵 Kary練嚇點攬仲好啦!

放大圖片

未埋位時,餘文樂和杜汶澤及雷宇揚 3人有講有笑,過到大海心情零舍靚。

放大圖片

中場休息期間,餘文樂馬上咪劇本,偈都唔傾住,非常認真。

《飛虎》玩趾公

放大圖片

《飛虎出征》上月正式開鏡拜神,當日到場清一色男演員,更加未見有份客串的 DaDa。

彭浩翔繼《低俗喜劇》大收旺場後,再添食拍 III召妓實錄的《飛虎出征》。《飛》是彭浩翔 08年網上小說改編成的電影,劇情講一班飛虎隊吹雞過大海(小說本寫東莞,電影版改為澳門)召妓減壓,其中更包括大膽裸露情節。繼《低俗》爆炸糖後,彭浩翔又搞新性愛花招「蜜蜂採蜜」,意即嫖客將腳趾公放入妓女體內,齋聽都覺得新奇啦!



.[FACE]攞正牌  Kary睇唔實 餘文樂澳門攬吧女
http://veryy8.blogspot.com/2013/02/face-kary-face.html
.[FACE]攞正牌  Kary睇唔實 餘文樂澳門攬吧女
http://veryy8.blogspot.com/2013/02/face-kary-face.html