2012年10月6日 星期六

李雪瑩外闖Love HK

李雪瑩談吐得體,除了綜合節目,亦參與劇集演出,形象更加「入屋」。


李雪瑩外闖Love HK

選港姐進身娛樂圈的李雪瑩,因一句「我愛香港」毅然獨自來港發展,可見她並非一般溫室小花。原來她自小已被父母訓練有素,練成獨立性格,隨時隨地拎起個篋,便可隻身走天涯!

不知從何時起,「選美後拍劇」已變成自然定律,除了美貌與智慧,演技同樣講究。今年正值公仔箱的女新人輩出,華姐冠軍「香香公主」岑麗香近日更是極速上位,而早前與另一選美女神苟芸慧合演劇集《怒火街頭2》、飾演律師的李雪瑩(Crystal),同樣開始備受注意。

最上鏡「怕醜妹」

Crystal於2010年參選港姐,最終挾「最上鏡小姐」之名闖娛圈,但自認「怕醜妹」的她自言當初沒打算參賽,只是「天時地利人和」的驅使:「讀完大學就喺律師樓做嘢,記得嗰陣喺3月底辭職,當時嘅港姐海外招募截止就喺四月頭,所以嗰一個禮拜個心變得十五十六!」雖然Crystal深知機會難求,但笑言若當日沒有別人推動,至今她可能仍是甘於淡泊的上班族:「其實有個Auntie每年都叫我選美,但我次次都用唔同藉口去推,後來媽咪都鼓勵我參加,當係攞經驗,唔好在乎輸贏,同埋可以免費旅行,所以最後都參加咗!」

即使緣盡三甲,Crystal亦把握機會踏足娛樂圈,原因只為「I love Hong Kong」,她說:「以前暑假同新年都會返嚟香港探親,我不嬲都好鍾意香港,加上鍾意城市多過靜嘅生活,所以香港真係幾適合我!」決定入行後,Crystal心口掛一個「勇」字、孑然一身來港生活,如此果斷,因她自小已養成「向外闖」的心態:「由細到大都比較獨立,讀大學其中一年係喺羅馬留學,當時真係一個人拖住個篋就過去!細個時父母做生意,都唔係好多時間陪我,有時放暑假,媽咪就會問:『不如Send你去美國阿姨度玩?』跟住佢就極速買一張機票送我同妹妹過去!」

亮相節目父母捧場

雖然Crystal恍似經常被家人「外放」,事實上她與家人關係甚佳,即使父母不在身邊,亦能感到他們對自己的支持:「由細到大,屋企人都畀好大嘅自由空間我做想做嘅事。讀大學時主修外語,嗰邊好少中國嘅小朋友會讀呢科,通常會揀讀醫、法律、會計或者理科,但係爸爸媽媽對於我揀科完全冇反對,佢哋會覺得你係鍾意呢樣嘢,就畀心機去讀好佢。正如入行一樣,佢哋無限量支持我,仲緊張到有任何我出鏡的節目,都會諗辦法追去睇。」

英國土生土長

早前播出《怒火街頭2》時,劇中演員金剛、岑麗香、賈曉晨及苟芸慧都被指廣東話發音不準,反而在英國土生土長的Crystal卻有幸未受「批評」,但卻因此惹來誤會:「好多同事都會問:『你幾大個過去英國讀書?』通常佢哋會以為我係大學先過去,不過當我同佢哋講我喺英國出世、成長,佢哋都會覺得好驚訝!」問到有何語言升級秘方?她笑說:「我同父母用中文溝通,6歲到18歲喺英國都有讀中文學校,所以寫同睇中文大致都冇問題,加上我對語言都有少少天分,喺大學係主修外語,細個好有興趣學中文,父母都成日訂中文報紙同雜誌,一睇到唔識嘅字我就會Mark低,就係咁累積咗識好多生字!」

後記:難得一粒「鄉音」

Crystal拍劇冇「鄉音」,在港發展語言零障礙,但卻因一次不小心「講歪音」而笑爆全場:「選完港姐去新加坡做一個親善訪問,同行嘅有王浩信、蕭正楠同幾位得獎港姐,有一次食飯唔知點解唔小心將芋條個『條』字講咗普通話音,佢哋成班就笑我有鄉音,笑足成個Trip!」



李雪瑩談吐得體,除了綜合節目,亦參與劇集演出,形象更加「入屋」。

就因為沒有「鄉音」,李雪瑩不時被「懷疑」,令她啼笑皆非。

就因為沒有「鄉音」,李雪瑩不時被「懷疑」,令她啼笑皆非。

李雪瑩(左起)、苟芸慧與岑麗香同為選美出身。

李雪瑩(左起)、苟芸慧與岑麗香同為選美出身。

動靜皆宜的李雪瑩,滑浪又怎難倒她

動靜皆宜的李雪瑩,滑浪又怎難倒她?

獲安排參與明珠台節目的李雪瑩,與其他主持人交流心得。

獲安排參與明珠台節目的李雪瑩,與其他主持人交流心得。

2010年李雪瑩(右一)選港姐失落三甲,但「最上鏡」殊榮絕對抵佢攞。

2010年李雪瑩(右一)選港姐失落三甲,但「最上鏡」殊榮絕對抵佢攞。

選美時李雪瑩於才藝表演環節玩體操,凸顯身體柔軟度。

選美時李雪瑩於才藝表演環節玩體操,凸顯身體柔軟度。

一劇上位

適逢電視界挖角潮,無綫急於發掘新一輩小生花旦接班,其中不少港姐華姐因此極速上位,於「處女劇」登場已掀話題,前途無限。

巴不得香香

2010華姐冠軍岑麗香,首次拍劇《巴不得媽媽》,即挾「香香公主」之名被網友捧為新一代女神,人氣直逼「氣質咪神」苟芸慧。

On Call張慧雯

前華姐季軍張慧雯於處女劇《On Call 36小時》一躍擔當第三女主角飾演醫生,與無綫小生羅仲謙有感情線,角色討好。

名媛朱晨麗

上屆港姐冠軍朱晨麗參選不足半年,即有機會拍戲拍劇,處女劇《名媛望族》與劉松仁等好戲之人合作,更安排作今年台慶劇推出。

岑麗香

岑麗香

張慧雯

張慧雯

朱晨麗

朱晨麗



.李雪瑩外闖Love HK
http://dayday818e.blogspot.com/2012/10/love-hk.html