2012年9月24日 星期一

徐子珊《雷霆掃毒》毒后遭輪姦

林峯(左)與徐子珊(右)落力為新劇宣傳,順道為爭奪視帝視後鋪路。


徐子珊《雷霆掃毒》毒後遭輪姦

無綫新劇《雷霆掃毒》今晚首播,一班演員苗僑偉(三哥)、林峯、黃智賢、徐子珊及官恩娜(Ella)等,昨日就齊齊現身為新劇宣傳。其中三哥、林峯及黃智賢就化身型爆警員首先出場,以記招形式公布「大案」發生。三哥更笑稱三人凝重情況似是林峯出事要開記招澄清,相當搞笑。其後眾人分成好人隊及奸人隊,以飛標及氣槍射汽球對決,最終以林峯為首的好人隊落敗,需接受大懲罰,在奸人隊射汽球時站在下面嚇餐飽。

在劇中飾演「毒後」的徐子珊,表示當中有被輪姦的戲份,其中一位對手更是前輩級的李家鼎,令人期待她突破性的演出。子珊表示,之後有可能會回內地拍劇搵錢,透露劇集主題是為女性訂造的,但有關細節就仍未談妥。

官恩娜搏無綫好感

有指Ella因加盟與無綫,引致華納唱片公司與無綫兩方面皆有微言,導致在劇集宣傳片中的鏡頭全被剪掉。Ella對此就口震震回答:「TVB對我好好,希望唔好Cut我戲份啦!我公司問過監製,佢都話冇Cut到!(之後會唔會冇得宣傳?)唔知呀,但我之後13號都仲有宣傳。」知道有危機,Ella就不惜搏無綫好感說:「自己對TVB都有感情,因為佢畀咗好多機會我,我一路都做得好開心,希望以後仲有機會合作啦!」不怕自己公司不滿為無綫講好話嗎?Ella樂觀表示:「冇嘢解決唔到嘅,可以慢慢嚟,never say never嘛!」

而林峯剛從廣州回來,表示在商場舉行的簽名會因人流太多,基於安全理由而要腰斬。一向愛錫Fans的他無奈表示:「最後我只可以喺後台簽名畀佢哋。要佢哋排咁耐隊但又見唔到我,真係唔好意思!」反日情況混亂,豈不是要暫停所有內地宣傳?

林峯取消佛山行程

他表示:「呢個時候太敏感喇!本會很快去佛山,但一個星期前都決定咗取消。電影宣傳可能會好啲,至少有位坐…不過都係安全第一啦!」至於有指林峯與緋聞女友吳千語借吳尊掩護去約會,他就例牌否認說:「嗰日係慶功,全公司都有去!(o依家開始要避忌?)一齊做嘢啫,唔需要避。」



林峯(左)與徐子珊(右)落力為新劇宣傳,順道為爭奪視帝視後鋪路。

想不到高大威猛的林峯,竟然會被氣球嚇親。

想不到高大威猛的林峯,竟然會被氣球嚇親。

官恩娜眼界麻麻,結果要接受大懲罰。

官恩娜眼界麻麻,結果要接受大懲罰。

黃智賢(左起)、苗僑偉及羅樂林的持槍Look有型有款。

黃智賢(左起)、苗僑偉及羅樂林的持槍Look有型有款。



.徐子珊《雷霆掃毒》毒后遭輪姦
http://hk8news-d.blogspot.com/2012/09/blog-post_2533.html