小心女人 港台韓男星中招 強國版 Cammi大量床照短訊揸手 Cammi,MF,

耳形穿煲

林西婭最爆嗰張就係抱住疑似熟睡中的張根碩床照，不過本刊對番張根碩左耳輪廓，發現張根碩的左耳形狀較尖削，而床照中人的耳朵較肥厚，唔排除床照另有其人。(網上圖片)

真面目

小心女人　港台韓男星中招　強國版 Cammi大量床照短訊揸手

上週六（ 2日）網上突然流出，曾到韓國發展的內地奀星林西婭與疑似韓國萬人迷男星張根碩的床照，同時亦有多張她與疑似房祖名、彭於晏、吳克羣和韓團「 EXO」的吳亦凡（ Kris）的短訊畫面流出，奀星林西婭忽然紅爆網絡，但她隨即在微博道歉，更寫到明「知道得罪的是誰」。

據知，樣同行為都有啲似陳冠希前度 Cammi（謝芷蕙）的林西婭，仍手持多張與圈中男星的親密照，暫時叫停只因收到圈中猛人勒令收手。為免冇得撈，林西婭暫時聽話道歉。

現年 25歲的內地奀星林西婭（ Shino），原名洪帆， 08年開始出道，雖然拍戲拍劇都未試過擔正，但天生愛黐星「集郵」，林西婭更經常在微博曬合照，在國內已薄有名氣。

張根碩鬧爆

上週六（ 2日）網絡突然瘋傳林西婭和疑似韓星張根碩的貼頭床照，即令張根碩粉絲大為緊張，更即時翻查二人微博。有傳二人在今年 6月同時在北京現身，而當時張根碩亦碰巧貼上在酒店的床照令事件似層層，不過週一本刊致電張根碩韓籍經理人求證，他說：「張根碩不認識那個女的，所以沒必要回應。」

至於照片從何而來，有傳是林西婭遺失手機所致。除了合照，更流傳出多張林與疑似不同男星的短訊畫面，當中有吳克羣、韓團「 EXO」的吳亦凡（ Kris）和彭於晏等，文字亦相當合乎當事人慣用口吻，不過短訊內容其實只屬一般寒暄，情慾對話欠奉。

俊秀有痣

相中疑似林西婭，鼻被打格的女子跟型男大被同眠，即傳出相中男子疑是韓國組合 JYJ的俊秀，但俊秀右邊頸位有粒痣，而床照中男子係冇痣！網上圖片

網上圖片

被勸籲收手

林西婭出道 5年有多，已經 25歲的她曾在韓國和內地發展，最近更簽約國際公司，可惜都未能發圍，未知是否有人心急上位而炮製照片。

「其實國內好興咁樣上位，講真搵啲小生影吓相，博見報唔難。出咗名自然有老闆搵，到時怕咩做過街老鼠？不過林西婭今次就玩大咗，有啲人係唔得罪得，所以佢都即刻喺微博道歉。聞說佢仲有相有短訊揸手，原本打算再嚟料，𠵱家唔使旨意！」知情人士說。

國內奀星多的是，想一夜成名其實呢個方法真係好易，可惜今次林西婭落錯注，位唔係咁上㗎！

即停發相

擁有 1米 68身高，上圍 33C的林西婭其實本錢唔錯，可惜今次玩大咗，大膽咗啲喎。網上圖片

床照和合照上週六（ 2日）流出，當晚林西婭即在微博道歉，好有效率。

張根碩咁啱喺 6月初上載咗張喺內地酒店瞓醒嘅相上微博，難怪令人聯想起林西婭床照中人係佢，但呢張碩仔瞓醒相已被他刪走。網上圖片

馬上割席

林西婭去年曾經短暫簽約台星吳宗憲嘅吾秀公司，吳宗憲週一（ 4日）回應本刊：「林西婭早就不是我們藝人了！因為這事我們公司組合 Bibimbob也惹了一身蟻！」網上圖片

狂集郵

成龍都中招

喺一個疑似 K房嘅地方，林西婭竟然偷影成龍大哥同導演陳勳奇，嫌命長咩？網上圖片

祖名「合照」

林西婭友人同祖名影完合照（右圖），友人再同林西婭在同一場合影相，可想而知房祖名同林西婭當晚一齊蒲。網上圖片

於晏全裸？

流出嘅床照中，仲有張男性裸照，有說相中人像彭於晏，但彭的面部輪廓較方，而相中人面形則較圓。網上圖片

偷影周董

據知呢張周傑倫喺疑似 K房嘅相片，係去年 11月周董出席華誼兄弟搞嘅聯誼活動上，被有份去的林西婭偷影的。網上圖片

港台韓都有份

上週六，有疑似林西婭跟男星床照、親密照流出之餘，更有多張疑似是林西婭跟男星的短訊流出。而短訊內各疑似男星的用字，都跟他們平時的說話習慣相若，例如曾在加拿大升學的彭於晏就用上唔少英文，而 EXO的中國籍成員 Kris（吳亦凡）就用上大堆漢語拼音。如果林西婭要做假，也做得頗認真喎！

撈極唔起

原名洪帆的林西婭（ Shino）， 09年到韓國打工兼學韓文，其後韓國三、四線唱片公司 DR Music到中國搞選拔賽時，林西婭被揀中做練習生，與其餘 4名女子成為組合 BabyVOX3，不過一直撈唔起，只拍廣告和客串劇集。

12年林西婭加盟吳宗憲的吾秀文化旗下，年底與 4名女子組成另一組合 Bibimbob，並參加台灣華視亞洲天團爭霸賽奪得季軍。期後即解約並轉投國際公司 DMG娛樂傳媒集團至今。 DMG總裁是前國家金牌體操員吳冰，投資過彭於晏孭飛的電影《影子愛人》，所以二人可能因為呢個原因玩埋。

BabyVOX3(網上圖片)

Bibimbob(網上圖片)

. 小心女人　港台韓男星中招　強國版 Cammi大量床照短訊揸手 Cammi,MF,
http://hittt.blogspot.com/2013/11/cammi-cammimf.html. 小心女人　港台韓男星中招　強國版 Cammi大量床照短訊揸手 Cammi,MF,
http://hittt.blogspot.com/2013/11/cammi-cammimf.html. 小心女人　港台韓男星中招　強國版 Cammi大量床照短訊揸手 Cammi,MF,
http://hittt.blogspot.com/2013/11/cammi-cammimf.html. 小心女人　港台韓男星中招　強國版 Cammi大量床照短訊揸手 Cammi,MF,
http://hittt.blogspot.com/2013/11/cammi-cammimf.html. 小心女人　港台韓男星中招　強國版 Cammi大量床照短訊揸手 Cammi,MF,
http://hittt.blogspot.com/2013/11/cammi-cammimf.html