無綫雪藏 復工無期 肥苟中醫急救 肥苟,苟芸慧,MW,

2013年11月8日星期五

無綫雪藏　復工無期　肥苟中醫急救肥苟,苟芸慧,MW,

上月 28日下午，苟芸慧包到冚搭的士，到北角睇中醫，雖然黑衫加外套，但圓潤身形表露無遺。

滾熱辣

無綫雪藏　復工無期　肥苟中醫急救

30歲的苟芸慧，年前憑標致五官，成為新一代宅男女神，甫出道已被無綫力捧。不過今年被指做「小三」介入郭富城與熊黛林戀情後，有指她壓力爆煲引致內分泌失調，體重急漲至 170磅。

玉女變肉女，更被封「肥苟」，嚇窒不少廣告商。無綫惟有急急收埋苟芸慧，勒令她減肥成功後才讓她復工。為了減磅，苟芸慧無所不用其極，試過節食、打泰拳、做瑜伽及通淋巴減肥。上月 28日下午 4時許，本刊更發現她幫襯中醫，雖則食藥及用減肥機雙管齊下，成效卻不大，黑衫加外套遮冚下亦蓋不住麒麟臂及象腿。

其他影片

從後面看，苟芸慧的一雙象腿依然好肉地。

事業愛情兩失意的苟芸慧，被嘲「肥苟」後，自信心盡失，終日匿家中自閉，甚少外出，就算出街亦刻意以 cap帽及口罩遮面，掩人耳目。上月 28日下午 4時許，苟芸慧從將軍澳寓所出來，乘的士到北角英皇中心幫襯林月英中醫。

鬼祟睇中醫

45分鐘後，苟芸慧戴着口罩從醫館下來，然後急急乘的士返回寓所。

當日所見，素顏的苟芸慧比高峰期稍為清減。她落車後十分小心，不斷兩邊望，更一度把帽子壓低，然後走入北角英皇中心睇中醫，只見她在醫館逗留了近 45分鐘，之後便急急離開返回寓所。

記者以顧客身份到醫館向林月英求診，她不斷表示除了按個人體質食中藥外，更要使用 Nuskin的減肥食品及通淋巴的減肥機，十分 hard sell，又遊說記者買減肥機及到醫館做療程。

連日來甚少外出的苟芸慧，上月 30號戴着口罩到寓所附近的餐廳買外賣。她後來發現記者，連外賣都唔買，拿着外賣紙急急腳返家。

臨上樓前，苟芸慧禮貌與記者講拜拜。

壓力大難減

記：之前苟芸慧都係用呢部減肥機減磅？

林：我個電話係咪佢俾你？

記：唔係，知佢有嚟睇，但見佢試完好似唔係太 work？

林：我覺得你容易減過佢，因為始終佢係藝人，壓力大過你。

當記者問到苟芸慧食咩藥？林醫師則表現避忌，沒有回應。

其實，早前苟芸慧談到被無綫雪藏時，亦漏了口風說自己通淋巴減壓︰「公司經常要我報告狀況，冇話要我放假到幾時。為咗健康，我同女性朋友齊齊去通淋巴。（係咪有情緒問題？）冇事！我明白人生有高低，通淋巴可以紓緩，令身心健康。」

去年 10月 125磅

去年索爆的苟芸慧以逼爆巨胸造型出席化妝品公司活動，成為傳媒焦點。

《 Face》圖片

今年 9月 170磅

9月尾苟芸慧出席新加坡頒獎禮時，脹爆程度超越欣宜，令行內震驚，無綫惟有勒令她停工減磅。

香香攝位上

早前苟姑娘急速脹爆，無綫高層見狀，即勒令她放假減磅，以免「肥苟」惡名變成她的標籤。知情者透露︰「其實樂易玲同珍姐（曾勵珍）都好錫苟姑娘，因為佢聽教聽話，份人又純品，加上又有觀眾緣，佢哋一心諗住捧苟姑娘做一線花旦，仲諗住下年開套劇俾佢擔正。不過她身形突然脹到咁，成個計劃要 hold住，等佢減肥成功至算。依家樂小姐唔會幫佢接嘢住，珍姐亦唔會開劇俾佢，而同佢形象差唔多嘅岑麗香，咪攝咗佢個靚位囉。」

近日零工作的苟芸慧，當前急務就是盡快減肥，據知她現在日食一餐，已減番十多磅。雖然稍見成績，但與去年索爆時 125磅相比，還有一大段距離。正如林醫師所言，苟芸慧要減磅，看來要先學識減壓。

早前，本刊發現苟芸慧到紅磡搵多屆泰拳冠軍 Tik學泰拳，當時她還表示打拳為發洩減壓。

本來前途一片光明的苟芸慧，因暴肥益咗好姊妹岑麗香攝位成功，岑目前已三劇在手，而苟芸慧則依然未有着落。

中藥減肥機並用

林月英是香港中醫藥管理委員會註冊女中醫師，林醫師除了為病人開中藥粉調理身體及提供針灸治療外，診所內亦擺放不少 Nuskin產品。

記者表示想以中藥減肥，林醫師先詳細向記者解釋各種致肥原因，她表示若要減肥效果好，除了食中藥外，還可以用 Spa機通淋巴及價值$11,888的減肥食品 TR90，過程十分 hard sell。

記者好奇問為何中醫會以此產品減肥，林醫師表示：「今日報紙

先話好多中藥都有硫磺，所以食中藥之餘都要食營養品輔助。」