2012年8月31日星期五

高海寧留前鬥後

2012年08月31日

早兩日，媽咪姐喺中環撞到高海寧。高 Ling近期曝光率雖然少咗，但見佢依然神采飛揚，同女朋友行街兼 high tea。

高 Ling嘆完茶同女友分手，之後一個人走咗去搭地鐵。因為正值放工時間，要同幾百人逼地鐵，媽咪姐都嗌辛苦，難得著住超短裙仔兼背面透視裝嘅高 Ling完全唔介意不特止，仲一臉從容！咦，佢喺港姐決賽嗰晚（ 26/8）又係露大背喎！唔通驚咪咪見得多，想轉移「戰線」？

港姐決賽當晚，人夫王浩信繑住前 deep V後面大露背嘅高 Ling出場，望都唔敢望呀。

放工時間梗係人多，高 Ling唔介意同人逼，咁樣身貼身法，蝕底曬啦！

高 Ling嘆 high tea，一面玩電話一面喪食。

原來高 Ling冇八達通，去到地鐵站仲要買飛入閘。從後睇佢透視裝兼大穿窿，夠曬 Sexy。