代罪羔羊 《東張》箭靶主持何傲芝呼寃：內容我控制唔到 何傲芝,MF,

蕭正楠同何傲芝玩地下情，家陣女友開到口想拍劇，蕭公子識做幫手同啲監製講兩句囉！

真面目

代罪羔羊　《東張》箭靶主持何傲芝呼寃：內容我控制唔到

維基冇牌全城嬲到震，上星期二（ 5日）無綫竟然夠膽火上加油，在節目《東張西望》中播出所謂專題節目《電視發牌風雲》，再次惹來萬民狂插，三日便有超過 2.5萬人投訴。

TVB俾人插慣，最慘今次連累埋兩位主持何傲芝同朱凱婷，網友大鬧二人冇腦兼助紂為虐。據知何傲芝更一度情緒低落，上週五（ 1日）就向本刊無奈說：「內容我控制唔到……其實我都係想拍劇多啲！」女友開到口，蕭正楠係時候做嘢啦！

上週二（ 5日）立法會就 HKTV冇牌引用「特權法」討論前夕，無綫忽然在《東張西望》安排「發牌特輯」出街，一如所料內容偏頗，結果一日內惹來 2萬宗投訴，仲「威」過去年《 ATV焦點》反國教一日過萬投訴。

當日兩位主持被網友狂插，但亦有眼利網友見兩人一黑一深藍似表達不滿，但穿深藍衣的朱凱婷說：「嗰日好熱，仲邊有時間諗咁多嘢呀？」原來大家又諗多咗。

內容唔敢改

上週四（ 7日） TVB節目巡禮，何傲芝同朱凱婷都着到靚靚招呼客戶，未受網上評論影響！

節目投訴破紀錄，當日兩主持朱凱婷和何傲芝更成為箭靶，網友除勁插二人係「白癡主持」，又叫佢哋「不要為錢出賣自己靈魂！」一時間矛頭直指兩位打工仔。

據知當日節目內容由無綫發展部高層彭濟材（彭公）直接執筆，稿件亦到節目開始前才交到兩女手中，所以二人當日表現未如理想之餘，加上明知稿件出自高層手，兩女更加唔敢私自改動，如今照稿讀捱插，節目出街後，何傲芝更一度情緒低落，而上週六（ 9日）何傲芝亦對本刊呼寃：「之前真係好唔開心，不過𠵱家 ok啦，我都係照稿讀，啲內容我控制唔到㗎，嗰日真係編咗係我嘅！（咁個節目內容你同唔同意？）呢樣嘢我唔方便講……其實我想拍劇多啲囉！希望公司畀機會我啦！」

女友情緒受壓兼開到口想拍劇，現正受 TVB力捧上一線的蕭正楠，上週六（ 5日）則說：「我冇咩特別安慰佢哋，咁網友講嘢好快就唔記得啦，其實佢都係盡自己本分啫！不過拍劇我就幫佢唔到，等公司安排啦！」

無綫早前發布 2014藝員月曆，其中有陳敏之、高海寧、楊思琦等 8人合影的 7月體操篇，本來簽約 TVB不久的陳貝兒亦有份拍照，但照片出街時竟然被失蹤。

細妹何傲兒：多多包涵！

都擔心佢唔開心，希望大家多多包涵啦，觀眾𠵱家好聰明，始終都係一份工作啫！

朱凱婷：反應可以理解。

其實嗰日好後期先收到份稿，總之公司嘅調動同安排，我都會遵從嘅，市民嘅反應可以理解，任何行業都要有競爭先有進步。

走得甩名單

《東張》主持定期輪替，上週二朱凱婷同何傲兒抽到死亡籤，認真黑仔！

《東張》出年等摺

餘詠珊

《東張西望》由 05年起啟播，只是近年形式沉悶兼頻頻被插內容偏頗，據知無綫綜藝總監餘詠珊簽下有線年代的愛將陳貝兒，並計劃來年重搞當年《城市追擊》式的專題報道節目取代《東張》。餘詠珊早前亦承認說：「係有咁嘅構思，不過都係出年嘅事，陳貝兒會係其中一位主持。」

