2012年8月31日 星期五

[忽然1周]旺角淪陷 劉華落區

[忽然1周]旺角淪陷 劉華落區
http://hk8news-d.blogspot.com/2012/08/1_9363.html
.乖啦,大家忍住隻狼先,我下屆會選特首!(設計對白) <br><br>夜晚 10點幾,天王空降旺角,話咁快就搞到萬人空巷!工作人員狂推圍觀嘅街坊同記者,劉華即刻話:「唔好推,俾佢哋影啦。」呢啲咪大將之風囉。


媽咪姐

旺角淪陷 劉華落區

2012年08月31日

行行嚇旺角都撞到大明星嘅感覺係點嘅呢?咪就係,嘩嘩嘩嘩嘩,華仔呀劉華呀劉德華呀!忍唔住大嗌一輪,然後「嗱嗱聲」攞部電話、相機出嚟狂影啦。就呢個星期一( 27日)之嘛,媽咪姐喺旺角 shopping,忽然見到劉華個頭喺前方「湧」現!點解用個「湧」字呢,事關拍緊杜琪峯新片《盲俠》嘅佢,幾乎俾「自由行」、街坊同記者組成嘅人浪淹沒,寸步難行,場面墟冚程度,仲勁過梁振英落區做騷!

不過,劉華見慣風浪,無俾人逼親之餘,仲幫手維持秩序,太平紳士係唔同啲!

而同場但同劉華無對手戲嘅鄭秀文( Sammi)呢,一樣俾人圍。佢喺旺角一條橫街嘅小食店前拍戲,熱到身水身汗,仲要拎住幾袋「老麥」衝出重圍喎!睇佢面容扭曲嘅誇張表情,令媽咪姐諗起佢同杜琪峯、劉華 00年第一次合作嘅《孤男寡女》呀!計起嚟,由《孤男寡女》、《瘦身男女》到《龍鳳鬥》,呢個鐵三角陣容次次都贏曬,票房收 3、 4千萬閒閒哋。今次第 4度合作又點呢?睇嚇啲人潮, no problem啦!

放大圖片

星期一( 27日)嘅夜晚,旺角仍然逼到冚,就算工作人員拉繩圍住劉華休息嘅帳篷,大班「自由行」同街坊堅持留守!

放大圖片

做咗人老竇,天王都變得輕鬆,等埋位時與講解劇情嘅導演鄭保瑞有講有笑,仲將「盲公竹」當劍咁篤, young曬!

放大圖片

扮失明退休警察嘅華仔,攞住支「盲公竹」喺行人專用區行嚟行去,拍咗幾個 take。

Sammi做阿四

劇情講幫劉華查案嘅鄭秀文,攞住好多袋「麥記」喺旺角街頭急急行搵人,你睇 Sammi個樣幾 high,勁專業!兩 take搞掂。

放大圖片

係就好嘞!劉華,媽咪姐等你呀。

放大圖片

天後去買篤篤小食,係咁意都拎張一千蚊(圓圈)出嚟㗎!

放大圖片

買完小食熱辣辣,又要拍一個好逼人嘅 shot,再要睇睇稿,培養感情,辛苦錢嚟㗎!

杜 sir雪茄不離手

放大圖片

傍晚 6點幾,導演杜琪峯已經落咗旺角睇位,然後擔住大雪茄研究劇本,嘆!

放大圖片

初時杜 sir見有咁多記者自發探班,特登走去扮同 Sammi對稿,好 nice喎!

放大圖片

不過拍到 11點,人潮愈嚟愈勁!杜 sir拍到唔耐煩,發火撕爛條隔住人群嘅帶走人,劉華同 Sammi惟有跟住走。