2012年10月6日 星期六

[壹週刊]何超蓮絕種好豹

自言冇整容卻被記者笑她整高個鼻及打針瘦面,她大呼寃枉:「我個鼻係遺傳喎,你哋日日見我,邊有時間整容,反而有人整完容似我囉,似我有乜好,嘥錢。」


現場直擊

何超蓮絕種好豹

2012年10月04日

一向謝絕訪問的賭王至索千金、三房細女何超蓮,為了瀕臨絕種的動物,竟然先斬後奏瞞住阿媽,支持化妝師好友 Annie G.和 Charmonde總裁胡敏珊,與其他五位名人,由攝影師 Sunny Lau操刀,為「無盡慈懷慈善協會」的慈善相片展籌款扮美洲豹;剛從北京落機回家抖抖,就趕來 studio拍照的超蓮啜住麥精話:「我真心想做義工,不過我喺香港做就會有成隊 crew跟住,又有好啲待遇,我唔係要呢啲!」

放大圖片

變身前

農曆新年後她會到英國名牌會計師樓上班,「我靠自己面試考入去。」

企街賣旗

放大圖片

超蓮在鏡頭前略嫌緊張,影到中途要做肩膊運動,放鬆肌肉。

上週三晚九時,無助手零化妝,孭住背囊儼如學生妹的何超蓮,一到影樓,即跟為她化妝近五年的 Annie G研究自己的豹妝, Annie說:「妹知道為慈善就一口答應,妹反應好快,好適合扮豹。」超蓮聽罷打趣說:「即係話我百厭啦,咁我又真係恃住小聰明搵捷徑,將歪理變真理。」她會走精面,明知三太不准做的事情,都預先向賭王拿免死金牌,「他是 yes man,一定得,不過呢次慈善兩個都不知情,得啦,阿媽只係話我患感冒仲出街,無事啦。」

廿一歲的超蓮,自小受三太嚴厲管教,甚少跟同學出街,試過學校要學生上街賣旗,三太都怕雜阻止,「佢換咗好多銀仔入滿旗袋,等我唔使去賣旗,其實失去意義。後來我求咗好耐,佢知道係喺中環賣旗才批准,阿爸先俾一千打底,住中環的阿姨又到場支持五百元,幾小時籌滿三個旗袋。」

活在象牙塔內,忽然可以走入人群,既新鮮又興奮,「企到攰就搵地方坐,仲要大聲叫先有人應我,我唔怕醜,仲好有成功感。」初中時的超蓮已有不少路人認出,以為有名氣會事半功倍,誰知她說:「有師奶寸我:『何小姐都要賣旗?自己出錢就得啦,使乜出來企。』我都只能笑笑口。」

三太是東華副主席,跟她一起做義工,肯定無口臭友吧?「都係探老人家、派禮物後就走,即係無成效,其實係我陪佢(三太)囉。」千金小姐自言捱得,是實幹型,無奈狗仔隊全天候跟到實,令做義工淪為真人騷,所以她想衝出香港,例如到四川或日本幫手做地震救災工作,「每次阿媽總會 ban,話我捱唔住病倒更麻煩,但我又唔想參加 Unicef,因為似做騷,要我在鏡頭前喊俾大家睇,我估我喊唔出。」所以她只做小型慈善機構,試過帶五歲以下的孤兒去她都未去過的尖東科學館,「一人帶兩個梗係無問題,去乜嘢館?我唔記得邊區,總之有科學展覽。」

放大圖片

Annie本來託超蓮在倫敦買噴槍的配件,她索性買支新的送她,仲即場用來噴豹眼妝。

放大圖片

Annie將鏡面飾物黐上頭髮扮豹紋,超蓮便面有難色,「會唔會黐甩我啲頭髮㗎?」

軍訓

辣椒仔一名,喜歡跟三太鬥氣,恃住小聰明不讀書,更刻意考試捧蛋,難怪當年三太說過教仔女十分激氣,「我就係要你知我唔要俾人逼,但阿爸知道後話送我返深圳俾共產黨教,接受軍訓,他即場打電話俾國內一位校長, oh my god!你知佢真有能力講得出做得到,我即時怯一怯。」

童年在澳洲長大的超蓮,在嘉諾撒聖心讀中學時始被傳媒關注,「初時俾記者影的感覺好得意,依家就覺得影響我識朋友。」因為名氣大,三太便安排司機、保鑣及保母陪返學,到中四時她跟母親約法三章,不去品流複雜的地區才沒保鑣跟身。後來轉到英國升學,超蓮才能過平民式生活,「去英國後自己揸車、買餸,只租學校附近嘅屋住,阿媽想派保鑣,但我唔想讀書讀到好似出巡,大家都係學生,我唔想有 privilege。」

