曉明中環掃名牌 陪Baby北上團圓
《中環置地廣場》
今日中秋佳節，有情人梗係想人月兩團圓，內地型男黃曉明都唔例外。前晚記者喺中環突然見到黃曉明，由於佢啱啱喺美國拍完陳可辛部電影《中國先生》，估計佢經香港返內地，跟目前身在內地工作嘅女友楊穎（Angelababy）共度佳節。
前晚7點左右，記者喺置地廣場見到戴住黑超以及成身黑色打扮嘅黃曉明，佢身邊兩個男性朋友攞住唔少名牌紙袋，估計佢哋啱啱行完街shopping。
【今日我至黑】
黃曉明前晚喺中環街頭出現，一身黑衫加黑超已經夠曬搶眼，當佢見到有記者影相時仲黑埋塊面，真係由頭黑到落腳。
睇靚衫
急上車
黃曉明日前喺紐約同導演陳可辛一齊出席《中國先生》煞科宴。
忘形玩手機
黃曉明好忘形咁玩緊手機，仲一路玩一邊笑吟吟，唔知係咪同Baby談情。冇幾耐黃曉明發現記者影相即時黑面，原本有自由行想搵佢影相，佢都一口拒絕，之後就坐七人車離開，相信佢見到Baby之後，好快就會回復靚靚心情。至於Baby噚日喺廣州宣傳新片《太極1從零開始》，今日會飛上海出席活動，估計曉明已經返咗內地同女友會合慶團圓。採訪、攝影：徐錦池
Baby噚日喺廣州宣傳，唔知佢個心會唔會已經飛咗去曉明嗰度呢？
上一則:林峯被誤為基佬
下一則:倪震掃月餅追電車
.曉明中環掃名牌 陪Baby北上團圓
http://hk8news-d.blogspot.com/2012/09/baby_30.html
