2012年10月2日 星期二

[FACE]橋唔怕舊  TVB抄志雲橋當新料

除 黃秋生、梁朝偉同劉華等巨星已接受訪問,芷珊話仲約緊甄子丹及任達華,希望趕及在節目播完前做到訪問。


真面目

橋唔怕舊  TVB抄志雲橋當新料

2012年10月03日

自從「殼王」陳國強愛將餘詠珊空降 TVB,成為非戲劇製作總監後,經常被網友恥笑抄得就抄的無綫,短短半年即連推三大騷,包括《翡翠歌星紅白鬥》、《玩轉三周 1/2》及港姐普選,可惜錯漏百出,鑊鑊爆。

新搞作鋪鋪輸,惟有食老本。將於下週一( 8日)播出、由做開娛樂新聞「撲咪妹」的黎芷珊,擔正主持訪談節目《最佳男主角》,邀請到梁朝偉、劉德華等巨星做嘉賓,由於卡士超強,無綫專登安排每星期播足 5集,為台慶造勢。不過據知該節目原來由已離職的陳志雲原創,並非餘詠珊所度。邊個先係橋王,好明顯啦!

今年 2月離職無綫、轉去商台做 CEO的陳志雲,最擅長搞噱頭造 noise,由當年《向世界出發》、《志雲飯局》,到後期的《盛女愛作戰》,都係出自陳總手筆。

放大圖片

‘ 12新版

黎芷珊同劉華私底下非常老友,多次為對方的訪問環節做嘉賓,今次更會為《最佳男主角》打頭陣。

放大圖片

‘ 10舊版

劉華曾上芷珊的娛樂新聞台節目《 Star Talk》,當時劉華大方喺節目講瞞婚事件。

志雲推薦

橋唔怕舊,原本陳總離開 TVB前,曾計劃另一個類似《志雲飯局》的訪談節目,但唔再由自己做主持,反而派李浩林同黎芷珊分頭出擊。「 Stephen覺得 Derek同芷珊喺訪問呢方面都好有經驗,於是叫佢兩個各自搵 啲相熟 嘅星做專訪, Derek負責女星、芷珊就搵男星,但最後得芷珊約到,預備開拍嗰陣,志雲就冇撈喇!」知情人士透露。

節目拍唔成冇問題,弊在無綫突然將已同無綫脫離關係的陳總舊橋重新上市,變成即將出街的《最佳男主角》。

放大圖片

黎芷珊(左一)曾訪問過陳總,據知陳總非常欣賞黎的工作表現。《忽然 1周》圖片

放大圖片

女主角撻 Q

精通兩文三語的李浩林,有豐富訪問經驗,可惜約唔到女星做節目嘉賓,搞到只得《最佳男主角》出街。圖片

放大圖片

與陳慧嫻、陳樂敏同期出道,以「少女雜誌」名義出過碟嘅黎芷珊,同主持《 430穿梭機》出身的周星馳識於微時。

放大圖片

芷珊曾與鄭伊健拍拖,兩人再見亦是朋友,今次芷珊搞新節目,伊健都一口應承做嘉賓。

唔怕比較

心血結晶被指抄橋,黎芷珊週一接受電話訪問時,強調節目由自己原創。「我本身想做 talk騷好耐,加上喺呢行做 咗咁多年,同唔少 artist熟,唔想 嘥 咗 啲人脈關係,咪膽粗粗向樂小姐提議囉!(節目係陳志雲構思?)其實個節目係上年 10月 plan,當時陳生都知道呢個計劃,仲好支持添!( 啲訪問係以前做落?)因為劉德華個訪問喺 4月已經做 咗,其他嗰 啲就係呢幾個月做,冇辦法,個個都好難度期,基本上佢哋一話得閒,我就仆出去做!(怕唔怕觀眾將你同陳總比較?)唔怕,完全兩回事,個個主持都有自己風格,冇得比較!」

變臉大師

由殼王親自欽點入 TVB頂替何麗全的餘詠珊,早年已同陳志雲拍住上, 08年講窮人生活的記錄片《一百萬人的故事》在台慶獲獎,餘更在台上公開多謝陳總。但據知自從陳總因被廉署調查而停職後,餘便唔再埋陳總堆,「嗰陣《盛女愛作戰》好 hit,餘詠珊落曬 order叫人唔好再提條橋係陳志雲度出 嚟,擺明唔想人覺得陳生叻過佢!」

放大圖片

餘詠珊(右)一度離開 TVB,轉到台灣壹電視做開荒牛,其間陳志雲(左)多次力邀餘回巢,最終餘在今年 1月回 TVB。

放大圖片

五個盛女由陳志雲一手捧出嚟,餘詠珊唔想提,陳總就安排佢哋去商台做訪問,照顧到足!

除 黃秋生、梁朝偉同劉華等巨星已接受訪問,芷珊話仲約緊甄子丹及任達華,希望趕及在節目播完前做到訪問。

同行隔岸觀火

陳貝兒

放大圖片

《蘋果日報》圖片

我當年都做過一個叫《傑出電影人系列》 嘅節目,但都好想睇芷珊個節目,話曬佢咁有資歷,又係我前輩,同埋覺得佢好犀利,可以約到咁多巨星做訪問!

區永權

我以前喺有線都做過類似 嘅訪問節目,但就冇芷珊呢個咁 specific講電影男主角,我覺得有 啲 artist未必鍾意講番以前 嘅事,反而我 嚟緊有個親子節目,搵 咗君如、李嘉欣同 Eason等等做嘉賓,佢哋講湊仔經會冇咁大壓力!

All-Star陣容率先睇

逢星期一至五晚上十點半播出的《最佳男主角》,請到香港多位一線電影巨星做嘉賓,連甚少做訪問嘅梁朝偉都請到,全部由芷珊親自「碌咭」,卡士強過當年《志雲飯局》!

放大圖片

劉德華

放大圖片

任賢齊

放大圖片

鄭伊健

放大圖片

謝霆鋒

放大圖片

劉青雲

放大圖片

張家輝

放大圖片

吳鎮宇

放大圖片

古天樂

放大圖片

郭富城

放大圖片

梁家輝

放大圖片

黃秋生

放大圖片

曾志偉

放大圖片

梁朝偉



.[FACE]橋唔怕舊  TVB抄志雲橋當新料
http://hk8news-d.blogspot.com/2012/10/face-tvb.html