2013年1月9日 星期三

[FACE]靠賭王起家  G.E.M.經理人寸得起 謙虛就唔好做歌手啦

9年前,父母做生意的張丹 25歲已經搞賭置富,為圓音樂夢貼錢開唱片公司:「喺澳洲讀完大學我去咗美國學音樂,最大收穫係學識美國人如何將夢想執行成為現實。」


搜尋氣

靠賭王起家  G.E.M.經理人寸得起 謙虛就唔好做歌手啦

2013年01月09日

21歲女歌手鄧紫棋( G.E.M.)公開鬧爆商台講一套做一套,估唔到她經理人張丹更勇!手下得間蚊型唱片公司同一個歌手咁大把,講到明《叱吒》唔夠獎分係因為環球同商台關係密切,夠薑抗衡全港樂壇潛規則。

寸得起,皆因有本錢又有 heart!今年 34歲嘅張丹, 25歲時已經靠賭場老虎機月搵一億,貼錢做唱片全為理想:「中國人社會,無論政治定經濟,都弄虛作假靠關係,如果連音樂都要關係先可以流行,我 哋仲剩番 啲乜?」


放大圖片

G.E.M. 15歲便簽畀張丹,當年小巨肺如今夠膽鬧商台, G.E.M.因此被藍奕邦 uncle抨擊唔夠謙虛,張丹話:「謙虛就唔好做歌手啦!表演者係應該有態度有自信!」

我父母 喺文革期間 嚟香港,袋住百幾蚊,轉 咗廿幾份工,慢慢投資置富。出世時我屋企住上水新田嘅石屋,跟住由石屋搬板間房、廉租屋、再搬入美孚新村、細單位再轉大單位,到我中學,屋企搬 咗去西半山。

我同哥哥 喺澳洲讀大學,見到人 哋 啲老虎機又靚又新,葡京就得走廊 嗰幾部,汙煙瘴氣又欠服務,因為我父母做生意(投資及地產)識何生(何鴻燊),於是同何生傾,引入新老虎機入澳門,佢支持我 哋、又肯投資一半,條件係,要帶埋何猷龍入澳門。我 哋由 80部老虎機做到 600幾部,每晚收入 300萬,一個月加埋已經近億,兩年後,賣曬股份畀何生,賺到嘅錢,已經夠過世, 嗰年,我 25歲。

25歲手頭上有咁大嚿錢,興奮嘅唔係數字。當你知道自己可以令夢想成真,仲點會擔心賺唔到錢?攞住嚿錢,哥哥選擇留 喺澳門做地產,我就返香港搞唱片公司。

十幾廿年來,台灣、內地人入曬腦,覺得 喺香港,流行嘅 嘢就一定唔好,地下反而搵到好 嘢。點解 啫?我帶 G.E.M.打入內地市場,一聽係香港歌手已經皺曬眉,講多句佢 喺香港受歡迎,再扣多幾分,為乜呢?啲人話 G.E.M.唔謙虛,謙虛就唔好做歌手啦!表演者係應該有態度有自信!我 哋出聲,唔係為 咗錢,係想香港人都可以聽到好音樂,係唔想只得純商業、靠關係嘅 嘢至可以流行。

以前樂壇興旺,做音樂賺幾百萬,就話為利益搞關係 啫,𠵱家做音樂已經冇肉食,點解只係仲睇緊眼前利益呢?

放大圖片

揸跑車、住豪宅,又在澳門擁有 5千呎別墅,張丹話搞唱片為理想唔為錢。圖片

放大圖片

成立唱片公司頭炮發掘澳門組合 Soler, 06年關係破裂, Soler被判賠償張丹 508萬,無力償還宣布破產。



.[FACE]靠賭王起家  G.E.M.經理人寸得起 謙虛就唔好做歌手啦
http://veryy8.blogspot.com/2013/01/face-gem_9.html
.[FACE]靠賭王起家  G.E.M.經理人寸得起 謙虛就唔好做歌手啦
http://veryy8.blogspot.com/2013/01/face-gem_9.html