2013年2月1日 星期五

誓踢走80磅肥膏變索女 細細粒:我要溝仔

「細細粒」的肥妹小寶(陳嘉佳)


誓踢走80磅肥膏變索女 細細粒:我要溝仔

忽然1周 第914期

無綫新劇《老表,你好嘢!》叫好叫座,最高收視達 37點。飾演王祖藍鄉里「細細粒」的肥妹小寶(陳嘉佳),風頭更冠絕全劇演員,就連高登仔都撐她「瘦咗一定索」。獲捧高登女神, 27歲從未拍拖,仍是處女之身的小寶,為求「開齋」,近日終於的起心肝減肥,發誓踢走肥膏。周日( 27日),本刊在西九海濱長廊直擊她喪做運動三小時。事後她喘住氣說:「我目標要喺兩個月內減 80磅。我要變索!我要溝仔!」



零彈跳力 FAIL

周日( 27日),著住白色短褲仔的小寶,到西九海濱長廊跑步兼喪做運動 3小時。其間她嘗試跳高彈起,不過只能腳踭離地,彈極唔起。

27歲的肥妹小寶,現時體重高達 230磅。試過俾 90後??仔叫「恐龍」,但她從未意識過要減肥。直至近日出街,她被傳媒廣泛起底,加上被本刊拍得她日吞 8碟肉,終醒覺要做個「真正索女」。小寶誓要努力搣甩肥膏,早前除有指纖體老闆張玉珊主動襄助外,她近日亦立志要做運動和節食減磅。

「細細粒」的肥妹小寶(陳嘉佳)

拗腰掂 PASS

小寶跑完步,見到阿伯拗腰零難度,仲講笑話自己實做唔到。估唔到有 50吋腰的她,親身擘腿拗腰竟然表現自如。勁!

「細細粒」的肥妹小寶(陳嘉佳)

食肉獸

早兩星期,本刊記者目擊她與同事打邊爐,一餐竟將 8碟肉吞落肚,卡路里爆曬燈。

「細細粒」的肥妹小寶(陳嘉佳)

引體升唔起 FAIL

拗腰輕易而舉,不過引體上升就肯定難倒小寶。礙於身體重量,小寶雙手攀著鋼架後,根本無力將身軀提起。在記者鼓勵下,她連攀 5次,最後雙腳才勉強離地。

「細細粒」的肥妹小寶(陳嘉佳)

跳住跑 FAIL

小寶坦言行步路都會喘氣,當日她做完一輪運動,再在天橋上跑步。不過彈兩嚇已經彈唔鬱,要坐埋一邊唞大氣。

「細細粒」的肥妹小寶(陳嘉佳)

Sit up摺唔埋 FAIL

咪以為小寶成功做 sit up,原本她要將腳放入身後的欄杆做 sit up,不過腳板肥大肉厚放唔入,惟有將頭掉轉擺。最後她要靠助手拉起「造馬」,才能完成 sit up「壯舉」,挑戰失敗。

「細細粒」的肥妹小寶(陳嘉佳)

兔仔跳 FAIL

小朋友最愛兔仔跳,不過自小已經牛高馬大的小寶,當然未試過。連踎低都有困難的她,肚腩又頂住大髀,想跳一下都難!

地獄式減肥

「細細粒」的肥妹小寶(陳嘉佳)

童心未泯

辛苦完一輪,小寶離遠見到有韆鞦,已經嚷著要玩。原來重達 230磅的她,都坐得落韆鞦。她說:「阿媽以前好少帶我落公園玩,依家有機會梗係要玩下。」她更玩到唔捨得走。

周日( 27日),本刊記者直擊她著住運動裝,獨自在西九海濱長廊跑步。由入口一直沿海邊跑步,沿途不少遊人認得她,不過她未有理會繼續低頭跑。斷斷續續跑了半小時,她終頂不住在旁邊長櫈休息。其間,記者趁機與她做訪問。原本唞著氣的她即抖擻精神說:「成世女都未做過咁多運動。唔得,今次一定唔可以俾人睇死,我要減肥。」之後,她再將難度升級,挑戰拉筋、仰臥起坐、引體上升等連串運動。雖然面露痛苦神情,她仍頂硬上。

做完一輪運動,她氣喘如牛說:「呀,我呢個樣咁樣衰,你哋(記者)唔好再影啦,仲影冇人要?!我都係想減肥啫,希望可以兩個月內減 80磅。我要變索!我要溝仔!」做完訪問,小寶再到附近天橋跑樓梯,來回跑足半小時才離開。

