封面
唔吼𡃁仔 揀大姦佬 姣小三樂瞳搶人未婚夫
2013年01月09日自 11年簽約無 綫做親生女，樂瞳拍劇冇停手，難得形象親民又抵錫，令樂瞳得到唔少宅男愛戴。幕前親民，幕後樂瞳亦有唔少仔埋身，入行初期與前老闆 DJ Tommy傳緋聞，入 TVB後更「大包圍」，與《點解阿 Sir係阿 Sir》內的 K4黨關係七國咁亂，到了近日 26歲樂瞳又有新目標。
據知去年樂瞳接拍《情越海岸線》時，已跟 36歲同劇演員李天翔勁 啱嘴形，後來二人再在《初五啟市錄》中合作終於撻著，李天翔更瞞住打算今年結婚的圈外未婚妻 BoBo與樂瞳發展地下情，「小三」樂瞳一直死唔放手。
26歲樂瞳 06年以歌手身份出道，可惜星途平平，至 11年簽約無 綫做親生女後終於吐氣揚眉，特別在 11年的《點解阿 Sir係阿 Sir》為人熟悉，成功跑出。
一撻即著
一劇接一劇，樂瞳近年忙到癲，莫講話男友，連屋企人都甚少見面，拍拖絕對係奢侈品。但據可靠消息透露，近日樂瞳終於不再 dry爆，成功引到二打六、專做強姦犯的 36歲李天翔，二人更已撻著個多月，之不過原本李天翔已有一談婚論嫁的女友 BoBo，樂瞳變「小三」。
「去年中樂瞳拍《情越海岸線》 嗰時已經成日黐住李天翔，貪佢成個大哥哥咁，又識照顧佢。後尾兩個又一齊拍《初五啟市錄》，日對夜對仲做埋情侶，劇入面講樂瞳勁迷天翔，點知真係假戲真做，有時樂瞳又會整 啲 嘢食返 嚟，話就話大家一齊食，實情係整畀邊個食，心照啦！」
「我 哋開花結果」
二人行埋個多月，據知李天翔都曾經有掙紮過。知情者續說：「李天翔本身有個圈外女朋友，都拍 咗 3年拖，之前都有講過話想今年娶佢，可能耐 咗啦，而且樂瞳又識扮傻妹氹人……所以近排都冇乜再聽起李天翔講結婚啲嘢喇！」
劇接劇
樂瞳由 07年加入無綫拍劇，初時只係飾演大茄，不過 10年參與《施公奇案Ⅱ》後初獲好評，無綫便斟樂瞳改簽親生女，而樂瞳 10年出完最後一張唱片《乾物女皇》後便正式簽約無綫，並獲得《點解阿 Sir係阿 Sir》中的第三女主角角色，其後她拍劇多過唱歌。即將播畢的《幸福摩天輪》、下月播的《初五啟市錄》、《情越海岸線》和仍在拍攝的《師父明白了》，樂瞳都飾演第三女主角，今年「飛躍女藝員」好大機會喎！
李天翔專做強姦犯
36歲李天翔 95年加入無 綫訓練班，先後主持過《閃電傳真機》等兒童節目，當中以「認字特警」最令小朋友印象深刻。其後開始拍電視劇，直到 08年的《古靈精探》開始引人注目，特別在同年的《金石良緣》和《銀樓金粉》中強姦朱慧敏、胡定欣， 10年的《蒲松齡》中強姦李思欣而令觀眾更加印象深刻，有網民笑說：「成個電視城 啲女藝員俾佢姦曬！」但去年起演出機會急降，變番二打六。
本週一（ 7日）本刊向樂瞳求證時，樂瞳甜笑否認：「其實我同天翔只係普通同事 㗎咋，而且個個都知我住得遠，唔會叫佢送我返屋企啦！不過佢真係好照顧我，我講 喺劇入面咋！（你 哋拍緊拖？）《初五》入面就係，最後仲開花結果添，哈哈！（佢有女友喎？）好似有聽聞過囉，都唔係好清楚。」
而份屬樂瞳好友、跟樂瞳合作拍過《點解阿 Sir係阿 Sir》的朱敏瀚就表示：「如果佢真係拍拖，咁梗係祝福佢啦！」至於「大姦佬」李天翔至截稿前都未有回應。
𡃁仔轉溝嫩佘
𡃁實，樂瞳跟李天翔正式拍拖前， 20歲𡃁仔朱敏瀚亦對樂大姐起痰，經常約她行街食飯，可惜樂瞳一直冇表示，當他觀音兵，早前朱敏瀚亦 feel到樂瞳對自己冇意思，惟有死心。
上週六（ 5日），本刊便發現朱敏瀚與《天與地》嫩版阿佘蔣家旻（ Angel）出現在荃灣荃新天地，二人先食糖水醫肚，之後便黐到實行街，朱敏瀚陪 Angel睇 喼， Angel又陪朱敏瀚去書局，其間二人雞啄唔斷， Angel更不經意捉實朱的手臂，似十足熱戀中的小情人。週一（ 7日）朱卻向本刊否認正與蔣家旻拍拖：「我 哋好 friend，所以約埋一齊行街 啫，唔係拍拖，𠵱家做 嘢為重 㗎！」呢班小花小草，睇嚟當咗電視城係拍拖樂園喎！
𡃁仔搭上嫩佘
七國咁亂
藝員明星鍾意扮單身冇拍拖，查實私下個個都勁熱情，唔單只容易同拍檔一撻即著，更分分鐘一腳踏幾船，所以話絕大部分緋聞都係真，信不信由你！
.[FACE]唔吼𡃁仔 揀大姦佬 姣小三樂瞳搶人未婚夫
http://veryy8.blogspot.com/2013/01/face_4810.html.[FACE]唔吼𡃁仔 揀大姦佬 姣小三樂瞳搶人未婚夫
http://veryy8.blogspot.com/2013/01/face_4810.html
