2013年1月18日 星期五

[忽然1周]《決戰》收視下滑 李克勤馬鞍山學校做騷救亡

愁爆回應 <br><br>被問到搞校園版穀收視,克勤周二( 15日)直認其事。他表示:「上海站係冇其他站咁理想,呢個係事實。」


娛聞樂

《決戰》收視下滑 李克勤馬鞍山學校做騷救亡

2013年01月18日

TVB契仔李克勤,近年受四大唱片公司合約影響,錢途大大削減,唱片聲勢亦不復當年勇,年尾頒獎禮捧蛋而回,連豬肉獎都分唔到。早前雖然有殼王(陳國強)照,克勤借《決戰一分鐘》破冰重現 TVB,節目收視高開 30點(約 195萬觀眾),可惜後勁不繼,收視逐步回落至 23點(約 150萬觀眾)。

禍不單行!上周六( 12日)克勤在大陸巡迴──上海個唱,入座率僅得三成,主辦商蝕到入肉。形勢嚴峻,克勤惟有諗噱頭自救,為穀人氣本周四( 17日)克勤會親到中學為《決戰》做騷宣傳。

放大圖片

《決戰一分鐘》最初請來梁嘉婉等校花參賽,被網民指節目靠校花玩騎呢穀收視,可惜收視依然每況愈下。

放大圖片

去年李克勤以三百萬薪酬,為 now出任歐洲國家盃主持,做咗足足一個月,算是去年大 project。

入行 26年的李克勤,兩年前在香港舉行「港樂」個唱贏盡口碑及票房,可惜上周六( 12日)首次在上海奔馳文化中心舉行的首站巡迴騷──「李克勤演奏廳演唱會」,入座率卻只有三成。

這個場之前張學友、 Lady GaGa及 Elton John等國際巨星都開過騷。今次克勤個唱由六個主辦單位合辦,當局一次過簽咗克勤 6場,每場投資三百萬人仔。 2010年克勤與阿倫在內地舉行的「左麟右李」巡迴演唱會叫好叫座,所以今次主辦當局最初對克勤都好有信心,至搵呢個坐兩萬人嘅場搞騷。可惜,上海呢站銷情慘淡,主辦商蝕到入肉。

「呢個場淨係場租都要 80萬人仔,今次得 嗰 6千個入座率。場面咁冷清,工作人員都唔敢同克勤講,克勤出場睇見 啲吉位都 O曬嘴。克勤收 100萬歌酬雖然袋袋平安,但主辦當局點計都要蝕幾十萬,之後仲有兩場未唱,現在主辦商都頭痕緊!」知情者說。

大陸巡迴觸礁,本來打算強攻大陸市場的克勤,惟有將焦點放番香港市場。去年在殼王陳國強好友曾志偉拉線之下,克勤終於再返 TVB主持《決戰一分鐘》,起碼叫做有番曝光率。《決》首播時有成 30點收視,可惜近日回落至 23點。克勤見個勢愈來愈弱,主動要求 TVB搞多啲宣傳穀收視。

上海直擊 開場廿分鐘 3成入座

上海個唱門券售價由 380至 880蚊人仔,開場廿分鐘,場內仍有 7成吉位。而當晚克勤唱至末段,位於五樓的觀眾席更因臨時電纜故障引起小型火警,克勤都算禍不單行。

放大圖片

全個騷樂隊最貴,音樂總監趙曾熹收 30萬,但冇管弦樂,現場亦唔見星級樂手。

放大圖片

當晚的 dancers剛剛一打,但快歌不多,克勤的舞技大家心照。

拒提早做「明星版」

放大圖片

上海個唱樂隊卡士麻麻,相比過往克勤連錄音都要著名 live band,仲要 book間學校嘅 hall嚟錄音,今次似乎求其咗。

「 TVB提議做商場版及明星版,但克勤唔想咁快邀請藝人上節目,怕被人搶風頭,話節目臨完結前至做明星版。至於搞商場騷,因 TVB會向商場收贊助費,但 TVB同四大仲有金錢爭拗,克勤為免所屬環球唱片公司尷尬,決定只做校園騷,搵 咗好耐至有學校肯做。」

在 TVB高層出動人情牌之下,決定於周四( 17日)在馬鞍山屬 band one的德信中學舉行校園騷。預計當日下午待學生下課後,克勤便與他們一起試玩《決戰一分鐘》的遊戲,讓傳媒報道以穀宣傳。

周二( 15日)問到克勤搞校園版是否想穀收視,他說:「我會盡量參與。(點解搞校園版,唔搞明星版?)我唔知,你問番監製。(上海個唱得三成入座率?)冇咁誇張。(我哋有相為證喎。)上海站係冇其他站咁理想,呢個係事實。巡迴做咁多站,總有啲好,有啲唔好。上海我諗有六、七成入座率。(有冇擔心影響埋其他內地個唱?)冇得驚!」而其經理人公司藝能製作總經理 Ronny則說:「克勤共簽 6場大陸個唱,上海第四站,之前廣州、昆明、南寧三場有十成入座率,而上海嗰場係差啲,因為個唱中途火警,令一些觀眾離開引致。」但其實火警是差不多完場才發生的。

至於校園騷方面,本刊致電校方,發言人許先生表示:「校方都係想俾同學多啲認識新事物。(邊個聯絡你哋?)你問番 TVB啦!」

跨界保人氣

受唱片合約影響,李克勤 2012年仍然未能在 TVB唱歌,故他轉戰其他頻道,商台及 now便是他的落腳點。今年他計劃搞餐廳,多元化發展。雖然大陸個唱失利,但依然錢途無限。

唱片

廣東碟《在森林和原野》●分紅每張$15 $24萬

國語碟《似曾相識》●分紅每張$12 $72萬

放大圖片

《叱吒 903李克勤在森林和原野笑笑音樂會》

音樂會

澳門演唱會  80萬

廣州演唱會  100萬

《叱吒 903李克勤在森林和原野笑笑音樂會》  30萬

《芒果群星芒 come音樂會》  30萬

生意

「左麟右李粥麵小炒專門店茶餐廳」(未回本)

主持

TVB主持奧運  40萬

now主持歐洲國家盃  300萬

登台

30次/40萬  1,200萬

總數: 1,876萬



.[忽然1周]《決戰》收視下滑 李克勤馬鞍山學校做騷救亡
http://veryy8.blogspot.com/2013/01/1-1_3143.html
.[忽然1周]《決戰》收視下滑 李克勤馬鞍山學校做騷救亡
http://veryy8.blogspot.com/2013/01/1-1_3143.html