阿媽做媒

其實為一嘗索女滋味,小寶 16歲情竇初開時,曾一日三餐以水果充飢,最終兩個月減掉 40磅肥肉。可惜依然冇仔吼,她索性將減肥計劃擱置,變回 200磅以上大肥妹。小寶亦曾為此自責:「諗番我都好後悔,點解嗰陣唔繼續減肥落去,瘦咗咪唔會好似依家咁冇拖拍。」

由於她是家中獨女,父母一直渴望她開枝散葉,三代同堂。去年小寶母親更親自為她做媒,介紹男仔俾小寶識。小寶身邊友人透露:「伯母好想抱孫,成日哦佢咁肥冇男仔要,仲整埋愛心飯盒俾佢食,等佢食得健康啲瘦啲。伯母試過介紹啲男仔俾佢識,不過有次個男仔見到佢,飯都冇食,借尿遁走咗,搞到小寶好唔開心。」有過難堪遭遇,小寶再不敢與男性約會。

對此,小寶尷尬地說:「我咁大個女都未拍過拖,係有暗戀過人,不過唔敢表白。明知冇好結果,講嚟做乜?我以前見人拍拖都好恨?,但正常男仔又點會揀個肥妹做女朋友。我阿媽都話我去到呢個磅數,依然冇自制力減肥,係咪想孤獨終老?我好想節食?,不過當見到啲美食又乜都唔記得曬。所以我今次同自己講,一定要減到 150磅,我要拍拖。(介唔介意姊弟戀或忘年戀?)乜年齡都冇所謂,最緊要個男仔心地好囉。」唔想做剩女,小寶今次一定要堅持呀!

「細細粒」的肥妹小寶(陳嘉佳)

口不對心

小寶揚言要減肥,不過上周六( 26日)出席宣傳活動時,新年願望竟寫住:「大魚大肉!」看來減肥真的有難度。

「細細粒」的肥妹小寶(陳嘉佳)

食橙充飢

其實小寶真的有減肥決心,落台後,她戒絕一切零食,反而食橙充飢,抵讚!

「細細粒」的肥妹小寶(陳嘉佳)

本刊連續數日追訪,小寶收工後,已戒掉吃「雲吞麵」打底的習慣,直接揸車返彩雲邨家,陪父母食齋當減肥。

群星讚索

小寶雖然身形輸蝕,但性格夠真夠可愛,《老表》一班藝人都撐她減肥後,應該索過唔少女星。

「細細粒」的肥妹小寶(陳嘉佳)

王祖藍佢幾靚女

「有人話小寶揮低魯芬,其實我當初見佢肥得嚟都幾靚女,網民仲將佢同廖碧兒、苟芸慧比較。佢瘦咗應該幾索。」

「細細粒」的肥妹小寶(陳嘉佳)

鬼妹介紹男仔俾佢

「我喺套劇同小寶有最多對手戲。佢性格好 sweet好得人鍾意,我都想介紹男仔俾佢識。」

「細細粒」的肥妹小寶(陳嘉佳)

王菀之同佢一齊減

「小寶五官標致,瘦咗會好得。其實我都想減肥,等我搵日約埋佢一齊做運動先。」

「細細粒」的肥妹小寶(陳嘉佳)

高登仔嗒糖

以往俾高登仔封得做女神,必定樣靚身材正,但性格可愛的小寶,卻反傳統令高登仔嗒糖,就連小寶自己亦難以置信。

「細細粒」的肥妹小寶(陳嘉佳)

減太快易心臟衰竭

早前,本刊拍得肥妹小寶日食 6餐,每日吸收過萬千卡熱量,比所需的 2,400千卡熱量多足 4倍。為了有拖拍,小寶終肯減肥,現時日食 4餐,早晚兩餐食媽咪發辦煮的愛心餐。

據尚營坊註冊營養師鍾蓉文表示:「根據以下餐單,保守估計佢只係吸收 1,500千卡熱量左右,遠比佢身體所需嘅 2,400千卡少好多。佢咁食法,一個月可以減到十磅以上,但體力會唔夠,會好易攰同抵抗力弱。減得太快,身體仲會產生酮體(毒素),影響身體健康,同時心臟肌肉會流失得快,易心臟衰竭。建議佢下午茶同晚餐分別加多兩塊麵包同一碗飯。」



早餐

薏米粥一碗(阿媽煮)及一個蘋果



午餐

牛扒意粉(冇汁)及羅宋湯



下午茶

雜果拼盤



晚餐

煎魚柳、小米粥、炒椰菜、奇異果



.誓踢走80磅肥膏變索女 細細粒:我要溝仔
http://veryy8.blogspot.com/2013/02/80.html
.誓踢走80磅肥膏變索女 細細粒:我要溝仔
http://veryy8.blogspot.com/2013/02/80.html