新仔上場 愛將爭寵 陳志雲𥄫中商台新肌男 陳志雲,MF,

哈哈哈哈哈，唔係武則天年代！（真實對白）

被問到男主持爭寵，陳志雲上週回答記者時「雞汁 May」上身：「哈哈哈哈！我哋唔係清朝、呢度唔係武則天年代，唔使爭寵㗎！」

真面目

新仔上場　愛將爭寵　陳志雲𥄫中商台新肌男

凡係有志雲大師嘅地方，男藝人就唔愁有出頭之日！不過紅得幾耐，就要睇你得到志雲大師寵幸幾耐。

昔日無綫一眾愛將鄧健泓、崔建邦爭寵局面，隨着去年 3月陳總加入商台移師到廣播道。

上週商業 1台節目《起來！大龍鳳！》主持人宣布，下週一起由昔日王喜變為新愛將化妝師 Rick Chin同千語 BB，本刊收到消息，另外一個陳總旗下愛將梁泰來主持的《一圈圈》亦有變動，取而代之的原來係綽號「大胸基」的大隻 DJ何基佑，加入商台九個月就上位，之唔係陳總欽旨囉！

其他影片

33歲何基佑， 02年曾經在新城任職《聯 fan所》主持人， 06年離開新城後加入無綫，主力主持明珠台生活節目及擔任品牌活動司儀。絕跡廣播界足足七年，今年 2月突然加盟商台，更加一開咪即有得拍住王喜主持《起來！大龍鳳！》，以及每週日晚個人音樂節目《又愛上子夜場》。據悉，何基佑入職冇耐即扶搖直上，全靠陳總寵愛扶持。

新寵何基佑

《蘋果日報》圖片

陳總離開無綫後才因為教會活動對何基佑另眼相看， 2月力邀對方加入商台後，即有兩個節目主持，兼做商台台慶晚宴司儀。

「睇得 TVB宮廷劇多？」

上週四(7日)，陳志雲率領王喜、 Rick Chin及吳千語在商台舉行的《起來！大龍鳳！》接棒儀式記招，美其名接棒，其實係正式宣布陪住陳總度過風風雨雨的王喜即將離開主持一職。

除了王喜退下主持寶座，本刊收到消息，由陳總愛將梁泰來一手搞起的娛樂節目《一圈圈》亦換血，落到剛加入商台不久的何基佑手上。陳總接受本刊訪問時笑騎騎賣關子：「哈哈哈哈，呢度唔係清朝，冇皇上，又何來失寵呢？(梁泰來被踢出《一圈圈》？)電台節目時不時都要換吓模式、換吓主持，間中加啲新元素，好快《一圈圈》都有新公布，改變一浪接一浪。(係重用何基佑換走梁泰來？)我都係留番一浪接一浪再講啦……都話冇皇帝囉！唔係武則天年代囉！唔使爭寵唔會失寵㗎！大家係唔係睇得 TVB宮廷劇多呀？」

