2012年8月24日星期五

胡杏兒點名讚林秀怡

2012年08月24日

上期，《忽然 1周》報道《怒火街頭 2》「裸女」林秀怡嘅身世。報道一出後，引起唔少迴響，多位圈中人如胡杏兒同監製劉家豪都好同情佢嘅遭遇，紛紛喺微博留言撐佢。

早幾日，林秀怡同佢媽咪喺天水圍屋企樓下食飯。林媽媽仲同媽咪姐講：「秀怡真係好乖，由細到大責任心都好重。知我身體唔好，就搶住孭起成頭家。好似今日落嚟食飯，佢自己一個就一定唔會食 50蚊一個晚餐。但佢知我想食，就會買俾我。見到佢咁搏命，我都好心痛。」林秀怡勤力又孝順，媽咪姐都睇好你㗎！

胡杏兒喺微博上讚林秀怡演戲有天份，並留言鼓勵佢，甚有前輩風範。

林秀怡睇到杏兒嘅留言，即回覆多謝佢支持，言語之間充滿感激之情。

上期《忽周》報道林秀怡嘅可憐身世，佢為咗養起頭家，閒時兼職做侍應，相當勤力。

林秀怡與媽咪喺天水圍屋企樓下嘅茶記食飯，有好嘢食林秀怡都會留俾媽咪，母女情深。