2012年10月2日 星期二

[FACE]影帝少戲 不忿做串星 城城爆劉華爭輸出口術

為咗突出警務處副處長嘅成熟穩重, 46歲城城特登染白兩邊頭髮,城城變城叔。


真面目

影帝少戲 不忿做串星 城城爆劉華爭輸出口術

2012年10月03日

分別憑 05年《三岔口》及 06年《父子》連 冧兩年金馬影帝的郭富城,之後幾年全部食白果,好在城城勝在產量多,單計今年已有《浮城》同《寒戰》,有機再爭影帝。

由城城同梁家輝 孭飛的《寒戰》,被喻為繼《無間道》後另一部重量級警匪片,加上兩個影帝的戲分由頭帶到尾,分分鐘口碑票房雙贏。咁大支好籤,原來連劉華亦虎視眈眈,話要出埋錢投資做主角,可惜最終爭輸焗做串星,惟有對外宣稱要陪朱麗倩待產度唔到期,點知轉頭俾城城踢爆講大話,劉華呢鋪輸曬喎!

10月 18日上畫的《寒戰》,雖然由新晉導演陸劍青及梁樂民合導,但卡士強勁,而且劇本籌備足足 5年,校 啱中秋檔冇乜大片,絕對有機爆出。

放大圖片

得 2場戲

客串做保安局局長嘅劉華,只有兩場戲,城城話希望續集可以有更多對手戲。

放大圖片

齊玩踢爆

爭贏劉華,城城同梁家輝喺內地宣傳時風騷到暈,仲話如果票房收得,會一齊去整容慶功。

搭真橋槍戰

飾演警務處副處長的郭富城同梁家輝,一個冷靜一個激進,查案手法完全相反,撞正有悍匪公然綁架衝鋒車同車內 5名警員,包括梁家輝獨子彭於晏。兩個主角又要破案又要爭做警隊一哥,後來齊齊被廉署調查,戲分極重兼有發揮。

除了同梁家輝鬥戲,城城更有一場重頭天橋槍戰戲,要單人匹馬同蒙面賊駁火,為求逼真,劇組不惜工本,在舊停機坪搭建了部分大角咀天橋,再去實景補拍,以假亂真。

拍足 21 take

放大圖片

郭富城同梁家輝喺戲中分屬兩派,做新聞官嘅楊采妮企喺城城嗰邊,幫手抗衡梁。呢幕分半鐘嘅鬧交戲要一 take過完成,卒之拍咗 21 take先收貨,城城話鬧到出真火,再拍落去分分鐘打交收場。

放大圖片

城城全套戲都官仔骨骨,唯一得呢場著避彈衣戲可以騷嚇對麒麟臂!

放大圖片

呢場講城城同班悍匪喺大角咀天橋駁火,在戲中講多過打嘅城城嚟講,算係比較體力化,難怪佢拍完呢幕都興奮到大叫。

兩大界男神

放大圖片

彭於晏飾演梁家輝獨子,雖然戲分唔多,但角色相當關鍵。

放大圖片

李治廷做 ICAC新星,負責調查警隊內部嘅貪汙問題,同郭富城梁家輝有多場對手戲。

為咗突出警務處副處長嘅成熟穩重, 46歲城城特登染白兩邊頭髮,城城變城叔。

擺老婆上枱

放大圖片

朱麗倩上年成功佗女,劉華即時宣布停工陪老婆。

據知恨攞獎的劉德華一早睇中兩個超搶角色,但礙於導演屬意城城同梁家輝擔正,被迫客串做保安局局長、得幾分鐘戲分的劉華,惟有擺老婆朱麗倩上 枱,畀個靚位自己落台。「第一次睇劇本就好鍾意,但咁 啱家有喜事,實在抽唔到時間,只可以友情演出!」

搵曬位落台,點知城城同梁家輝夾埋玩踢爆,向內地傳媒揭劉華曾經使橫手搶戲分,可惜最終失敗。「劉德華後來還專程找過老闆,想要入股追加投資,以此換取主演地位,可惜最後沒成功!但他依然不死心,最後就給了他一個客串的角色!」劉華當年瞞婚已被封為「大話天王」,城城今次再踩多腳,唔夠兄弟喎!

拉頭馬贏 28萬

近年唔少明星鍾意養馬,曾志偉、任達華和苗僑偉等都係馬主,貴為天王同多年馬迷的郭富城亦唔例外,等足多年終於有得拉頭馬。城城的 4歲澳洲愛駒「愛的呼喚」上週日跑第一(下圖),為佢帶來 39萬 9千獎金,分到 7成(約 28萬)的城城話已經回本,下次再贏就有錢賺!有得威又有錢贏,估唔到城城揀馬同揀女友一樣好眼光!



.[FACE]影帝少戲 不忿做串星 城城爆劉華爭輸出口術
http://hk8news-d.blogspot.com/2012/10/face_9369.html