失寵梁泰來

有傳即將被轟出《一圈圈》的梁泰來傍住志雲接受訪問，聽到志雲話《一圈圈》改動容後公布，笑而不語。

陳總加入商台短短兩年動作多，繼踢走查小欣、莊思敏後，換入的吳綺莉和梁泰來亦先後失寵，《一圈圈》只淨楊崢和新加入的何基佑。《蘋果日報》圖片

冇得撈王喜

在記者會上交棒畀 Rick Chin的王喜說為拍自編自導新電影而離開節目：「爭寵？呢度係廣播道，唔係堆填區，爭好遠！」

10年志雲貪汙疑雲被廉署調查時，昔日愛將崔建邦、鄧健泓即割席，最忠心係王喜日日擋風遮雨陪出庭。

林以諾撮合

除何基佑外，曾經陪陳總遊學的另一愛將袁耀輝亦隨陳總步伐加入商台任高層，未來亦會主持節目。圖片

據悉，其實陳總仍在無綫任職期間，本來因為《東張西望》與當時任主持的何基佑有一面之緣，不過當時他旗下由於太多愛將，「草」多眼亂，對何印象不深。

直到離開無綫、改信基督教，陳總反而因為常與林以諾牧師合作，而與虔誠教友何基佑愈混愈熟。週日記者致電何基佑，當事人不否認陳總關照：「佢叫我基佑、我叫佢 Stephen，佢鍾意人咁叫佢。我哋私底下冇聯絡，更加冇上過佢屋企，係每年幫林以諾牧師做騷會碰頭，佢對我了解多咗，至會問我有冇興趣入商台。 Stephen對我嚟講係老闆又係恩師，每次節目都親力親為參與創作，同其他高層作風的確唔同。王喜係要拍戲至會走，梁泰來亦都保留《一圈圈》專訪，得寵？我又唔覺我係喎！」

陳總愛背心仔？

至於有傳因為身材大隻、返工愛穿背心因而獲陳總留意，何基佑極力否認：「吓？我平時着西裝，淨係星期日返去至會着背心，星期日 Stephen都唔返工、都見唔到？」唔使着背心都喺芸芸男 DJ中跑出，呢啲咪實力囉！

大胸基多瓣數

已婚的何基佑 21歲從加拿大回流、加入新城電台任 DJ，入行 12年，雖然主打做明珠台主持、間中客串劇集，知名度未算高，不過形象健康又口齒伶俐，深受品牌歡迎，是不少國際品牌、公益活動禦用司儀，和電視廣告幕後配音。除此之外，還身兼歌手、舞台劇演員、作家、填詞人及大學客席講師，兩年前再同老死高皓正合辦教會《使徒行傳教會》，身兼多職不下於恩師陳志雲。

入行初期做過 4年新城 DJ，何基佑最出名就係大隻兼愛穿背心返工。《蘋果日報》圖片

近日男星興練腹肌，何基佑早年已經開始操肌出名大隻，所以被改花名「大胸基」。網上圖片

陳總近年改信基督教，活躍教會活動，亦因為林以諾牧師的關係而跟何基佑開始稔熟。《蘋果日報》圖片

愛爭才會贏

陳總口講話電台唔係清朝、冇武則天，唔使爭寵喎。不過事實證明，陳總去到邊，身邊都有多位男性密友包圍，享受爭寵局面。

馬浚偉　賀牛一

文質彬彬、入行多年都性向成疑的馬浚偉一直與陳總關係密切，有傳最擅長係事無大小第一時間致電陳總手機通報。本月初，陳總才被影到跟 10月尾 42歲生日的馬浚偉食飯補祝生日。

崔建邦　反碗底

崔建邦當年最得陳總寵幸，是電視台上位最快台慶、港姐司儀。可惜陳總爆出涉貪案及離職無綫，他因看風使舵而令陳總傷心。

鄧健泓　做番 friend

最經典一役是形容陳總為 Honey。不過亦因陳總涉貪案後火速劃清界線，而得罪陳總。但最後亦得陳總原諒，做番朋友。

陳鍵鋒　少聯絡

青靚白淨聽話聽教，隨傳隨到以外，最得陳總歡心係歷年係女星絕緣體，不過隨着陳鍵鋒轉戰國內，二人已甚少聯絡。

. 新仔上場　愛將爭寵　陳志雲𥄫中商台新肌男 陳志雲,MF,
http://hittt.blogspot.com/2013/11/mf_5749.html. 新仔上場　愛將爭寵　陳志雲𥄫中商台新肌男 陳志雲,MF,
http://hittt.blogspot.com/2013/11/mf_5749.html. 新仔上場　愛將爭寵　陳志雲𥄫中商台新肌男 陳志雲,MF,
http://hittt.blogspot.com/2013/11/mf_5749.html. 新仔上場　愛將爭寵　陳志雲𥄫中商台新肌男 陳志雲,MF,
http://hittt.blogspot.com/2013/11/mf_5749.html. 新仔上場　愛將爭寵　陳志雲𥄫中商台新肌男 陳志雲,MF,
http://hittt.blogspot.com/2013/11/mf_5749.html