'94《城市追擊》

圖片

於 94年開播的《城市追擊》，是當年為抗衡當時由餘詠珊主理的《今日睇真啲》而出現的節目，當年主持有霑叔、廖啟智、黃桂林、鄭裕玲等猛人，節目至 99年玩完。

批評碼頭工潮

極醜惡

今年 3月《東張西望》報道碼頭工人工潮， TVB報道手法被指偏幫資方，連主持之一一蚊 Joe遊莨維亦睇唔過眼，在自家 fb內說：「身在曹營心在漢！」

嘔心愛回家

HKTV失牌照， TVB在 10月 22日《東張》節目內，用超過 2分鐘呼籲「其他電視台」的藝人回巢，又於節目中播出聯絡電話，而被網民指矯情造作，睇到想嘔。

樂易玲：上面指示咋！

獲高層睇重率先有劇拍的陳凱琳，上週四（ 7日）出席節目巡禮時回應稱照片影了不久就出街：「我選完冇耐就影啦，經理人接嘅。（你取代咗陳貝兒喎！）我唔知喎，都係公司叫就做，唔知其他㗎！」

據知今次陳貝兒被陳凱琳取代，原來出自 TVB極高層 order，連藝員部高層樂易玲亦不敢過問。週一（ 11日）樂易玲說：「呢樣嘢可比喻做戲，梁朝偉拍戲都控制唔到導演要乜啦，相信貝兒嚟到影月曆已經好開心；變咗人唔係我話事，上面嘅指示咋！」

雖然陳貝兒「被失蹤」，但自有線年代已愛錫她的餘詠珊，則已籌備類似《城市追擊》的新節目讓陳貝兒主持，難怪佢對於月曆被取代都唔敢多講：「公司嘢要問經理人至答得，我𠵱家簽咗 TVB，你問佢哋啦，其實公司一路有畀機會我，如果係（新節目取代《東張》），梗係開心啦。」忍一時有補償，陳貝兒識諗嘅！

極高層密令　陳凱琳月曆踢走陳貝兒

公司叫就做（真實對白）

上週四（ 7日）陳凱琳出席節目巡禮時，表示不知道自己取代了陳貝兒，其他人是何時拍攝她更矇查查。

《東張西望》接投訴多到變「慌張西望」，高層餘詠珊諗定應變下年隨時摺埋《東張》，並由有線幫陳貝兒做主持孭飛新節目取替《東張》。

不過陳貝兒取替《東張》前，先俾人搶先取代咗。早前 TVB拍攝的 2014月曆，本來已拍照的陳貝兒，面世版本竟然「被失蹤」，移花接木換上今屆港姐冠軍陳凱琳。據知背後由 TVB極高層密令，急急換上民選港姐補位。

出街消失

TVB發出的月曆照片，站在高海寧身後的本來是陳貝兒，卻離奇變了陳凱琳。

原版有份

楊思琦早前在微博放了張影月曆當日的大合照，明明有陳貝兒（右二），而沒有陳凱琳。

陳敏之

係有陳貝兒㗎！後來冇咗咩？我唔知喎，睇過報紙登張相但冇留意其他人喎，我哋有一齊影㗎！變咗陳凱琳？唔知喎，我同佢唔熟。

洪天明

好似係有陳貝兒，我掛住同錢嘉樂玩都冇留意其他人！輯相連埋換衫影咗個零鐘啦。陳凱琳？係邊個嚟？哦港姐，我唔熟喎。

月曆都抄

今年 TVB月曆用運動做主題，睇落係幾有動感，但有眼利網友就發現部分月曆有抄襲之嫌，陳貝兒失蹤嗰款同佘詩曼嗰款，無論動作同顏色配搭，都似足外國雜誌《 Vogue》照片，原來 TVB唔只劇集冇創意，連月曆都咁有國際 feel。

《 Vogue》版

連橫間背景、呼拉圈、網球都抄足，果然有心有力囉。

《 Vogue》版

TVB版

. 代罪羔羊　《東張》箭靶主持何傲芝呼寃：內容我控制唔到 何傲芝,MF,
http://hittt.blogspot.com/2013/11/mf_8991.html. 代罪羔羊　《東張》箭靶主持何傲芝呼寃：內容我控制唔到 何傲芝,MF,
http://hittt.blogspot.com/2013/11/mf_8991.html. 代罪羔羊　《東張》箭靶主持何傲芝呼寃：內容我控制唔到 何傲芝,MF,
http://hittt.blogspot.com/2013/11/mf_8991.html. 代罪羔羊　《東張》箭靶主持何傲芝呼寃：內容我控制唔到 何傲芝,MF,
http://hittt.blogspot.com/2013/11/mf_8991.html. 代罪羔羊　《東張》箭靶主持何傲芝呼寃：內容我控制唔到 何傲芝,MF,
http://hittt.blogspot.com/2013/11/mf_8991.html