放大圖片

晚餐只吃了粥水的超蓮,跟大圍一起吃外賣肉臊飯,怕食唔曬浪費食物,於是同 Annie一人一半。

放大圖片

超蓮影低造型照傳給朋友分享。

放大圖片

大會要她拍宣傳短片,她 NG了五、六次才成功。

自言冇整容卻被記者笑她整高個鼻及打針瘦面,她大呼寃枉:「我個鼻係遺傳喎,你哋日日見我,邊有時間整容,反而有人整完容似我囉,似我有乜好,嘥錢。」

戴妮廷赤裸老虎

放大圖片

戴妮廷全裸上陣扮白老虎,「我同老虎一樣會 take time計劃,點樣可以得到想要嘅嘢。」

人人影大頭相,唯獨扮白老虎的攝影師戴妮廷( Eydie)最搏,將身體扭成脆麻花遮住三點,營造赤裸疑雲。雖則她不介意性感,但今勻要剝淨肉色內衣褲,故她在拍攝時要求清場。

一向寓工作於娛樂的她,這晚卻是有苦自己知,事關她最近因工弄傷腰部,要箍腰封定位,但聽到自己被人讚靚,在鏡頭前要扮嚴肅都忍不住大笑搭訕:「我性格可能似老虎咁熱情,不過我是隻不吃肉的老虎,你知我每餐要食好多蔬菜。」

Eydie永遠相機不離手極愛自拍,她連做善事都是與攝影有關。幾個月前她跟契妹、 KEE Club太子女龍殿兒( Mara)一起到印尼峇里島旅遊,順便為當地的婦女組織拍一輯女人生仔過程, Mara負責訪問,面對血淋淋的嬰兒,她直言影到想嘔,「事前我講明不影過程,最後變成一日影幾個女人生仔; Mara知我不想影就請纓,我哋係用菲林機,影得不好係嘥時間,不如自己頂硬上。」

好多女人見到小朋友都會母性大發,三十八歲仍是單身的 Eydie卻享受獨處時間,「每日工作到八、九點,用個半鐘喺浴室保養身體,然後上 facebook同朋友 chitchat到淩晨三點,三個月來連睇 DVD都無時間,邊有時間拍拖?我不會成世人都單身,感情事隨緣啦。」

放大圖片

變身前

上妝前, Eydie先用童顏機通淋巴瘦面, Annie就向她介紹白老虎的妝容。

放大圖片

她將身和腳扭成一團,讓 Annie在她身上度位,黐上膠粒(右圖)扮虎紋。

放大圖片

她無時無刻在自拍,角度準繩,她自豪解釋:「當你一日自拍過百張相,你都可以。」

胡敏珊閃令銀龍

放大圖片

她的頸和心口塗滿油,營造龍吐珠身上的閃令感覺。

今次慈善活動的主要搞手胡敏珊( Christie),裸肩搽油扮風水魚銀龍(龍吐珠),「個個都想揀啲靚嘅動物扮,咁咪由我扮條龍吐珠。其實龍吐珠適應能力好低,人唔應該為咗風水養佢哋,等佢哋可以喺大自然環境繁殖;風水有好多嘢可以擺,如果買條龍吐珠死咗,即係殺生,咁仲衰啦!」

雖然今次主要是想喚起人留意瀕臨絕種動物,但 Christie說其實所有生命都要尊重,「依家啲人有太多嘢食,所以食嘢可以人道啲,因為佢哋都係生命,冇必要令佢哋受無謂嘅痛苦;有次我喺大陸嘅食肆見到張枱中間有個窿,原來係用嚟食猴子腦,真係好唔人道,我淨係聽到都受唔住。」

放大圖片

Annie細心幫她將珠片逐步黐上眼蓋。

放大圖片

Christie將頭髮吹高,模仿龍吐珠的長長魚身。

自言冇整容卻被記者笑她整高個鼻及打針瘦面,她大呼寃枉:「我個鼻係遺傳喎,你哋日日見我,邊有時間整容,反而有人整完容似我囉,似我有乜好,嘥錢。」

價高者得

○九年成立的「無盡慈懷慈善協會」,宣揚以仁道宰殺牲畜,是次活動「 Compassion Say It Loud」主要喚醒關注瀕臨絕種動物,由胡敏珊和其他六位名人明星化妝成七種瀕臨絕種動物,以慈善相展形式,在十月一日至七日在銅鑼灣世貿中心展覽,有心人可到場填表作 silent auction競投,結果將於十月七日公布。

放大圖片

劉心悠

孔雀

放大圖片

吳千語

珊瑚魚

放大圖片

汪圓圓

藏羚羊

放大圖片

甘國亮

白頭鷹



.[壹週刊]何超蓮絕種好豹
http://hk8news-e.blogspot.com/2012/10/blog-post_3275.html