http://hk8news-d.blogspot.com/2012/08/1_1176.html.
媽咪姐
抵港前喪玩 鄒凱愛星戰
2012年08月24日
今個周末，國家隊奪金英雄襲港現真身， fans們都係時候做足準備，睇睇偶像最新動向。張繼科、孫楊、何姿過咗一個愉快假期，而吳敏霞、羽毛球男雙冠軍蔡贇就忙到傻咗。至於鄒凱就最嘆，先濕平再旅行，佢原來好鍾意玩具， fans可以考慮到信和撞嚇佢！
鄒凱購物樂
原來鄒凱係《星戰》 fans，佢趁有時間去咗一間《星戰》專門店，仲睇中咗手上嘅白兵頭盔。濕平完，佢又自爆搭早機去青島，大嘆啤酒同美食。嗱，食咁多，肥咗點算呀？
張繼科咖啡迷
張繼科就著咗件印上自己個名的 T恤四圍 hea，估唔到佢原來都係星巴克嘅 fans㖭！同人唔同命，羽毛球男雙冠軍蔡贇（下左）打完比賽，就要招呼贊助商，搞到星期日都忙於在戰衣上簽名。
孫楊變粉絲
孫楊原來係音樂迷，佢除咗鍾意聽國內同胞至愛嘅鄧麗君之外，仲好 like天後 Avil Lavigne。佢趁近日得閒，就把握機會，出席國內 Avil Lavigne歌迷會嘅活動。
