2012年8月24日星期五

JJ誤做小三

2012年08月24日

隔籬胡杏兒早前因小三而同黃宗澤分手，同劇嘅 JJ（賈曉晨）最近亦誤做小三。話說 JJ今年 3月於洪天明婚禮上邂逅樊少皇，兩人一撻即著， JJ更送上門，主動北上會情郎。誰不知，男方原來一早結咗婚，並育有一子一女。據講事件穿煲後，樊少皇急急向 JJ解釋，堅稱同老婆冇曬感情。

橋唔怕舊，最緊要受。據聞 JJ聽完信到十足，願意同愛郎永相隨喎。唉，呢啲拋棄糟糠嘅男人，其實邊度信得過？媽咪姐勸 JJ清醒啲，以免日後埋怨：這陷阱、這陷阱，偏我遇上！

情侶帽「洩蜜」

兩人雖冇承認戀情，但微博上處處「洩蜜」。男方早前上載相片所戴嘅帽，恰巧同 JJ一樣。

除咗打功夫，溝女都係我強項。（設計對白）

39歲嘅樊少皇跟髮妻結婚約十多年，並先後育有一女一子。男方甚少公開提及家庭狀況，但 00年罕有被《忽周》拍得台灣旅行嘅蜜照。